Гольфчид шилдгүүдээ тодруулав
Монголын гольфын спортын улирлын нээлтийн өмнө жил бүр тэмцээн зохион байгуулдаг уламжлалтай. “Заан тэрэлж гольф” клубийнхний 15 дахь жилдээ явуулсан “Заан тэрэлж кап-2024” тэмцээнд 54 тамирчин strokeplay (харвалт тоглох) болон handicap (хөгжлийн бэрхшээлтэй) форматаар өрсөлдөж, аваргуудаа тодруулав. Тус тэмцээнд эрэгтэйчүүдээс Б.Батзориг, Г.Мэндсайхан нар strokeplay форматаар 77 цохиж, нэмэлт нүх тоглосон.
Өчигдөр 12 цаг 30 мин
Шилдэг багууд Улаанбаатарт өрсөлдөх нь
Сагсан бөмбөгийн 3х3 төрлийн хоёр томоохон тэмцээн Монголд болох нь. Энэ удаа эмэгтэйчүүдийн дэлхийн гран прийг ирэх сарын 6-7-нд, харин “Их дуулга” тэмцээнийг 8-9-нд Улаанбаатар хотод зохион байгуулахаар товложээ. Сүхбаатарын талбайд өрнөх дээрх тэмцээний үеэр дэлхийн шилдгүүд цугларч, энэ спортын хөгжлийг авьяас, ур чадвараараа батлан харуулах юм.
Уржигдар 17 цаг 00 мин
Т.Одсүрэн дэлхийн дээд амжилтыг шинэчиллээ
АНУ-ын Техас мужид зохион байгуулж буй пауэрлифтингийн хэвтээ шахалтын ДАШТ ирэх сарын 1 хүртэл үргэлжилнэ. Тус тэмцээнд Монголын пауэрлифтингийн нэгдсэн холбооны 20 тамирчин өрсөлдсөнөөс Ц.Отгондалай, Г.Оргилболд нар түрүүлснийг бид өмнө нь мэдээлсэн билээ. Тэдний амжилтыг буухиалж залуучуудын ангиллын 59 кг-д Т.Одсүрэн 152.5 кг-ыг шахаж, аман хүзүүдсэнээр дэлхийн дээд амжилтыг шинэчлэв. Мөн “Мастер-1” ангиллын 120 кг-ын жинд О.Мөнхбат цээжнээс 217.5, Д.Анхбаяр 222.5 кг-ыг шахаж хүрэл медалийн эзэн болжээ. Тэгвэл “Мастер-2” ангиллын 105 кг-д Х.Баттөмөр 195 кг-ыг шахан дэд байрт шалгарсан байна. Түүний хувьд энэ удаагийн медаль зургаа дахь нь юм.
Уржигдар 15 цаг 30 мин
Ц.АНАНД: Ажил, амьдралын талбарт хөл тавьсан ч сагсан бөмбөгөөс холдохгүй
Спорт бүр өөрийн гэсэн өвөрмөц онцлогтой. Тэр дундаа сагсан бөмбөг хүүхэд, залуусын сэтгэл татагддаг хамгийн дуртай төрөл. Сонирхож, тууштай хичээллэсэн нь амжилт гаргах ур чадвараа олж, тоглолын талбарт карьераа үргэлжлүүлдэг. Ц.Ананд багаасаа сагсан бөмбөгтэй нөхөрлөж, сургууль, дүүргийнхээ АШТ-д оролцдог болсон нь тамирчны гараагаа эхлүүлэхэд их нөлөөлжээ
2024-05-29
Л.БАЯРЦЭНГЭЛ: Дугуй намайг өөрчилж, шинэ хүн болгосон
Монголын триатлоны холбоо, “Road Mongolia” клубийн тамирчин, спортын мастер Л.Баярцэнгэлийг дугуйтай нөхөрлөсөн цагаас нь спорт сонирхогчид мэднэ. Тэрбээр триатлоноор ч бас хичээллэдэг. Өмнөд хөршийн Харбинд өнгөрсөн хоёрдугаар сард зохион байгуулсан өвлийн триатлоны “Дэлхийн цом”-д оролцож, VI байрт шалгарсан
2024-05-28
Б.Гарьд Азийн аварга боллоо
Узбекистан улсад зохион байгуулсан, модон барилдааны өсвөр үе, насанд хүрэгчдийн Азийн АШТ-д зургаан орны 178 тамирчин 23 жинд өрсөлдлөө. Тивийн шилдгүүд зургаа дахь удаагаа хүч сорьсон тус тэмцээнд манайхаас хөвгүүдийн 60 кг-ын жинд С.Баянсан шагналын салхи хагалж мөнгө, 70 кг-д Б.Дөлгөөн хүрэл медаль хүртэв. Тэдний амжилтыг буухиалж 80 кг-д Б.Гарьд Азийн аварга боллоо. Охидоос 60 кг-д Э.Орхонтамир, 70 кг-д Г.Гүндэгмаа нар III байрт шалгарч медалийн тавцанд зогссон.
