Наадмын өнгийг тодорхойлох сорилго барилдаан

Үндэсний баяр наадмын өмнө болдог сорилго барилдаан олны сонирхлыг их татдаг. Тэд бөхчүүдийн ур чадвараа хэрхэн ахиулж, бү­тэн жилийн турш бэлтгэл сургуулилалтаа хэр базааж, наадмын барилдаанд өнгөлж зо­доглохыг нь шинждэг уламжлалтай. Эл ба­рилдаанд сайн барилдсан хүчтэн зүлэг ногоон дэвжээнд олныг баясгаж, ул­сын цол хүрт­дэг нь цөөнгүй билээ.

Бөхийн өргөөнд өнгөрсөн амралтын өдөр болсон, Өмнөговь айм­гийн Манлай су­мын харьяат, улсын арслан Г.Дэ­мүүлийн нэрэмжит Үндэсний их баяр наад­мын сорилго барилдаанд улс, аймаг, цэргийн цолтой болон залуу 224 бөх хүч сорив. Энэ удаа Ар­хангай аймгийн Хайрхан сумын харьяат, “Алдар” спорт хороо, зэвсэгт хүчний 034 дүгээр анги, “Нэгдэл” клуб, “Бөхбилэгт” дэвжээний бөх, ул­сын харцага О.Мөнх-Эрдэнэ түрүүлж, Төв аймгийн Өндөрширээт сумын харьяат, “Сүлд” спорт хороо, ШШГЕГ-ын 427 дүгээр анги, “Дүн­жингарав” дэвжээний бөх, улсын заан Д.Хүдэрбулга үзүүрлэлээ.

Залуу бөхчүүдээс “Өсөх ирээдүйтэй бөх”ийн шагналыг сумын заан О.Учрахбаяр, аймгийн арслан Б.Баянсүх “Уран барилдаант”, улсын өсөх идэр начин Л.Энхсаруул “Үнэнч шударга барилдаант бөх”-ийн шагнал гард­сан юм. Бөхийн ба­рил­даа­нуудад тогтмол оролцож, үзэгчдийг хүнд­лэн шударга ба­рил­дан, үеийнхээ залууст үлгэр дуурайлал үзүүлдэг Л.Энх­саруул 2024 оны наадмаар тавын даваанд аймгийн арслан Ц.Тө­мөр­цоожтой тунан барилдаж өвдөг шороо­дуулснаар улсын на­чин цол хүртсэн бол 2025 онд улсын харцага Б.Цэдэнсодномоор тав давж, өсөх идэр чимэг нэмсэн билээ.

Сонирхуулахад, цэргийн цол, чимэг олгох 35 дахь удаагийн “Бүх цэргийн наадам 2026” аймаг, цэрэг, сумын цолтой 256 бөхийн барил­даанд Хэнтий аймгийн Өмнөдэлгэр сумын харь­яат, “Алдар” спорт хороо, зэвсэгт хүчний 014 дүгээр анги, “Хан Хэнтийн аварга” дэв­жээ­ний бөх, аймгийн хурц арслан Д.Алтан­цоож тэргүүлж “Бадрангуй” чимэг нэмсэн бол Архангай аймгийн Хотонт сумын харь­яат, “Хил­чин” спорт хороо, “Бөхбилэгт” дэв­жээ­ний бөх, аймгийн начин, жүдо бө­хийн үндэс­ний шиг­шээ багийн тамирчин Б.Гон­чигсү­рэн үзүүр­лэж “Цэргийн заан” цол хүртжээ. Бөх­чүү­д дараагийн барилдаанаа Хүй до­лоон ху­дагт энэ сарын 27-28-нд болох “Хүрээ цам даншиг наадам-2026”-гаар үргэлжлүүлэх нь.