Явган хүний замыг сайжруулах оролдлого нь үр дүнд хүрсэнгүй
Сүхбаатар дүүргийн есдүгээр хороо, 32-ын тойргоос Хүнсний дөрөвдүгээр дэлгүүр хүртэлх явган хүний замыг уг нь саяхан шинэчилжээ. Гэтэл энэ зам төд удалгүй эвдэрч, тараа таниулсан байна. Явган хүний замыг эвдсэн гэх мэдээлэл энэ сарын1-нд тус дүүргийн Замын цагдаагийн хэлтэст иржээ. Уг дуудлагын дагуу шалгаж, буруутай этгээдийг хяналтын камерын тусламжтай олж тогтоосон байна. Шалгалтаар том оврын автомашины жолооч бетон зуурмаг тээвэрлэж явахдаа явган хүний зам, хашлагыг эвдсэнийг илрүүлжээ. Зөрчлийн тухай хуульд замын тэмдэг, тэмдэглэгээ, байгууламжийг эвдэж сүйтгэсэн бол учирсан хохирлыг барагдуулж, иргэнийг 500, хуулийн этгээдийг 5000 нэгжээр торгодог юм байна. Үүний дагуу тухайн жолоочид хариуцлага тооцсоноо дээрх хэлтсийнхэн мэдээлэв.
2024-04-09
С.НОМИН-ЭРДЭНЭ: Ээлжийн амралтаа хүлээлгүйгээр аялах боломж олон бий
Аялал бүр онцлогтой, дахин давтагдашгүй гоё мэдрэмжүүдийг өгдөг. “Travel cheap” аппликэйшний үүсгэн байгуулагч, “Хямд аялах аргаа заая” цахим хуудсыг хөтөлдөг С.Номин-Эрдэнэтэй цөөн хором ярилцлаа. Монголд төдийгүй гадаадын орнуудад хэрхэн хямд зардлаар, дурсамж дүүрэн аялах талаар түүнээс тодруулсан юм.
2024-04-09
Африкийн хамгийн залуу Ерөнхийлөгч
Сенегал улсад саяхан болсон Ерөнхийлөгчийн сонгуульд сөрөг хүчнээс нэр дэвшсэн Бассиру Диомай Фай ялалт байгуулсан нь Баруун Африкийн хамгийн тогтвортой орнуудын нэгийн ирээдүйн төлөө олон улсын хамтын нийгэмлэгийнхэн сэтгэл зовж байсныг тайвшруулав. Улс төрийн PASTEF намын ерөнхий нарийн бичгийн дарга, 44 настай энэ хүн сонгуулийн эхний шатанд сонгогчдын 54 хувийн санал авч эрх баригч намын өрсөлдөгчөө ялжээ. Энэ сарын 2-нд тэрбээр тус улсын тав дахь, Африк тивдээ хамгийн залуу Ерөнхийлөгчийн бүрэн эрхээ хэрэгжүүлж эхэллээ.