2024-05-24
Г.Болор-Эрдэнэ, У.Сүрэнжав нар Францыг зорих батламжаа авав
Вьетнам улсын Данан хотод болсон пара таеквондогийн насанд хүрэгчдийн ес дэх удаагийн Азийн АШТ-д дасгалжуулагч Н.Эрдэнэбаатар, Д.Батнасан нарын удирдлагад үндэсний шигшээбагийн дөрвөн тамирчин оролцлоо. Тэднээс эрэгтэйчүүдийн 63 кг-ын жинд тив, дэлхийн тус бүр таван удаагийн аварга, Гавьяат тамирчин Г.Болор-Эрдэнэалт, 58 кг-д ОУХМХ.Темирбек хүрэл медаль хүртлээ. Эмэгтэйчүүдээс 52 кг-д ДАШТ-ий хүрэл медальт У.Сүрэнжав түрүүлж, Азийн аваргаар тодров. “Парис-2024” паралимпийн эрхийн оноо олгосон тус тэмцээний үеэр Г.Болор-Эрдэнэ, У.Сүрэнжав нар Францыг зорих батламжаа авчээ.
2024-05-22
С.ЦЭВЭЛМАА: Аварга болсон багийнханд амжилтаа бууруулах эрх байхгүй
Монголын гандболын эмэгтэйчүүдийн шигшээ багт “Мон-Алтиус” сургуулийн II дамжааны оюутан С.Цэвэлмаа тоглодог. Тэрбээр багийнхантайгаа Хонконгод өнгөрсөн жилийн долоодугаар сард зохион байгуулсан 17, 19 хүртэлх насныхны Зүүн Азийн “Tro¬phy-2023” цомын төлөөх тэмцээнд оролцож, эх орондоо хүрэл медальтай ирсэн билээ. Дасгалжуулагч Г.Амарсанаагийн удирдлагад бэлтгэл базаадаг тэд энэ жил оюутны гандболын УАШТ-д тэргүүн байрт шалгарч, дараа нь Монголын оюутны спортын VI наадамд МУИС-ийн багийг хожиж, аваргаар тодорсон юм.Тэднээс өмнө эрэгтэйчүүдийн шигшээ багийнхан мөн Хонконгод 2018 онд болсон 18, 20 хүртэлх насныхны Олон улсын гандболын холбооны цомын төлөө тэмцээнд ур чадвараа сорьж хүрэл медаль анх удаа гардсанаар Монголын гандболын спортод нэгэн шинэ хуудас нээсэн түүхтэй. Тус холбоо 2001 оноос эхлэн олон улсын чанартай тэмцээнд баг тамирчдаа сойсон ч хараахан медаль хүртээгүй байсан юм.
2024-05-21
Улсын аваргаар тодорсон тамирчид тив, дэлхийн тэмцээнд өрсөлдөнө
Холимог тулааны өсвөр үе, насанд хүрэгчдийн тус бүр гурав дахь удаагийн УАШТ-д 20 байгууллагын 200 гаруй тамирчин өрсөлдсөнөөс өсвөр үеийн ангилалд багийн дүнгээр “Архангай ММА” клубийнхэн түрүүлж, шилдэг тамирчнаар “Десант бамбар”-ын тамирчин Б.Алтансүх, “Кинг панда”-гийн тулаанч А.Мөнгөнзул шалгарсан юм. Насанд хүрэгчдийн ангилалд багийн дүнгээр “Кинг панда”-гийнхан тэргүүн байр эзэлж, “Алтан шонхор” клубийнхнээс А.Адьяа, “One team”-аас Б.Алтанчимэг шилдгээр тодров.
2024-05-21
Б.Баасанхүү дэлхийн аварга боллоо
НЭУ-ын Абу-Даби хотод үргэлжилж буй жүдо бөхийн насанд хүрэгчдийн ДАШТ-д 104 орны 630 гаруй тамирчин хүч сорьж байна. Тус тэмцээний эхний өдөр эмэгтэйчүүдээс 48 кг-ын жинд Ази тивийн аварга, Душанбегийн “Их дуулга” тэмцээний алтан медальт, ОУХМ Б.Баасанхүү шагналын салхи хагалж, алтан медаль хүртлээ. Ийнхүү тэрбээр дэлхийн аваргаар шалгарсан Монголын зургаа дахь жүдоч болов. Абу-Дабигийн дэвжээнд Төрийн дууллаа эгшиглүүлсэн тэрбээр тив, дэлхийн шилдгүүдийн эгнээнд багтлаа.
