Ус гүн цэвэршүүлэх үйлдвэрийн тохируулгыг 2025 онд хийнэ
Мянганы сорилтын II Компакт гэрээний хүрээнд барьж буй дэвшилтэт технологи бүхий Ус гүн цэвэршүүлэх үйлдвэрийн бүтээн байгуулалт 2021 онд эхэлсэн. Энэхүү бүтээн байгуулалттай Ерөнхийлэгч У.Хүрэлсүх танилцлаа. Тус төлийн ажлын явц 56 хувьтай байгаа бөгөөд ирэх онд бүрэн дуусаж, туршилт, тохируулгын ажил эхэлнэ. Үйлдвэр Биокомбинат, Шувуун фабрик орчимд гаргасан гүний 30 худгаас хоногт 140 мянга, жилд 50 хүртэл сая шоо метр ус татан авч гүн цэвэршүүлэн төвлөрсөн сүлжээнд нийлүүлэх юм. Ингэснээр нийслэлийн ус хангамж 50 гаруй хувиар нэмэгдэнэ.
6 цаг 40 мин
Эверестийн оргилд салхины эрч 12-14 м/с хүрч байна
Ойрын өдрүүдэд Хималайн уулсын ар хэсгээр бага зэргийн цас орж, өмнөд хэсгээр буюу Непалийн нутгаар дуу цахилгаантай бороо орж буй. Эверестийн оргилын орчим 70 мян орчим метрийн өндөрлөг газраар бага зэргийн цас бударч, өдөртөө -6-8 орчим градусын хүйтэн, салхи шуурга багатай тогтуун байх аж.
Өчигдөр 13 цаг 12 мин
Цас, мөс хайлснаас голууд үерлэж байгааг анхааруулав
Манай орны нийт нутгаар дулаарч, цас, мөс хайлж байгаатай холбоотойгоор хэд хэдэн гол үерлээд буйг Ус, цаг уур, орчны судалгаа, мэдээллийн хүрээлэнгээс анхаарууллаа. Тус хүрээлэнгийн Гадаргын усны судалгааны хэлтсийнхний мэдээлснээр өчигдөр Буянт, Төгрөг, Булган голуудын түвшин өмнөх өдрийнхөөсөө 10-20 см-ээр нэмэгдэж үерлэжээ
Өчигдөр 12 цаг 00 мин
“Нэг сум, нэг нуур” санаачилгыг дэмжихийг уриалав
Засгийн газрын хэрэгжүүлэгч агентлаг Усны газраас гадаргын ус хуримтлуулах, гүний нөөцийн хэрэглээг бууруулах зорилгоор “Нэг сум, нэг нуур” санаачилга гаргаад буй. Сум бүр нэг хиймэл нуур, хөв цөөрөм байгуулснаар Монгол орны хэмжээнд 333 усан сан бий болж, тэр хэрээр байгалийн нөөцийг хамгаалах, зохистой ашиглах боломж бүрдэнэ гэж тус байгууллагынхан үзэж байгаа юм. Тэрчлэн ус их хэмжээгээр ашигладаг уул уурхайн компаниуд, байгаль, зэрлэг амьтан хамгааллын чиглэлээр үйл ажиллагаа явуулдаг байгууллагуудыг нийгмийн хариуцлагын хүрээнд, бусдад үлгэрлэж энэ чиглэлээр идэвх санаачилгатай ажиллахыг уриалж буй.
Өчигдөр 10 цаг 00 мин
Өнөөдөр +28 градус дулаан байна
Хур тунадас: Нутгийн хойд хэсгээр солигдмол үүлтэй, бусад нутгаар багавтар үүлтэй. Шөнөдөө нийт нутгаар бороо орохгүй. Өдөртөө Увс нуурын хотгор, Монгол-Алтай, Хангай, Хөвсгөлийн уулархаг нутаг, Тэс, Эг-Үүр, Сэлэнгэ голын хөндийгөөр бороо орно. Бусад нутгаар бороо орохгүй.
