Б.Мөнхзаяа Парисын олимпод хурд сорих нь
БНСУ-ын Сөүл хотод энэ сарын 17-нд болсон олон улсын марафонд оролцсон Монголын үндэсний шигшээ багийнхнаас зэвсэгт хүчний 327 дугаар анги, “Алдар” спорт хорооны тамирчин Б.Мөнхзаяа оролцлоо. Тэрбээр хоёр цаг 24 минут 45 секундийн амжилтаар “Парис-2024” зуны олимпын наадамд оролцох болзол хангасан байна. Б.Мөнхзаяа тус марафон гүйлтийн эмэгтэйчүүдийн 42 км-ийн зайд хурд сорин, VII байрт шалгарч, улсынхаа дээд амжилтыг шинэчилжээ
2024-03-19
Ш.Гомбодорж “Чингис мастер кросс-2024” уралдаанд түрүүлэв
Монголын авто мастеруудын холбооноос Дархан-Уул аймагт жил бүр зохион байгуулдаг “Чингис мастер кросс” нь авто спортын тэмцээнүүдээс үзэгчдийн сонирхлыг хамгийн их татдаг. Тамирчид бартаа, саад ихтэй замд ур чадвараа техникийн хурд, хүчтэй хослуулан харуулдаг онцлогтой. Уг кросс уралдаанд ахмад тамирчид ч тоос өргөдөг. Амралтын өдөр болсон 24 дэх удаагийн уралдаанд ахмадуудаас 78 дугаартай С.Эрдэнэчулуун, 222 дугаартай Ж.Эрдэнэбилэг, 288 дугаартай Ж.Пүрэвсүрэн нар оролцжээ. Хувийн дугаар эзэмшдэггүй ахмад тамирчид уралдаанд хоёроор эхэлсэн түр дугаар зүүж уралдсан байна
2024-03-18
Д.Отгонжаргал, Э.Дэлгэрмаа, Э.Даваанасан нар чансаагаараа дэлхийд дэд байрт жагслаа
Дэлхийн бөхийн нэгдсэн холбооноос чөлөөт бөхийн тамирчдын дэлхийн чансааг шинэчлэн танилцууллаа. Монголын үндэсний шигшээ багийн эмэгтэйчүүдээс 50 кг-ын жинд Гавьяат тамирчин Д.Отгонжаргал 47 200 оноогоор II байрт эрэмбэлэгдэв. Түүний өмнө Токиогийн олимпын аварга, Японы алдарт бөх Юи Сүсаки жагсан, чансааг тэргүүлж байна. Манай бөх “Белград-2022”, “Белград-2023” ДАШТ-д түүнтэй аваргын төлөө зодоглож, ялагдсанаар хошой мөнгөн медаль хүртэж байв. Тэгвэл 68 кг-д Э.Дэлгэрмаа 46 000 оноотой мөн дэд байрт жагссан
2024-03-18
Премьер лигт 13 улсын 52 легионер тоглож байна
Монголын хөл бөмбөгийн үндэсний дээд лигт сүүлийн 10 гаруй жил легионерууд оролцох болсон. Өмнөх улирлынлигт өрсөлдсөн 10 баг Япон, ОХУ, Итали, Канад, Англи, Тринидад ба Тобаго, Нигери, Серби зэрэг улсаас нийт 22 гадаад тоглогч урьсан юм. Тэгвэл одоо Төв аймаг дахь “Аэрдом” бэлтгэлийн төвд үргэлжилж буй премьер лигт манай хөл бөмбөгийн спортын түүхэнд хамгийн олон буюу 13 улсын 52 легионер оролцож, авьяас, ур чадвар, туршлага, тоглох техникээрээ тэмцээний уур амьсгалыг өрсөлдөөнтэй, улам сонирхолтой болгон хөгжөөн дэмжигчдийг цэнхэр дэлгэцийн өмнө уяж буйгаараа онцлогтой. “Хоромхон”, “Булган СП фалконс” баг хамгийн олон буюу долоон легионертой. “Улаанбаатар”, “Хангарьд” баг тус бүр зургаа, “Төв азарганууд”, “Баварианс”, “Брера илч”, “Хаан хүнс-Эрчим” баг гадаадын таван тамирчин оролцуулж байна.