2024-05-21
Хөл бөмбөгчид оюутны ДАШТ-д өрсөлдөхөөр бэлтгэл хийж байна
БНХАУ-ын Шанхайд ирэх сарын 10-16-нд оюутны ДАШТ болно. Тус тэмцээнд Монголын футзалын шигшээ багийнхан С хэсэгт Украин, Шинэ Зеланд, Хорватын хөл бөмбөгчидтэй тоглох нь. Манайхан хүчтэй багуудтай өрсөлдөхөөр учраа таарсан тул тэмцээн эхлэхээс өмнө дасгалжуулагч С.Эрдэнэ-Очир, П.Алтантулга нарын удирдлагад бэлтгэлээ базаахаар Казахстаны Астана хотод хөл тавьсан. Тэд тэнд шигшээ багийнхантай нь хамтарсан бэлтгэл хийж буй юм. Үүний зэрэгцээ энэ сарын 16-19-нд зохион байгуулсан “Елеу кап” тэмцээнд оролцлоо
2024-05-20
М.Анхцэцэг гурав дахь олимпдоо өрсөлдөх нь
“Парис-2024” зуны олимпын 33 дахь наадмын хүндийг өргөлтийн таван жинд эрэгтэй, эмэгтэй тус бүр таван туйванч өрсөлдөнө. Жин тус бүрд 2022-2024 онд олон улсын болон тив, дэлхийн тэмцээнд оролцсон чансааны оноогоор шилдэг 10 тамирчин олимпын эрх авах журамтай. Олон улсын хүндийг өргөлтийн холбооноос олимпод ур чадвараа сорих тамирчдыг урьдчилсан байдлаар зарлалаа. Одоогоор эмэгтэйчүүдийн 81 кг-ын жинд Монголын туйванчдаас Гавьяат тамирчин М.Анхцэцэг чансаагаараа шилдэг 10-т жагссанаар Францыг зорих эрхийн болзлоо хангаж, гурав дахь олимпдоо өрсөлдөхөөр болов.
2024-05-17
П.Төрбат “Дэлхийн цом”-д тоос өргөх нь
Тамирчид “Redbull erzberg rodeo” нэрт хоёр гарааг Австри улсаас эхлүүлж, “X ross hard enduro rally” буюу гурав дахийг нь Сербид үргэлжлүүлнэ. Харин “Redbull romaniacs” буюу дөрөв дэх нь Румын, “Sea to sky” нэртэй тав дахь гараа нь Туркт болох нь. “Hixpania” буюу зургаа дахь гарааг нь Испанид өрнүүлэхээр болжээ. Тэгвэл Индонезэд болох “Hiu selatan” уралдаанд манай тамирчин урилгаар оролцох аж. Тэрбээр өмнө нь Туркт зохион байгуулсан “Sea to sky-2022” тэмцээнд 400 гаруй тамирчинтай өрсөлдөхдөө мөнгөн медаль хүртэж, Монголын мото спортынхон хэр авьяас, чансаатайг олон улсад харуулсан билээ.
2024-05-16
Х.Тэргэл Англид дэлхийн шилдгүүдтэй өрсөлдөх нь
Английн Ковентри хотод дартсын өсвөр үеийн тамирчдад “JDC аdvanced tour-2024”-т оролцох эрх олгох 16 тэмцээний 9-12 дахь цуврал нь энэ сарын 19-нд эхэлнэ. Харин 13- 16 дахь цуврал нь ирэх сарын 2-нд болно. Монголын дартсын өсвөр үеийнхний шигшээ баг, “Уужим од” ХХК, “MGL darts” клубийн тамирчин Х.Тэргэл дасгалжуулагч Х.Одбилэгийн удирдлагад улсаа болон Ази тивийг төлөөлж тус тэмцээнд өрсөлдөж буй юм.
2024-05-15
Улсын аваргаар тодорсон тоглогчид ДАШТ-д оролцоно
Монголын биллиардын холбоо болон “147” клубийнхэн хамтран снүүкер биллиардын УАШТ-ийг насанд хүрэгчдийн эрэгтэй, эмэгтэйчүүд, мөн мастерс буюу 40, ахмадын буюу 60- аас дээш насныхны ангилалд зохион байгуулж, шилдгүүдээ тодруулсан байна. Тус тэмцээнд 120 тамирчин өрсөлдсөнөөс эрэгтэйчүүдийн ангилалд “Метро пүүл” клубийн тамирчин, ОУХМ Э.Тэмүүжин түрүүллээ. Тэрбээр өмнө нь 2016, 2017 онд болсон пүүл биллиардын залуучуудын ДАШТ-д оролцож, хошой мөнгөн медаль эх орондоо авчирч байв.