2024-04-09
Н.Өнөрцэцэгийн сэтгүүлчээр ажиллах эрхийг хязгаарласан нь хууль бус гэв
Zarig.mn сайтын эрхлэгч Н.Өнөрцэцэгийн сэтгүүлчээр ажиллах эрхийг хязгаарласантай холбогдуулан түүний өмгөөлөгч О.Батсүх өчигдөр мэдээлэл хийв. Н.Өнөрцэцэгт холбогдох хэргийг хянан шийдвэрлэх хүртэл сэтгүүлчийн ажлаа хийхийг түдгэлзүүлэх саналыг энэ сарын 5-нд нийслэлийн Прокурорын газраас Сүхбаатар дүүргийн Эрүүгийн хэргийн анхан шатны шүүхэд гаргасан гэнэ. Тус шүүх үүнийг хэлэлцээд эрүүгийн хэргийг хянан шийдвэрлэх хүртэл сэтгүүлч мэргэжлийн үйл ажиллагаа эрхлэхийг нь түдгэлзүүлэхээр шийдвэрлэсэн гэж өмгөөлөгч О.Батсүх хэлэв
2024-04-09
Хөдөлмөрийн аюулгүй байдал, эрүүл ахуйн сарын аяныг эхлүүллээ
Хөдөлмөрийн аюулгүй байдал, эрүүл ахуйн сар аяныг “Уур амьсгалын өөрчлөлтийн нөхцөлд эрүүл, аюулгүй хөдөлмөр эрхэлцгээе” уриатайгаар өчигдөр нээлээ. 13 дахь удаагийн уг аян энэ сарын 30 хүртэл үргэлжлэх юм. Энэ удаад байгалийн давагдашгүй хүчин зүйлийн нөлөөллөөс ажилтны эрүүл мэндийг хамгаалах, аюулгүй хөдөлмөр эрхлэх боломж бүрдүүлэхэд түлхүү анхаарах гэнэ. Ингэснээр ажлын байран дахь осол, мэргэжлээс шалтгаалсан өвчлөл болон бусад эрсдэлээс урьдчилан сэргийлэх боломжтой аж. Хөдөлмөр, нийгмийн хамгааллын яам, Хөдөлмөрийн аюулгүй байдал, эрүүл ахуйн үндэсний хороо, Хөдөлмөрийн аюулгүй байдал, эрүүл ахуйн үндэсний төвтэй хамтран уг аяныг өрнүүлж байна.
2024-04-09
3.4 сая төл бойжиж байна
Улсын хэмжээнд нийт эх малын 77.5 хувь буюу 23.2 сая нь энэ жил төллөх аж. Үүнээс одоогоор 15.7 хувь нь төллөж, 3.6 сая төл хүлээн авсныг Хүнс, хөдөө аж ахуй, хөнгөн үйлдвэрийн яамнаас мэдээлэв. Нийт төлийн 93.4 хувь буюу 3.4 сая нь эсэн мэнд бойжиж, бусад нь хорогдсон байна. Баруун бүсэд нийт эх малын 29.1 хувь төллөөд буй нь одоогоор хамгийн дээд үзүүлэлт аж. Зүүн, хангайн, төвийн бүсэд эх малын 0.7-19.3 хувь нь төллөсөн гэнэ. Манай улсад энэ жил төллөх ингэ 81 мянга, гүү 1.3, үнээ 1.6, ямаа 8.7, хонь 11.3 сая бий гэсэн тооцоог дээрх яамнаас гаргажээ.
2024-04-09
АН: Засгийн газар бүрэлдэхүүнээрээ хариуцлага хүлээх ёстой
УИХ дахь АН-ын бүлгийн өчигдрийн хуралдаанаар хэлэлцсэн асуудлын талаар гишүүн Д.Ганбат, парламентын дэд дарга С.Одонтуяа нар мэдээлэл хийв. Сэлэнгэ аймгийн цагдаагийн байгууллагын дөрвөн алба хаагч 13 настай хүүхэд хүчиндсэн жигшүүрт хэрэгтэй холбогдуулан АН-ын бүлгээс Д.Ганбат гишүүнээр ахлуулсан ажлын хэсэг байгуулах шийдвэр гаргасан байна. Ард түмнээ хамгаалах учиртай алба хаагчид нь өөрсдөө гэмт хэрэг үйлдсэн энэ хэрэгт хариуцлага тооцох асуудлаар дээрх ажлын хэсэг судлах аж.
2024-04-09
Театрын соёл үзэгчдээс эхэлнэ
Сонгодог урлагийн театрт үзвэр эхэллээ. Гэтэл бүх хүн суудлаа эзэлсэн хойно 20-30 минутын дараа хэдэн үзэгч таны хажуу талын суудалд суухаар цаанаас ирж харагдана. Утасныхаа гэрлийг гялбалзуулаад “Энэ хэддүгээр суудал вэ” хэмээн хүмүүсээс асуулаа. Урд талд суух үзэгчийн утас дуугарч чангаар ярих аж. Ард суух хүн таны сандлыг хөлөөрөө өшигчинө. Тэр байтугай утсаа ухах, бичлэг хийх, үзвэрийн талаар хоорондоо шивнэлдэх, электрон тамхи татах, ууттай зүйл задалж идэх явдал эргэн тойронд торойн үзэгдлээ. Үзвэр дуусав уу, үгүй юү үзэгчид уран бүтээлчдэд баяр ч хүргэлгүй нирхийтэл босоод явчихна. Гоо зүй, сэтгэл мэдрэмжээ уяраахаар ирсэн таны хувьд эдгээр үйлдэлд гутаад, бөөн бухимдал тээсээр гэр лүүгээ зүглэх нь тэр.