2024-03-15
“Булган СП фалконс” клубийнхэн лигийн тоглолтыг өнгөлж эхэллээ
Монголын хөл бөмбөгийн холбооноос зохион байгуулж буй премьер лигийн тойргийн тоглолтууд тун сонирхолтой өрнөж байна. XI тойргийн ширүүхэн өрсөлдөөнөөс “Булган СП фалконс” ээлжит ялалтаа авав. Тэгвэл “Дэрэн”, “Хоромхон”, “Төв азарганууд”, “Хаан хүнс-эрчим”-ийнхэн оноо хувааснаар арын багуудаас есөн онооны зөрүүтэй боллоо. “Хангарьд” клубийнхэн өвлийн завсарлагаас хойш хоёр дараалан ялалт байгуулж, өрсөлдөөнд хүчтэй орж ирсэн бол “Брера илч”-ийнхэн улирлын хоёр дахь ялалтаа байгуулж, унах бүсээс холдоход алхам ойртов
2024-03-14
С.Жамбалжамц V байрт бичигдэж байна
Монголын дугуйн шигшээ багийнхнаас ОУХМ С.Жамбалжамц Испани улсын дугуйн мэргэжлийн багт хурд сорьж буй. Манай дугуйчин “Парис-2024” олимпын наадамд өрсөлдөх эрх авснаар “Burgos BH” багтай гэрээ байгуулж, өнгөрсөн нэгдүгээр сард дебют уралдаан хийсэн юм. Европын мэргэжлийн дугуйчид Азиас Монголын тамирчныг багтаа уралдуулахаар шийдвэр гаргасан нь өмнө нь байгаагүй ховор тохиол байв.
2024-03-13
А.ЭНХТУЛГА: Тамирчны карьераа эрт өндөрлүүлсэн гэж боддоггүй
ОУХМ А.Энхтулга спортын гимнастикийн дасгалжуулагчаар ажиллаад хоёр жил болж буй. Тэрбээр шавь нараа бэлтгэл хийлгэхийн зэрэгцээ өөрөө ч тэмцээнд өрсөлддөг. Түүнд олон улсын болон Азийн АШТ, Азийн наадам, ДАШТ гээд оролцоогүй тэмцээн ховор. Тухайлбал, ОХУ-ын Благовещенск хотод 2017 онд зохион байгуулсан спортын гимнастикийн олон улсын тэмцээнд насанд хүрэгчдийн ангилалд түрүүлж байв. Тэгвэл ХБНГУ-ын Штутгарт хотод 2019 онд зохион байгуулсан насанд хүрэгчдийн 49 дэх удаагийн ДАШТ-д ганцаарчилсан төрөлд ур чадвараа сорьжээ. Насанд хүрэгчдийн УАШТ болон Улаанбаатар хотын аварга шалгаруулах тэмцээнээс жил бүр медаль хүртдэг тэрбээр ОХУ-ын Москва дахь “Динамо” клубт Монголын гимнастикийн холбооны спортын гимнастикийн эрэгтэйчүүдийн багийг хамтарсан бэлтгэл хийлгэж, “Воронин цом-2022” олон улсын тэмцээнд амжилттай сойсон юм. Мөн өнгөрсөн жил Азербайжаны Баку хотыг зорьж, насанд хүрэгчид болон өсвөр үеийн тамирчдыг бэлтгэл хийлгэсэн билээ
2024-03-12
Д.Сэлэнгээ Парист хөл тавих нь
АНЭУ-ын Дубай хотод зохион байгуулсан, пара байт харвааны “Парис-2024” зуны паралимпийн наадамд оролцох эрх олгох тэмцээнд манай улсаас дасгалжуулагч Б.Золбоогийн удирдлагад таван тамирчин оролцлоо. Тэднээс тив, дэлхийн хүрэл медальт Д.Сэлэнгээ эмэгтэйчүүдийн ганцаарчилсан төрөлд тэргүүлж, Францыг зорих эхний эрх гардав. Тэрбээр өмнө нь Тайландын Бангкок хотод зохион байгуулсан, Парисын паралимпийн наадмын эрх олгох тэмцээнд цэц сорин, хагас шигшээд шалгарч байв
2024-03-12
С.ТУЯАЦЭЦЭГ: Залуус амжилтаас минь урам авч, зорилгынхоо төлөө тэмүүлдэг болсонд баярладаг
“Хос гийр” клубийн тамирчин С.Туяацэцэгийг туухайгаар (гийр) хижээл насандаа хичээллэхэд нь хүмүүс амжилт гаргана гэж огт төсөөлөөгүй гэдэг. Түүнийг алдрын тавцанд зогсоход хүсэл сонирхол, хичээл зүтгэл нь багагүй нөлөөлжээ. Казахстаны Нур-Султан хотод 2022 онд болсон туухай өргөлтийн Ази тивийн АШТ-д өрсөлдөн, 57 кг-ын жинд хоёр төрөлд дээд амжилт тогтоон, хошой алтан медальтай ирж байв. Түүнээс хоёр жилийн дараа Узбекистаны Хива хотод зохион байгуулсан ДАШТ-ээс аваргын цом гардаж, шилдгүүдийн эгнээнд жагссан юм. Улаанбаатар хотын аварга шалгаруулах тэмцээний сонирхогчдын ангилалд оролцож, спортын гараагаа эхлүүлсэн тэрбээр өдгөө Монголын гийрчдээс мэргэжлийн ангиллын анхны эмэгтэй тамирчин болжээ.