Өчигдөр 07 цаг 30 мин
Баянхонгор аймагт 3.5 баллын хүчтэй газар хөдөллөө
Баянхонгор аймгийн Баацагаан сумын төвөөс баруун хойд зүгт 34 км зайд өнөөдөр буюу тавдугаар сарын 15-ны 11 цаг 13 минут 38 секундэд 3.5 магнитудын хүчтэй газар хөдлөлт боллоо.
Уржигдар 11 цаг 58 мин
Аюулт үзэгдэл, осолд 3098 хүн өртжээ
Аюулт үзэгдэл, ослын тохиолдол өмнөх оны мөн үеийнхээс 24.3 хувиар өссөнийг Үндэсний статистикийн хорооноос мэдээлэв. Өнгөрсөн оны эхний дөрвөн сард аюулт үзэгдэл, осол 1519 удаа бүртгэгдсэн бол энэ жил 369-өөр өсөж, 1888 болжээ. Үүний 59.4 хувь буюу 1123 нь объектын түймэр бол 13.8 хувь нь иргэд тээврийн хэрэгсэлтэй цас, шаварт суусантай холбоотой, 5.1 хувь нь төөрсөн, сураггүй болсон осол аж
Уржигдар 11 цаг 30 мин
“Дулаан шийдэл II төсөл”-тэй хөндлөнгийн зөвлөх хорооны хэлэлцүүлэг хийв
БОАЖЯ болон Европын холбооны “СВИЧ-Эшиа хөтөтөлбөр”-ийн санхүүжилтээр хэрэгжүүлж буй “Дулаан шийдэл II төсөл”-тэй хамтран эрчим хүч, дулааны шилжилт, хэмнэлтийн чиглэлээр хэрэгжүүлж буй сайн арга туршлагуудыг хоёрдогч хотуудын төлөөлөл болон бусад оролцогч талуудад танилцуулах харилцан санал солилцох зорилгоор “БАГА НҮҮРСТӨРӨГЧ БҮХИЙ ШИЙДЭЛ” сэдэвт уулзалт, хэлэлцүүлгийг зохион байгууллаа.
Уржигдар 11 цаг 24 мин
Цагаан зээрийн 99 хувь нь Монголд нутагладгийг тогтоожээ
Байгаль, зэрлэг амьтдыг хамгаалах нийгэмлэг (WCS)-ийн ахлах судлаач Б.Бүүвэйбаатар тэргүүтэй манай улсын экологичид дэлхий дээрх цагаан зээрийн тоо толгойг тогтоох зорилготой судалгаа хийж, энэ талаарх эрдэм шинжилгээний өгүүллээ олон улсын байгаль хамгааллын “Oryx” сэтгүүлд хэвлүүлжээ. Тэд Монголд 2 140 000 орчим, Оросод 30 000 гаруй, Хятадад 500-1000 цагаан зээр бий гэж тогтоосон бөгөөд дэлхий дээрх нийт популяцын 99 хувь нь манай оронд нутагладаг гэж дүгнэсэн байна.
Уржигдар 09 цаг 30 мин
Хэнтийн уулархаг нутгаар хур тунадастай
Өнөөдөр ихэнх нутгаар солигдмол үүлтэй. Шөнөдөө Хангай, Хөвсгөлийн уулархаг нутгаар, өдөртөө Орхон-Сэлэнгийн сав газар, Хэнтийн уулархаг нутгаар хур тунадас орно. Бусад нутгаар хур тунадас орохгүй. Шөнөдөө нутгийн зүүн хэсгээр баруун хойноос, бусад нутгаар баруун өмнөөс, өдөртөө нутгийн баруун хойд хэсгээр баруун өмнөөс баруун хойш эргэж, бусад нутгаар баруун өмнөөс секундэд 6-11 метр, говь, талын нутгаар секундэд 14-16 метр хүрч ширүүсэж, шороон шуурга шуурна.