2024-04-09
Арай ч дээ!: Бямба гараг бүр иргэдээр субботник хийлгэнэ гэв үү
Хотоо үргэлж цэвэрхэн байлгах нь холбогдох байгууллагынхны тогтмол хийх ёстой ажил болохоос бус, иргэдийн хүлээх үүрэг биш. Гэтэл Улаанбаатар хотын ерөнхий менежер бөгөөд Захирагчийн ажлын албаны дарга Ц.Төрхүү “Цаашид хагас сайн өдөр бүр бүх нийтийн их цэвэрлэгээг тогтмолжуулна. Айл өрх, албан байгууллага бүр орчны 50 метр талбайгаа цэвэрлэн, сууц өмчлөгчдийн холбоодыг хаврын их цэвэрлэгээнд идэвхтэй оролцохыг уриалж байна” гэжээ. Дарга нар бүр давраад, долоо хоног бүр иргэдийг цэвэрлэгээнд дайчилна гэсэн үг. Эл үйлдлээ “Иргэдийн идэвх оролцоог ханган, цэвэрлэгээ үйлчилгээг тогтмол хийн, цаашид хэвшил болгон зохион байгуулж, цэвэр цэмцгэр орчныг бүрдүүлэх зорилготой” хэмээх үгээр халхавчилжээ.
2024-04-09
“A Sound”, “The Lemons” хамтлагийнхан ирэх сарын 15-нд тоглоно
Мөн “Хар тас” хамтлагийнхан “Бүрхэг тэнгэр бид сэрэх цаг болсон” тоглолтоо ирэх сарын 1-нд хийх аж. Түүнчлэн “Инээмсэглэл” хамтлагийнхан 45 жилийн ойд зориулсан VIP тоглолтоороо энэ сарын 12-нд үзэгчдийн сонорыг мялаах нь. Сэтгэлд дотно, хэзээ ч мартагдашгүй хит дуунууд эгшиглэх уг тоглолтоо өндөр зэрэглэлийн зохион байгуулалттайгаар хийхээр бэлтгэл ажлаа хангаж буй гэнэ.
2024-04-08
Баруун-Уртаас Улаанбаатарыг зорьсон гурав хоног
Сүхбаатар аймгийн Баруун-Урт сумын хоёрдугаар сургууль сурагчдыг идэвхжүүлэх хөтөлбөр тогтмол зохион байгуулдгийг арванхоёрдугаар ангийн сурагч А.Анужин онцоллоо. Тэд аравдугаар ангидаа “Төлчин сурагч” аянд хамрагдаж, мал төллөх үед малчдад тусалж байсан. Мөн арваннэгдүгээр ангидаа “Сурагч цэрэг” аянд хамрагдсан гэнэ. Өдгөө арванхоёрдугаар ангидаа Баруун-Урт-Улаанбаатар чиглэлийн аялалд хамрагдсанаар тэд ерөнхий боловсролын сургуулиа төгсөж буй юм байна. Сурагчид энэ аялалд тун ам сайтай байх аж. Бүгд л “Төгсөх ангидаа хамт олноороо аялалд явна гэдэг мартагдахын аргагүй дурсамж шүү дээ” гэлцэв. Сурагчид багш нартаа талархсанаа илэрхийлснээр тэдний Баруун-Урт сумаас Улаанбаатар хотыг зорьсон аялал өндөрлөлөө.