2024-03-11
Ө.Батцэцэг Азийн цомын шигшээ тэмцээнийг шүүв
Олон улсын хөл бөмбөгийн холбоо, Азийн хөл бөмбөгийн холбооны элит ангилалтай шүүгч Ө.Батцэцэг Узбекистан улсын Ташкент хотод энэ сарын 3-16-нд хотод зохион байгуулж буй Азийн хөл бөмбөгийн холбооны эмэгтэйчүүдийн 20 хүртэлх насныхны Азийн цомын шигшээ тэмцээнд томилогдон ажиллахаар болсон юм. Тэгвэл B хэсгийн эхний тэмцээнд тэрбээр БНАСАУ, БНХАУ-ын шигшээ багийн тоглолтод Лаос, Тайланд улсын шүүгчтэй хамт ажиллалаа
2024-03-07
Б.Ачбадрах гүйлтийн цанын олон улсын тэмцээнд түрүүллээ
БНСУ-д олон улсын гүйлтийн цанын олон улсын тэмцээн энэ сарын 4-5-нд болж өндөрлөлөө. Тус тэмцээнд дасгалжуулагч Д.Баттулгын удирдлагад оролцсон Монголын цанын үндэсний шигшээ багийнхнаас “Хилчин” спорт хорооны тамирчин, ДАШТ-ий хүрэл медальт, ОУХМ Б.Ачбадрах 15 км-ийн бөөн гараатай сонгомол зайн төрөлд түрүүлжээ. Өнгөрсөн нэгдүгээр сард Солонгост болсон гүйлтийн цанын насанд хүрэгчдийн аварга шалгаруулах тэмцээнд хурд сорихдоо тэрбээр эрэгтэйчүүдийн 15 км-ийн цуваа болон 30 км-ийн бөөн гараатай уралдаанд тус бүр мөнгөн медаль хүртсэн билээ
2024-03-06
Ж.АНУДАРЬ: Алтан медаль хүртэх сайхан ч аваргаа хамгаалах амаргүй санагддаг
Хан-Уул дүүргийн шигшээ баг, “Женко” клубийн тамирчин, спортын мастер Ж.Анударь жүдогоор хичээллээд найман жил болж буй. Тэрбээр өнгөрсөн хугацаанд Гавьяат дасгалжуулагч Ш.Цэвэлмаа, ОУХМ Б.Саранзаяа нарын удирдлагад бэлтгэл базааж, дотоод, гадаадын тэмцээнд хүч сорин амжилт гаргах болсон. УАШТ-ий иж бүрэн медальтай түүний хувьд хилийн дээс алхсан анхны томоохон өрсөлдөөн нь Тайланд улсад 2022 онд зохион байгуулсан Ази тивийн АШТ
2024-03-05
Монголын боксчид Парисын олимпын эрх олгох тэмцээнд оролцож чадсангүй
Үндэсний шигшээ багийнхан дээрх тэмцээнд оролцохын тулд Европт хоёр сар бэлтгэл базаасан. Гэсэн ч тэдний мэдүүлгийг Монголын боксын холбооныхон заасан хугацаанаас хоцроож явуулснаас манай тамирчид оролцож амжихааргүй болжээ. Манай боксчдын хувьд олимпын эрх авах боломжтой хоёр тэмцээний нэг нь энэ байв. Тэдэнд одоо Парист хөл тавих, эсэхийг шийдэх ганц тэмцээн бий. Тайландын Бангкок хотод тавдугаар сарын 23-наас зургаадугаар сарын 3 хүртэл үргэлжлэх уг тэмцээнд улс бүр шилдгүүдээ илгээнэ. Тиймээс манай тамирчид олимпын эрх авах нь амаргүй даваа болох нь. Монголын боксын холбоо одоогоор энэ талаар ямар нэгэн мэдэгдэл хийгээгүй байна.
