“Чингис хаан” хөрөнгийн биржийг нээлээ
“Чингис хаан” хөрөнгийн биржийн анхны бүтээгдэхүүн нь “Бид ассет ТЗК”-ийн нийтэд санал болгон гаргаж буй, хөрөнгөөр баталгаажсан үнэт цаас гэнэ. Уг байгууллагын гаргасан үнэт цаасны нийт татан төвлөрүүлэх үнийн дүн нь 15 тэрбум төгрөг аж. Харин ширхэг бүрийн үнэ нь 100 мянган төгрөг юм байна. Дээрх үнэт цаас нь жилийн 18 хувийн хүүтэйгээс гадна улирал бүр хүү олгох нөхцөлтэйгөөр “Чингис хаан” хөрөнгийн биржээр дамжуулан танилцуулж, анхдагч зах зээлийн захиалгаа авч эхэлжээ. “Бид” ББСБ өмнө нь хөрөнгийн зах зээлд 15.5 тэрбум төгрөгийн үнэт цаас гаргасан бөгөөд хөрөнгө оруулагчдын өмнө хүлээсэн үүргээ амжилттай биелүүлэн ажиллаж буйг тус байгууллагынхан онцоллоо
2024-04-16
Хонг Конгод биткойн, криптовалютын арилжааг хүлээн зөвшөөрлөө
Хонконгийн Үнэт цаас, фьючерс хэлцлийн хорооноос (SFC) хөрөнгийн биржид бүртгэлтэй биткойн, этериум криптовалют арилжааны сангуудад /ETF/ үйл ажиллагаа явуулахыг зөвшөөрчээ. Ингэснээр Хонконг нь Ази тивд ийм төрлийн арилжаа явуулахыг зөвшөөрсөн анхных хот болж байна.
2024-04-15
Ноолуурын үнэ 150-185 мянган төгрөг байна
Зүүн болон төвийн аймгийн малчид ямаагаа самнах ажил ид өрнөж байна. Харин баруун бүсийнхэн энэ ажлаа эхлэхээр зэхэж байгаа гэнэ. Орон нутгийн иргэдийн мэдээлснээр нэг кг ноолуурын үнэ хамгийн багадаа 150, ихдээ185 мянга гаруй төгрөгийн үнэтэй буй аж. Ноолуур авч байгаа иргэдтэй холбогдон үнийн мэдээллийг лавлахад Хэнтийд 170, Дорнодод 185, Дундговьд 155, Хөвсгөл аймагт 160 мянган төгрөгийн үнэтэй байгааг хэлсэн юм
2024-04-15
Зарим сумын нутагт мал бэлчээх боломжгүй гэжээ
Ус, цаг уур, орчны судалгаа мэдээллийн хүрээлэнгийн Хөдөө аж ахуйн цаг уурын судалгааны хэлтсийн өгсөн мэдээллээр энэ сарын 10-ны байдлаар нийт нутгийн 70 орчим хувьд бэлчээрийн ургамал цухуйгаагүй байна. Тодруулбал, Завхан, Архангай, Дундговийн ихэнх, Увс, Ховд, Говь-Алтай, Баянхонгор, Өвөрхангай, Төв, Өмнөговь, Дорноговийн зарим сумын нутгаар ургамал цухуйсан боловч мал бэлчээх боломжгүй байгаа аж
2024-04-15
ПАРИСЫН ОЛИМП ҮЗЭХ ХАРИЛЦАГЧИД БАТЛАМЖАА ГАРДАН АВЛАА
ХААН Банк нийт харилцагчдынхаа дунд санхүүгийн зөв дадал зуршлыг таниулах, хуримтлалтай болгох зорилгоор хадгаламжийн урамшуулалт аяныг 2023 оны 10-р сарын 15-наас 2024 оны 3-р сарын 31-нийг хүртэлх хугацаанд зарласан билээ. Энэ хугацаанд зургаан сар болон түүнээс дээш хугацаатай төгрөгийн хадгаламжаа сунгах эсвэл орлого нэмсэн 100,000 төгрөг тутамд харилцагчид нэг тохирлын эрх олгосон юм. Нийт 6 харилцагчийг Парисын олимп үзэх эрхээр урамшуулахаас эхний 3 харилцагчийг 2024 оны 1-р сарын 10-ны өдөр ХААН Банкны албан ёсны фэйсбүүк хуудсаар шууд дамжуулан тодруулсан.
2024-04-15
19 200 тонн коксжих нүүрсийг 10.3 тэрбум төгрөгөөр борлуулжээ
Монголын Хөрөнгийн биржийн 2024 оны дөрөвдүгээр сарын 12-ны өдөр энгийн арилжаагаар 53 хувьцаат компанийн 623 895 704 төгрөгийн үнийн дүн бүхий 1 660 565 ширхэг хувьцаа арилжаалжээ. Үүнээс 16 компанийн хувьцааны ханш өсөж, 23 компанийн хувьцааны ханш буурсан бол 14 компанийн ханш тогтвортой байлаа.
2024-04-14
Инфляц өсөхөд хүнсний бараа, бүтээгдэхүүний үнэ голлон нөлөөлжээ
Монголбанк инфляцыг дунд хугацаанд жилийн зургаан (±2) хувьд “барих” бодлого баримталж буй. Тэгвэл энэ онд инфляцын түвшин Төвбанкны зорилтот дээд интервал буюу 6-8 хувь орчимд хэлбэлзсээр, 2026 оны сүүлийн хагаст зорилтын голчид хүрэх төлөвтэй гэж тус банкныхан төсөөлжээ. Дэлгэрүүлбэл, 2024 оны эцэст 8.4, ирэх жилийн төгсгөлд 7.3, түүний дараа оны сүүлчээр зургаан хувьд хүрнэ гэж тооцсон байна. Тус банкнаас өчигдөр танилцуулсан, энэ оны гуравдугаар сарын байдлаарх инфляцын тайланд ийнхүү дурдсан байв. Гэхдээ цаг агаарын хүндрэлээс улбаатай зудын нөхцөл байдал, цалин, тэтгэврийн өсөлт, ногдол ашиг хуваарилалт зэрэг хүчин зүйлээс шалтгаалан инфляц суурь төсөөлөлд авч үзсэнээс нэмэгдэх эрсдэлтэй гэж тооцжээ.
2024-04-12
Азийн орнуудад цагаан будааны үнэ өсөх эрсдэлтэй байна
Цагаан будааны импортоос хамааралтай орнуудад өнгөрсөн жил хүнсний инфляц нэмэгджээ. Тиймээс 2024 оны дөрөвдүгээр сарын “Азийн хөгжлийн төлөв” тайланд цагаан будааны үнэ энэ жил өндөр байна хэмээн таамаглалаа.
2024-04-12
ХААН Банк Хөвсгөл аймгийн бизнес эрхлэгчдэд үйлчлэх “Бизнес төв”-өө нээлээ
Хөвсгөл аймагт 2300 гаруй аж ахуйн нэгж, байгууллага бүртгэлтэй байдгаас 65% нь идэвхтэй үйл ажиллагаа явуулдаг бөгөөд мал аж ахуй, аялал жуулчлал, хүнсний үйлдвэрлэл, худалдаа үйлчилгээний салбар зонхилдог байна. 2022 онд Хөвсгөл гадаад, дотоодын нийт 126,390 жуулчин хүлээн авсан нь аймгийн ДНБ-ий 4.8%-ийг бүрдүүлж байна.
2024-04-11