2024-04-08
Сэлбэ голын усны түвшин Дамбадаржаа орчимд 131 см-т хүрчээ
“Натур” орчимд үерийн ус ихтэйгээс ойролцоох айл өрхүүд ч эрсдэлд оржээ. Мөн орон сууцын гадна автомашин байрлуулбал усанд автах эрсдэлтэй байна. Түүнчлэн Гачуурт орчмын зуслангийн бүсийн авто замын дагуу шар усны үер бууж, зорчиход хүндрэлтэй болов. Энэ он гарснаас хойш голын халианы усанд автсан дөрөв, гүний болон хөрсний шар усны үерт автсан 88 дуудлагын дагуу онцгой байдлын алба хаагчид ажилласан гэнэ. Нийслэлийн Онцгой байдлын газрын алба хаагчид 10 000 тн ус соруулж, 10 орчим тн лагийг зөөвөрлөөд буй аж.
2024-04-08
“PISA-2022” үнэлгээний дүнг УИХ-д танилцуулав
Түүнчлэн гишүүн Ж.Батсуурь “Боловсрол, шинжлэх ухааны яамнаас зарласан төсөв, тендерийн хөрөнгө оруулалт, гүйцэтгэл дандаа чанаргүй, хойшилсон, өртөг нь нэмэгдэж байгааг анхааралдаа авах ёстой” гэхэд сайд Л.Энх-Амгалан “Эл үнэлгээнд оролцсон хүүхдүүд сургуульд элсэхээсээ авхуулаад суурь боловсролын цөм хөтөлбөрт хамрагдсан. Уг хөтөлбөрийг 10 гаруй удаа шинэчлэхдээ санхүүжилт, боловсон хүчний нөөц зэргийг нь тооцож төлөвлөөгүй, хуумгай хандаж иржээ. Улмаар сургалтын хөтөлбөрийн агуулга, ачаалал хүндэдсэн тул анги ахих тусам хүүхдүүдийн сурах хүсэл эрмэлзэл суларсан. Найман настай хүүхдэд зааж байсан хичээлүүдийг зургаан настнуудаар судлуулж байна. Уран зохиол, унших бичгийн хичээлийг хассантай ч холбоотой.
2024-04-08
“Б.Чинбат гэж хүнд хараалгуулж, маш их дарамт дунд байсан”
Надад санал тавьсан олон уран бүтээлч, продакшнтай хамтран ажиллахыг минь зөвшөөрдөггүй, хааж боодог байлаа. Хоёр ч удаа намайг ажил ярих нэрийдлээр танихгүй эрэгтэй хүнтэй уулзуулаад орхиж явсан. Би тэдний бодсон шиг, ашиглаж болно гэж зорьсон хүн нь биш байв. Хүсэхгүй байгаа зүйлээ илэрхийлэх, санал бодлоо хэлэх, уран бүтээл хийж өгөхийг хүсэх, зүгээр л оршиж байхдаа ч Б.Чинбат гэж хүнд хараалгуулж, маш их дарамт дунд байсан. Урт хугацаанд сэтгэл санаагаар унаж, амиа хорлох бодол ч орж ирж байсан хүнд хэцүү цаг надад бий. Эцэст нь иргэн Б.Чинбат нь миний биед халдаж, зодсоноор цаашдын ажил эцэслэгдсэн.
2024-04-08
АРАЙ Ч ДЭЭ!: Хориглосон хугацаанд дөрвөн удаа хурдан морины уралдаан зохион байгуулжээ
Засгийн газрын 2019 оны нэгдүгээр сарын 30-нд баталсан 57 дугаар тогтоолоор жил бүрийн арваннэгдүгээр сарын 1-нээс тавдугаар сарын 1 хүртэлх хугацаанд хурдан морины уралдаан, сунгаа, үсэргээ зохион байгуулахыг хориглодог. Гэтэл хориглосон хугацаанд буюу энэ он гарснаас хойш Ховд, Сүхбаатар, Төв аймгийн нутаг дэвсгэрт нийт дөрвөн удаа хурдан морины уралдаан зохион байгуулсан зөрчил гарсныг Хүний эрхийн үндэсний комисс (ХЭҮК)-оос мэдээлэв. Үүнтэй холбоотойгоор буруутай этгээдэд хариуцлага тооцох ХЭҮК-ын гишүүний шаардлагыг дээрх гурван аймгийн Засаг даргад хүргүүлжээ. Хүний эрхийн үндэсний комиссын тухай хуулийн 28.1-т “Комиссын гишүүний шаардлага, зөвлөмжийг хүлээн авсан байгууллага, эрх бүхий албан тушаалтан, хуулийн этгээд заавал биелүүлэх үүрэгтэй” гэж заасан байдаг.