2024-03-05
Б.АЛТАНЦЭЦЭГ: Багийнхаа тоглогчдын хурд, ухаанд анхаарал хандуулдаг
Монголын хөл бөмбөгийн холбоо Азийн хөл бөмбөгийн холбоотой хамтран А зэрэглэлтэй дасгалжуулагчийн сургалт хоёр дахь удаагаа зохион байгуулж, шалгалтад тэнцсэн есөн дасгалжуулагчид диплом, сертификат гардуулсан юм. Тэднээс “Хад” клубийн эмэгтэйчүүдийн багийн тоглогч Б.Алтанцэцэг Азийн хөл бөмбөгийн холбооны A зэрэглэлтэй Монголын анхны эмэгтэй дасгалжуулагч болсон билээ.
2024-03-04
Хөл бөмбөгийн дээд лигт тоглох легионерууд ирлээ
Монголын хөл бөмбөгийн дээд лиг энэ сарын 2-нд эхэлнэ. Тус лигт тоглох легионерууд манайд иржээ. Тухайлбал, олон жил тоглосон туршлагатай тамирчдаас Б.Энхтулга, мөн япон легионер Юши Кавагүчи нар энэ удаа “Төв азарганууд” багийн эгнээнд нэгджээ. Тэгвэл “Брера илч” багт хөл тавьсан шинэ легионер Аото Сайто жигүүрийн байрлалд, аргентин тамирчин Агустин Мациел хагас хамгаалагчаар тоглох нь
2024-03-01
“Алдар”-ын бөхчүүд АВАРГАА БАТАЛЛАА
Бөхийн төрлүүдийн тэмцээнд хүнд жингийн барилдаан олны сонирхлыг их татдаг. Өсвөр үе, залуучуудын УАШТ-ий үнэмлэхүй аварга, Азийн АШТ-ий хүрэл медальт, улсын начин Э.Батмагнай дэвжээнд эргэн ирснээ харуулж, 125 кг-д түүртэлгүй түрүүлснээр шилдэг гэдгээ батлан харуулсан. Тэргүүн байрын төлөө өрсөлдсөн учраа нь ч түүнд амархан ялагдахааргүй бөх. Хэн хэн нь нэгийнхээ барилдааны арга барилыг мэднэ. Ирэх жилийн тэмцээнд улсын хошой аварга Д.Нарантулга түүнээс даагаа нэхэх нь лавтай. Эрэгтэйчүүдийн барилдаанд багийн дүнгээр “Алдар”-ын хүчтэнүүд 151 оноогоор тэргүүлж, “Дархан хасу”-гийнхан (140 оноо) удаалж, Спортын төв сургуулийнхан (135 оноо) III байрт шалгарлаа.
