Гурван бөх Парисыг зорих эрх авлаа
Киргизийн Бишкек хотод энэ сарын 19-21-нд зохион байгуулсан, “Парис-2024” олимпын наадмын эрх олгох тэмцээнд Монголын шигшээ багийн 10 тамирчин зодоглолоо. Эрэгтэйчүүдээс 86 кг-ын жинд залуучуудын ДАШТ-ий хошой хүрэл, Азийн АШТ-ий хүрэл медальт, “Хилчин” спорт хорооны тамирчин, ОУХМ Б.Бат-Эрдэнэ шийдвэрлэх барилдаанд өмнөд хөршийн Лин Зушентэй таарч, 1:1-ээр буулган авч, Парист хөл тавихаар боллоо. Тэгвэл 125 кг-д Гавьяат тамирчин М.Лхагвагэрэл БНХАУ-ын бөх, тив, дэлхийн мөнгө, хүрэл медальт Дэн Живэйг 2:0-ээр хожиж, олимпын наадамд өрсөлдөх эрх өвөртлөв
Уржигдар 15 цаг 00 мин
Э.Ариунтамир сэлэлтийн гурван төрөлд хүрэл медаль хүртжээ
Хонконгод зохион байгуулсан усанд сэлэлтийн 64 дэх удаагийн олон улсын тэмцээнд Монголын сэлэгчид оролцлоо. Тэднээс эмэгтэйчүүдийн төрөлд “Сэлэм загас” клубийн тамирчин Э.Ариунтамир 50 метрийн араар даллах сэлэлтийн төрөлд (30 секунд 37 доль) шагналын салхи хагалж, хүрэл медаль хүртэв. Тэрбээр 100, 200 метрийнхэд ч мөн амжилт гаргасан байна
2024-04-19
БНСУ-ын Ширээний теннисний холбооноос шигшээ багийн тамирчдад дэмжлэг үзүүлэв
БНСУ-ын Ширээний теннисний холбооноос манай улсын шигшээ багийн тамирчдад тоглолтын дохиур(ракет), резин, бөмбөг зэрэг хэрэгсэл хандивлалаа. Монголын болон БНСУ-ын Ширээний теннисний холбоо сүүлийн жилүүдэд тогтмол хамтран ажиллаж буй. Үүний хүрээнд өнгөрсөн оны арванхоёрдугаар сард манай шигшээ багийн тамирчид БНСУ-д 14 хоног хамтарсан бэлтгэл хийсэн юм
2024-04-19
Усан спортынхон Тайландад медалийн хур буулгалаа
Тайландад зохион байгуулсан “Thailand age goup swimming championships” тэмцээнд Монголын эмэгтэй сэлэгчдээс ОУХМ Б.Энххүслэн оролцож, таван зай төрлөөс (50, 100, 200, 400 чөлөөт, 50 метрийн мэлхий сэлэлт, 200 метрийн холимог гүйлт) гуравт нь түрүүлж, нэгт нь мөнгөн медаль хүртэв. Эрэгтэйчүүдээс Э.Энхмэнд 15-16 насныхны ангилалд оролцсоноос 50 метрийн мэлхий сэлэлтээр финалын гараанд (30 секунд, 82 доль) мөнгө, 100, 200 метрийнхэд тус бүр хүрэл медаль зүүлээ. Б.Энхтамир долоон зай төрөлд улсынхаа дээд амжилтыг шинэчлэн тогтоож, хоёрт нь хүрэл медаль гардав.
2024-04-18
"Парис-2024" Зуны Олимпын бамбар 3100 миль туулна
Грекийн Олимпиа хотод 2024 оны Парисын олимпын бамбарыг асаах ёслол боллоо. Зуны Олимп бүрийн өмнө бамбарыг ийнхүү өлгий нутагт нь асааж, үйл явдлыг эхлүүлдэг уламжлалтай. Бамбарыг тамирчид болон бусад тээврийн хэрэгслээр хотод авчирдаг. Энэ жилийн хувьд бамбарыг Афин руу аваачиж, дараа нь Газар дундын тэнгисийг гатлан Францын Марсель руу гурван тулгуурт дарвуулт завиар аваачна. Парист долдугаар сарын 26-нд тоглолтын нээлтийн ёслол болох хүртэл тамирчдын хамт Франц болон түүний арлуудыг тойрон аялах юм.
2024-04-18
Монголын хоёр харваач Парисын паралимпэд цэц сорихоор боллоо
“Парис-2024” паралимпийн наадмын байт харвааны эрх олгох тэмцээн үүгээр өндөрлөж буй. Түүнээс гадна ДАШТ-ий багийн болон Азийн АШТ-ий хүрэл медальт Д.Сэлэнгээ АНЭУ-ын Дубай хотод өнгөрсөн сарын эхээр болсон тэмцээнээс Парист цэц сорих эрх гардсан билээ. Ингэснээр Монголын хоёр харваач Парисын паралимпэд цэц сорихоор болсон юм. Пара байт харвааны дэлхийн чансаанд Д.Сэлэнгээ дөрөвдүгээр байрт эрэмбэлэгдэж, Б.Оюун-Эрдэнэ 14-т жагсаж байна.
2024-04-11
Азийн АШТ Бишкек хотод өнөөдөр эхлэх нь
Чөлөөт бөхийн Азийн АШТ өнөөдөр Киргизэд эхэлнэ. Энэ сарын 16 хүртэл үргэлжлэх тус тэмцээнд манайхан 366 тамирчинтай өрсөлдөхөөр Бишкек хотод хөл тавилаа. Тэнд хоёр тэмцээн хэдхэн хоногийн зайтай болно. Эхнийх нь тивийнх, дараагийнх нь олимпын эрх олгох тэмцээн. Олимпын эрх олгох тэмцээнд Гавьяат тамирчин П.Орхон тэргүүтэй энэ жилийн УАШТ-д түрүүлсэн бөхчүүд оролцоно.
