Ковшоор хог түрж байгаад хүний амь хохироов
Хөвсгөл аймгийн төвийн төвлөрсөн хогийн цэгт ажлаа хийж байсан хүнд механизмын жолооч 68 настай иргэн хүн дайрч амийг нь хөнөөсөн хэрэгт шалгуулж байна. Мөрөн сумын нутаг, Элстийн ар гэх газарт орших хогийн цэгт тэрбээр ковшоор хог түрж байгаад ухрахдаа 61 настай иргэнийг дайрсан аж. Хөвсгөл аймгийн Хот тохижуулах үйлчилгээний төвийн ажилтан Ш-ийг өдгөө Хөвсгөл аймгийн Цагдаагийн газарт үргэлжлүүлэн шалгаж байна.
2025-04-04
Хавдрын өвчлөл өндөртэй таван аймагтай ХСҮТ хамтарч ажиллана
Хавдар судлалын үндэсний төв (ХСҮТ)ийнхөн хавдрын өвчлөл өндөр таван аймгийн нэгдсэн эмнэлгийнхэнтэй хамтран ажиллахаар болов. Тодруулбал, Булган, Дундговь, ДарханУул, Говьсүмбэр, Хэнтий аймгийн Нэгдсэн эмнэлгийн болон ХСҮТ-ийн дарга нар өчигдөр санамж бичигт гарын үсэг зурсан юм. Эдгээр аймагт хавдрын тусламж, үйлчилгээг сайжруулах, эмч, мэргэжилтнүүдийг зайн болон ажлын байранд нь сургах, сэлгэн ажиллуулахад тус төвийнхөн мэргэжил арга зүйн дэмжлэг үзүүлэх аж.
2025-04-04
Таван шүүгдэгчийг буруутай гэж иргэдийн төлөөлөгч дүгнэв
“Ногоон автобус”-ны гэх хэргийн шүүх хурлыг Баянзүрх, Сүхбаатар, Чингэлтэй дүүргийн эрүүгийн хэргийн анхан шатны тойргийн шүүхийн шүүгч М.Түмэннаст, Э.Чингис, Д.Шинэхүү, НПГ-ын хяналтын прокурор Л.Содбаяр, Ч.Батзориг, Г.Ганхөлөг, шүүгдэгч 24 хүн, тэдний өмгөөлөгч нар, иргэний нэхэмжлэгч, Нийслэлийн нийтийн тээврийн газрын төлөөлөл, иргэний хариуцагч “Тэнүүн-Огоо” ХХКийнхныг оролцуулан ажлын 22 өдрийн турш хэлэлцээд уржигдар завсарлалаа.
2025-04-04
Толгойд гарсан “тролл арми”
Техник, технологийн үсрэнгүй хөгжлийн нөлөөгөөр олон ажил мэргэжил хөдөл - мөрийн зах зээлээс шахагдаж, устаж, үгүй болсоор байна. Гагцхүү энэ үед сошиал орчинд тролл ажиллагаа явуулдаг “хар зах”-ууд өргөжин тэлж, ажилчдын эгнээгээ улам бүр тэлэх боллоо. Интернэт тролл гэдэг үнэ хүндгүй, өсөн дэвжих карьергүй, мэргэжлийн зэрэг, өндөр мэдлэг, боловсрол, ур чадвар шаарддаггүй, нийгэмд асар хортой энэ “албан тушаал”-д очигсдын ажлын гол талбар нь youtube, блог, фэйсбүүк, твиттер (Х) зэрэг нийгмийн сүлжээ. Тэд эдгээр сувгаар дамжуулан бодит үнэнийг гуйвуулан сарниулах, захиалгатай, худал, ташаа мэдээллийг зохион байгуулалттай түгээх, олон нийтийг бухимдуулж, хагалган бутаргах, нийгэмд дайсагнал, үл итгэлцэл бий болгох гол зорилгоо гүйцэлдүүлдэг юм. Троллуудын хамгийн том “зах” нь фэйсбүүк.
2025-04-04
Г.Ганзориг ДАШТ-д өрсөлдлөө
Швейцарь улсын Сант Морицд хотод болсон снөүбоард, фрийстайл, чөлөөт цанын ДАШТ-д Үндэсний шигшээ багийн тамирчин Г.Ганзориг дасгалжуулагч Г.Баттулгын удирдлагад улсаа төлөөлж өрсөлдлөө. Түүний оролцсон параллель слалом, параллель жиант слалом төрөлд 23 орны 58 шилдэг тамирчин ур чадвараа сорив.
2025-04-03
“Улаанбаатар марафон”-ы бүртгэл эхэллээ
Жил бүр зохион байгуулдаг “Улаанбаатар марафон” олон улсын гүйлтийн бүртгэл өчигдрөөс эхэлж, энэ сарын 20 хүртэл үргэлжлэх аж. Гүйлт ирэх сарын 24-нд болох ба оролцох хүсэлтэй хувь хүн, албан байгуул¬лага, гадаадын иргэд ulaanbaatar.marathon. mn цахим хуудсаар болон Hipay аппликейшнээр бүртгүүлэхийг албаныхан зөвлөв. Гүйлтийн төрлүүд өмнөх жилүүдтэй адил 500 метрээс 42 км хүртэл үргэлжилнэ.
2025-04-03
Номын өдрөөр номын сангууд эзгүй
Ханс Кристиан Андерсены мэндэлсэн дөрөвдүгээр сарын 2-ныг “Дэлхийн хүүхдийн номын өдөр” болгон жил бүр өргөн дэлгэр тэмдэглэн өнгөрүүлдэг. Хүүхдийг багаас нь “номд хорхойтой” нэгэн болгож өсгөн хүмүүжүүлэх үүднээс энэ өдөр дэлхий даяар төрөл бүрийн номын үзэсгэлэн, хямдралтай худалдаа, жүжигчилсэн тоглолт, уншигч-зохиолчийн уулзалт, уншлагын арга хэмжээ зохион байгуулдаг бол манайд тэгсэнгүй.
2025-04-03
Уншигчийн эрхээ “И-Монголиа”-гаас аваарай
Улаанбаатар хотын нийтийн төв буюу Д.Нацагдоржийн нэрэмжит номын сан шинэ үйлч¬ лүүлэгчдээ “И-Монголиа” цахим системээр бүртгэж эхэлжээ. Тус номын санд бүртгэл үүсгэж, уншигчийн карт нээлгэх бол заавал биеч¬ лэн очих шаардлагагүй, гар утас, компьютер ашиглан цахимаар эрх авах боломж бүрдсэн байна. “И-Монголиа”-гаас ийм үйлчилгээ авахын тулд 16-55 насныхан 5000, ахмадууд болон хөгжлийн бэрхшээлтэй хүмүүс 2000 төгрөгийн хураамж төлөх ёстой аж. Д.Нацагдоржийн номын санг өргөтгөн шинэчлэх ажил эхлээд удаагүй байна. Энэ нь номын сангийн үйл ажиллагаанд ямар нэг байдлаар нөлөөлөхгүй, хуучин хуваарь, хү¬ чин чадлаараа ажиллаж байгааг мэдээллийн ажилтан нь хэллээ. Цахим шинэчлэл, бүртгэлтэй холбоотойгоор түр хугацаанд зогсоогоод байсан гэрээр ном олгох үйлчилгээгээ ч саяхнаас сэргээснийг онцлов.
2025-04-02