2024-04-08
Р.Цолмон: Зургаан сар гартал шөл голдуу хоол идээрэй
Хаврын дунд сарын шинийн 20 буюу ханш нээх өдөр өчигдөр тохиов. Ичигсэд хөдөлж, амьд бие сэргэдэг хэмээн үздэг эл өдөр хаваршилт, хий хөдөлдөг цаг аж. Хаврын улиралд ямар хоол хүнс хэрэглэвэл зохистой талаар “Сумади” уламжлалт эмнэлгийн их эмч Р.Цолмонгийн зөвлөгөөг хүргэж байна.
2024-04-05
Ойн түншлэлийг бэхжүүлэх хөтөлбөр хэрэгжүүлнэ
БОАЖ-ын сайд Б.Бат-Эрдэнэ, НҮБ-ын Хүнс, хөдөө аж ахуйн байгууллагын Монгол дахь суурин төлөөлөгч Винод Ахужа нар Ойн засаглал ба нэмүү өртгийн сүлжээний хөтөлбөрийг хамтран хэрэгжүүлэх баримт бичигт өчигдөр гарын үсэг зурлаа. Энэ нь ойн түншлэлийн үйл ажиллагааг дэмжин хэрэгжүүлэх, бэхжүүлэх, үр нөлөөг нь оновчтой болгох зорилготой, Монгол, Конго, Габон, Гайана, Хондурас, Уганда, Замби гэсэн долоон улсад хэрэгжүүлэхээр төлөвлөсөн санаачилга юм байна
2024-04-05
“Монгол хэл, соёлын зуслан”-гийн бүртгэл эхэллээ
АНУ-д төрж өссөн монгол хүүхдүүдэд зориулан “Өв хэл соёл” НҮТББ-аас жил бүрийн зун зохион байгуулдаг “Монгол хэл, соёлын зуслан” хөтөлбөрийн сургалтыг энэ удаа зургаадугаар сарын 23-наас долоодугаар сарын 5-ны хооронд явуулахаар болжээ. Эл хөтөлбөр нь хөгжим, бүжиг зэрэг урлагийн төрлөөр дамжуулан монгол хэл, соёлыг түгээдэг онцлогтой. Сургалтыг АНУ-ын Конгрессын номын сангийн монгол номын мэргэжилтэн, доктор М.Саруул-Эрдэнэ, Пенсильванийн их сургуулийн монгол хэл, соёлын багш Ц.Наранцэцэг нар удирдан явуулдаг бол өнөө жил Монголоос морин хуурч, бүжиг, шанз хөгжмийн мэргэжлийн багш нар урилгаар очиж хичээл заахаар болжээ.
2024-04-05
Маргааш бүх нийтийн гүйлттэй
Маргааш бүх нийтийн гүйлт болно. Энэхүү гүйлтийг “I run Mongolia” клуб зохион байгуулж буй бөгөөд маргааш өглөө 09.00 цагт Үндэсний цэцэрлэгт хүрээлэнд эхлэх юм байна. Дээрх гүйлт нь эрүүл амьдралын хэв маягийг эрэлхийлэгч, жингээ хасах сонирхолтой хэн бүхэнд нээлттэйгээс гадна үнэ төлбөргүй аж. Бүх нийтийн гүйлтийн дараа ОУХМ Д.Ганбат оролцогчдод хөнгөн атлетикийн спортын талаар ерөнхий мэдээлэл олгох гэнэ.
2024-04-05