2024-05-15
Б.Отгон-Өлзий: Морьт харвааны тив, дэлхийн тэмцээнд оролцсон минь зорилгодоо хүрэх том алхам байлаа
Морьт харваа нэг талаас спорт, нөгөө талаас өв соёл юм. Энэ нь эр зориг, овсгоо самбаа, ухаан, мэдрэмж шаардсан, өрсөлдөөн ихтэй спортын төрөлд багтсанаар улс бүрд өөрийн гэсэн өвөрмөц онцлогтой хөгжиж буй. Морин дээрээс давхил дунд харваж, бай онох нь монголчуудын эртнээс уламжилж ирсэн зан үйл гэдгийг манай тамирчид ур чадвараараа харуулсаар байна. Тэдний нэг нь Азийн аварга, ДАШТ-ий хошой мөнгөн медальт Б.Отгон-Өлзий.
2024-05-14
Ц.АНАР: Шагналын тавцанд гарч, медалиа зүүсний дараа л тайвширсан
Монголын уулчдын үндэсний холбооны “Саммит” клубийн тамирчин, “Этүгэн” их сургуулийн оюутан Ц.Анар хүүхэд байхаасаа хад, мөс, спорт авиралтын төрлөөр хичээллэсэн. Жилээс жилд ур чадвараа ахиулан улсын чанартай томоохон тэмцээнд өрсөлдөж спортын гараагаа эхлүүлжээ. Хэзээ нэгэн цагт аварга болох сон гэж мөрөөддөг байсан хүслээ 2018 онд биелүүлж, дотоодын шилдгүүдийн эгнээнд жагсав. Улсын таван түрүүтэй тэрбээр өдгөө эх орноо төлөөлж дэлхийн тэмцээнд ур чадвараа сорьдог болсон. Түүнд 2023 он дэлхийн медальтан болоход нэг алхам дутсаныг сануулж, бүх талаар хурцалсан жил байв. Финландын Оулу хотод болсон мөсөнд авиралтын залуучуудын ДАШТ-д медалиас атгаад алдсан. Тэгвэл энэ удаа Францад зохион байгуулахад нь хурдны төрөлд хүрэл медаль гардаж, Монголынхоо далбааг мандуулсан юм.
2024-05-13
Үндэсний шигшээтэй дөрвөн баг хамтран ажиллаж байна
“Парис-2024” зуны олимп, паралимпийн наадамд эх орноо төлөөлж оролцох үндэсний шигшээ багийн дасгалжуулагч, тамирчидтай дөрвөн баг хамтран ажиллаж байна. Тухайлбал, спортын сургалт, дасгалжуулалтыг дэмжих, спортын сэтгэл зүйч, спортын анагаах ухаан, спортын хоол зүйн багийнхан ажиллаж буй юм. Тэд олимпод оролцох эрх авсан болон эрх олгох тэмцээнд өрсөлдөх тамирчдыг шинжлэх ухааны үндэслэлтэйгээр сургаж, дасгалжуулах боломж бүрдүүлэн, эрүүл мэндийн тусламжийг хүртээмжтэй хүргэх, сэтгэл зүйн бэлтгэлийг нь хангах, хоол, шим тэжээлийг нь тохируулах чиглэлээр мэргэжлийн үйлчилгээ үзүүлэн, амжилтыг нь ахиулах зорилготой.
2024-05-09
М.Чинхутаг драфтын тэргүүн сонголт болж, “ТЛЖ тин” багт нэгдлээ
Монголын сагсан бөмбөгийн холбооны “Үндэсний дээд лиг”-ийн 2024 оны драфтыг “UG аrena”-д анх удаа зохион байгууллаа. Үүнд эрэгтэй 144, эмэгтэй 57 тамирчин өрсөлдсөн. Дээрх үйл ажиллагаа хоёр тойрог үргэлжилж, эрэгтэй 20, эмэгтэй 10 тамирчин дээд лигт элссэн байна. Багууд 2023-2024 оны улиралд эзэлсэн байраараа драфтын сонголт хийсэн юм. Драфтын тэргүүн сонголт нь “ТЛЖ тин” (эрэгтэй), “Старс” (эмэгтэй) баг байв.
2024-05-09
Г.Амарсанаа сэлэлтийн төрөлд түрүүлэв
Монголын триатлоны шилдэг тамирчин, Британийн Лафборогийн их сургуулийн оюутан Г.Амарсанаа тус улсын их сургууль, коллежийн аварга шалгаруулах тэмцээн энэ сарын 5-нд болоход оролцож, 451 тамирчинтай өрсөлдлөө. Тэрбээр тус тэмцээнд нэг цаг, хоёр минут, 27.6 долийн амжилтаар 62 дугаарт байрт орсон юм. Эл тэмцээн нь бассейнд 400 метр сэлж, дугуйгаар 22.5 км уралдан, таван км туулж гүйсэн спринт уралдаан байв.
2024-05-09