2024-02-29
Н.Алтанбаяр, Т.Жулдыз нар Азийн танхимын болон тулааны спортын VI наадамд оролцох нь
Монголын муайтайн холбооноос насанд хүрэгчдийн УАШТ-ийг энэсарын 24-25-ндзохион байгууллаа. Эрэгтэйчүүдээс 54 кг-ын жинд Б.Батхүлэг (“Гаруда мишээл”), 57 кг-д Ц.Амарсанаа (Хэнтий аймаг), 60 кг-д Б.Амгаланбаяр (“Гаруда” академи), 63.5 кг-д Г.Батболд (“Эхлэл” клуб) алтан медаль хүртжээ. Мөн 67 кг-д Т.Өлзийбат (“Мазаалай мма”), 71 кг-д Н.Алтанбаяр (“Гаруда” академи), 75 кг-д О.Ганзориг (“Ширэн бээлий”), 81 кг-д Ө.Эрдэнэхүү (“Кинг панда” клуб) түрүүлж, улсын аварга боллоо. Тэгвэл эмэгтэйчүүдээс 48 кг-д Э.Намуунаа (“Гаруда” академи), 51 кг-д Ч.Ариун-Энх (“Гаруда”), 54 кг-д Г.Анударь (“One team”), 57 кг-д Э.Ариунзаяа (“Гаруда”), 60 кг-д Б.Санчир (“Гаруда”), 63.5 кг-д Т.Жулдыз (“One team”) нар өрсөлдөгчдөө ялж, алтан медаль хүртжээ
2024-02-28
Э.Эрхэс тивийн АШТ-ээс хүрэл медаль хүртлээ
Филиппиний Нью Кларк хотод зохион байгуулсан Азийн залуучуудын аварга шалгаруулах усанд сэлэлтийн 11 дэх удаагийн тэмцээнд Монголын тамирчид өрсөлдлөө. Тэднээс дасгалжуулагч Х.Батболдын удирдлагад бэлтгэл базаасан, “Сэлэм загас” клубийн тамирчин, ОУХМЭ.Эрхэс 15-17 насны ангилалд 50 метрийн араар даллах сэлэлтийн төрөлд (26.21 секунд) шигшээд шалгарсан юм. Тэрбээр хүрэл медалийн төлөө есөн орны сэлэгчтэй өрсөлдөж, 26.43 секундийн амжилт үзүүлэн, шагналын тавцанд зогсов
2024-02-28
Н.СЭЛЭНГЭ: ДАШТ-ий үед аавын хэлсэн үг айдсыг минь ор мөргүй арилгасан
Олон улсын уулчдын холбооноос Канадын Эдмонтон хотод мөсөнд авиралтын ДАШТ-ийг энэ сарын 16-18-нд зохион байгуулахад манайхан оролцож, 16 орны 94 тамирчинтай өрсөлдөж, дэлхийд чансаагаар тэргүүн байрт жагссан. Тэднээс “Сутайн бор” клубийн тамирчин, ах, дүүс болох ОУХМ Н.Хэрлэн, спортын мастер Н.Сэлэнгэ нар хурдны төрөлд мөнгө, хүрэл медаль зүүж, дэлхийд данстай шилдгүүдийн эгнээнд хүч түрэн орсон юм. Яг тэр мөчөөс эхлэн олон улсын холбоод болон өрсөлдөгч тамирчид нь манайхны бэлтгэл хийдэг хана, орчин нөхцөл, ур чадвар, туршлагыг сонирхон судалж, хамтарсан бэлтгэл хийх санал тавих болсон байна. Н.Сэлэнгэ БНСУ-ын Чонсон хотод сарын өмнө болсон “Дэлхийн цом” тэмцээнд медалиас атгаад л алдаж байлаа. Тэгвэл түүний гаргасан энэ удаагийн амжилт мөсөнд авиралт, спорт авиралтаар дурлаж хичээллэдэг охидод урам өгсөн юм
2024-02-27
Б.Ачбадрах, Н.Энхжин нар улсын аварга боллоо
Монголын триатлоны холбооноос өвлийн триатлоны улсын аварга шалгаруулах анхдугаар тэмцээнийг “Мишээл” байгаль орчин, танин мэдэхүйн хүрээлэнд зохион байгууллаа. Хот, орон нутгийн 40 гаруй тамирчин эл тэмцээнд оролцож, цасан замаар хоёр км гүйж, таван км-т дугуй жийж, гурван км-т гүйлтийн цанаар хурд сорив. Эрэгтэйчүүдээс элит ангилалд 10 тамирчин өрсөлдсөнөөс гүйлтийн цанын төрөлд “Хилчин” спорт хорооны тамирчин, ОУХМ Б.Ачбадрах түрүүллээ. Тэгвэл “Канвон-2024” залуучуудын олимпод оролцсон А.Хүслэн (“Алдар” спорт хороо) мөнгө, “Дэлхийн цом”-д V байрын шагналт Н.Алтаншагай (Зэвсэгт хүчний 011 дүгээр анги, “Сеперате” компани) хүрэл медаль хүртсэн юм
2024-02-27