Уржигдар 07 цаг 30 мин
Агаарын температур олон жилийн дунджаас 2.2-7.9 градусаар дулаарчээ
Ус, цаг уур, орчны судалгаа, мэдээллийн хүрээлэнгийн Хөдөө аж ахуйн цаг уурын судалгааны хэлтсээс энэ сарын 10-ны байдлаарх бэлчээрийн ургамлын төлөв байдлыг танилцууллаа. Энэхүү үнэлгээгээр Хэнтий, Дархан-Уул, Дорнод, Хөвсгөлийн нийт, Булган, Сэлэнгэ, Төв аймгийн ихэнх нутагт бэлчээрийн ургамлын гарц хэвийн, бусдад нь муу болон дунд гарчээ. Тодруулбал, Дундговийн нийт, Баян-Өлгий, Ховд, Говь-Алтай, Дорноговь, Өмнөговийн ихэнх, Баянхонгор, Завханы зарим нутгаар өвс ургамал муу буюу мал бэлчээх боломжгүй байгаа гэнэ.
2024-05-14
Сүхбаатар аймгийн Эрдэнэцагаан суманд гарсан хээрийн түймрийг бүрэн унтраалаа
Сүхбаатар аймгийн Эрдэнэцагаан сумын Хадын булан багийн “Лагийн нуур” гэдэг газар тавдугаар сарын 12-нд гарсан хээрийн түймрийн дуудлагаар тус аймгийн Онцгой байдлын газрын Эрдэнэцагаан сум дахь Гал түймэр унтраах, аврах 47 дугаар анги, Дорнод аймгийн Онцгой байдлын газрын Эрэн хайх, аврах анги, тус аймгийн Матад сумын Мэргэжлийн ангийнхан, “Бичигт” боомтын ажилтнууд ажиллаж, 13-ны 22:47 цагт бүрэн унтраажээ.
2024-05-14
Бүх нийтээрээ дөрвөн сая мод тарихаар нэгдлээ
Жил бүрийн тав, аравдугаар сарын хоёр дахь долоо хоногийн бямба гарагт тэмдэглэдэг уламжлалтай Бүх нийтээр мод тарих үндэсний өдөр өнгөрсөн амралтын өдөр буюу энэ сарын 11-нд тохиолоо. Манай улс “Тэрбум мод” үндэсний хөдөлгөөнийг хэрэгжүүлж эхэлсэн 2021 оноос хавар, намрын мод тарих өдрүүдийг урьдынхаас өргөн хүрээг хамруулан, 7-14 хоногт зохион байгуулах болсон юм
2024-05-13
Хашаандаа мод тарьж, жилд 200 кг чацаргана хураан авч байна
Чингэлтэй дүүргийн 19 дүгээр хорооны иргэн Цэвэгжавын Мөнхжаргалынд Ерөнхийлөгч У.Хүрэлсүх зочилов. Гэрийн эзэн Ц.Мөнхжаргал Гутлын үйлдвэрт жолооч, гэргий Ж.Бямбасүрэн нь чанар шалгагчаар ажиллаж байгаад өндөр насны тэтгэвэртээ гарчээ.
2024-05-13
Баруун, зүүн аймгуудын хойд хэсгээр цастай
Нутгийн хойд болон зүүн хэсгээр солигдмол үүлтэй, бусад нутгаар багавтар үүлтэй. Шөнөдөө нийт нутгаар хур тунадас орохгүй, өдөртөө Увс нуурын хотгор болон Монгол-Алтай, Хөвсгөлийн уулсаар бороо, нойтон цас орно. Салхи ихэнх нутгаар баруун өмнөөс секундэд 5-10 метр, өдөртөө Монгол-Алтайн уулархаг нутгаар секундэд 13-15 метр хүрч ширүүсэж, шороон шуурга шуурна.
2024-05-13
Экологийн XX олимпиад эхэллээ
“Ээлтэй хот: Хүрээлэн буй орчны чанарыг сайжруулъя” уриан дор “Экологийн XX олимпиад” 2024 оны тавдугаар сарын 11-нд буюу өнөөдөр МУИС-ийн Номын сангийн байранд болж байна.
2024-05-11