2024-04-11
Б.Тэгшбаяр олимпын эрхийн оноогоо ахиулав
Олон улсын дугуйн холбооны олимпын эрхийн оноо олгох ангиллын олон өдрийн тэмцээн Тайланд улсад үргэлжилж байна. Монголын дугуйн спортын үндэсний шигшээ багийн тамирчдаас тойрог замын төрлийн залуучуудын дэлхийн аварга, ОУХМБ.Тэгшбаяр тус улсын “Roojai insurance” багийнхантай уг тэмцээнд оролцлоо. Тэрбээр нийлбэр дүнгээр VIII байр эзлэн, улсдаа олимпын эрхийн 30 оноо авчрав.
2024-04-10
ТАНИЛЦ: “Парис 2024” олимпын наадмын албан ёсны постер
Хүн төрөлхтний эв нэгдлийн баяр, шилдэг тамирчдын спортын гайхамшгийг илэрхийлэх талбар Парисын Олимп хөшгөө нээхэд ердөө 108 хоног үлджээ. Олимпын үнэт зүйлс гүн шингэсэн энэ удаагийн наадмын албан ёсны зурагт хуудас вектор дүрсээр, таван метр өндөр, дөрвөн метр өргөн хэмжээтэйгээр Парисын “Орсе” музейд дэлгэгдлээ.
2024-04-09
Эмэгтэйчүүд Азийн АШТ-д оролцохоор бэлтгэлээ базааж байна
Тодруулбал, өнгөрсөн онд Сербийн Белград хотод болсон ДАШТ-ээс 50 кг-ын жинд ОУХМ Д.Отгонжаргал, 68 кг-д ОУХМ Э.Дэлгэрмаа нар мөнгөн медаль хүртсэнээр олимпын эрх авсан билээ. Харин үлдсэн дөрвөн жинд Киргизийн Бишкек хотод энэ сарын 16-19-нд болох Азийн АШТ, Туркийн Истанбулд тавдугаар сарын 9-12-нд зохион байгуулах тэмцээнээс олимпын эрх гардах боломжтой. Эмэгтэйчүүдийн шигшээ багийн ахлах дасгалжуулагчаар Гавьяат дасгалжуулагч Т.Сүхбаатар, Ц.Баярсайхан, Гавьяат тамирчин Ц.Цогтбаатар, С.Мөнхдуулдах нар ажиллах юм.
2024-04-08
2023 онд Азийн АШТ-ээс хүрэл медаль хүртсэн баг олимпын эрхийн төлөө өрсөлдөх нь
Эрэгтэйчүүд Египет, Пуэрто Рико, Литва, Япон, Франц, Латви, эмэгтэйчүүд Кени, Бразил, Австрали, Нидерланд, Япон, Герман, Канад, Австрийн багтай нэг хэсэгт тоглох юм. Тэгвэл гурав дахь тэмцээн нь Унгарын Дебрецен хотод тавдугаар сарын 23-26 хүртэл үргэлжилнэ. Эрэгтэйчүүд Унгар, Египет, Мадагаскар, Пуэрто Рико, Канад, Япон, Франц, Литва, Нидерланд, Латви, Бельги, Австри, Швейцар, Герман, Польш, эмэгтэйчүүд Унгар, Египет, Тунис, Канад, Чили, Япон, Герман, Испани, Нидерланд, Литва, Азербайжан, Польш, Чех, Итали, Израилын сагсан бөмбөгчидтэй хэсэгтээ өрсөлдөхөөр болжээ.
2024-04-04
2024 оны хамгийн баян уран гулгагчдыг тодрууллаа
Харин финалын тэмцээний шагналын хэмжээ ялимгүй өндөр буюу 25-3 мянган доллар байдаг. Тэгвэл Европын АШТ, дөрвөн тивийн АШТ-д тэргүүн байр эзэлбэл 21 мянга (хосын төрөлд 30 мянга), удаах байрын шагналтнуудад 16, 11 мянган доллар олгодог журамтай. “Japan оpen” тэмцээнд тамирчид багт хуваагдаж өрсөлддөг. Эхний гурван байрын багууд 80, 60, 40 мянган доллар хүртсэн. “Shanghai trophy” тэмцээний шагналтнууд 25, 18, 12 мянган долларооршагнууллаа. Харин улсын АШТ-ий шагналыг эл тооцоонд оруулсангүй. К.Сакамото энэ улиралд оролцсон бүх тэмцээндээ түрүүлснээр эл жагсаалтыг тэргүүлэв. Хэрэв тэрбээр дөрвөн тивийн тэмцээнд оролцож, өндөр амжилт үзүүлсэн бол шагналынх нь хэмжээ бүр ч нэмэгдэх байлаа.
2024-04-03
Б.Мөнхзаяа Парисын олимпод хурд сорих нь
БНСУ-ын Сөүл хотод энэ сарын 17-нд болсон олон улсын марафонд оролцсон Монголын үндэсний шигшээ багийнхнаас зэвсэгт хүчний 327 дугаар анги, “Алдар” спорт хорооны тамирчин Б.Мөнхзаяа оролцлоо. Тэрбээр хоёр цаг 24 минут 45 секундийн амжилтаар “Парис-2024” зуны олимпын наадамд оролцох болзол хангасан байна. Б.Мөнхзаяа тус марафон гүйлтийн эмэгтэйчүүдийн 42 км-ийн зайд хурд сорин, VII байрт шалгарч, улсынхаа дээд амжилтыг шинэчилжээ
2024-03-19
