Археологич Д.Эрдэнэбаатар нарт оноосон ялыг хэвээр нь үлдээв
Археологич, Шинжлэх ухааны гавьяат зүтгэлтэн Д.Эрдэнэбаатар, “Эмоци” продакшны менежер М.Адъяаням нарт холбогдох хэргийг нийслэлийн Эрүүгийн хэргийн давж заалдах шатны шүүх өчигдөр хэлэлцээд өмгөөлөгчийнх нь гаргасан гомдлыг хэрэгсэхгүй болголоо. Ингэснээр Чингэлтэй дүүргийн Эрүүгийн хэргийн анхан шатны шүүхээс оноосон 5.4 сая төгрөгөөр торгож, хятад иргэнд худалдахыг завдсан эртний эд зүйлсийг Соёлын яаманд шилжүүлэхээр шийдвэрлэсэн шийтгэх тогтоолыг хэвээр нь үлдээж буй юм. НПГ-аас тэдэнд Эрүүгийн хуулийн 25.5-1 дэх хэсгийн соёлын биет өвийн хууль бус худалдааг зохион байгуулсан, зуучилсан гэсэн заалтын дагуу яллах дүгнэлт үйлдэн шүүхэд шилжүүлсэн билээ
2024-06-21
“Дарханы төмөрлөгийн үйлдвэр”-ийн захирал Г.Дугаржавыг өөр үйлдлүүдэд нэмж шалгаж эхлэв
Тэгвэл мөрдөн шалгах ажиллагааны явцад түүний холбогдсон өөр нэг бус үйлдлийг нэгтгэсэн байна. Тухайлбал, барилга хүлээн авах Улсын комисс хэмээх 15-16 хүнтэй багт орж ажиллахдаа шийдвэр гаргахад нөлөөлсөн байж болзошгүй, мөн өөрт нь давуу байдал олгосон үйлдлээс их хэмжээний мөнгө авсан байх магадлалтай хэмээн мөрдөн байцаалтаа үргэлжлүүлж буй гэнэ.
2024-06-21
Мотоциклоор хар сүүлт дайрч авласан эрд холбогдох хэргийг шүүхэд шилжүүллээ
Байгаль орчинд хор хохирол учруулсан нэг бус хэргийг Экологийн цагдаагийн албаныхан шалгаж дуусаад, яллах дүгнэлт үйлдүүлэн шүүхэд шилжүүлжээ. Тухайлбал, Баянхонгор аймгийн Шинэжинст сумын нутагт 2023 оны арванхоёрдугаар сард ховор амьтны жагсаалтад орсон хар сүүлт зээрийг мотоциклоор дайрч агнасан Х.Д-ийг шалгаж дууссан байна.
2024-06-20
“Тодканнам”-ын толгой компаниас 168.9 сая төгрөг гаргуулж, хохирогчийн ар гэрийнхэнд олгох нь
“Тодканнам” гоо сайхны эмнэлгийн захирал Д.Тодням, эмч Д.Тодномбат, Б.Мөнгөнчимэг нарт холбогдох хэргийг Улсын дээд шүүхийн Эрүүгийн хэргийн танхимын шүүгчид хянан хэлэлцэхээс татгалзлаа. Ингэснээр анхан шатны шүүхийн тогтоол, давж заалдах шатны шүүхийн магадлал хүчин төгөлдөр болж буй юм. Эл эмнэлэгт 2019 оны гуравдугаар сард Г.О гэдэг эмэгтэй өөх соруулах мэс засалд орж байгаад бие нь гэнэт муудаж, өөр эмнэлэг рүү шилжүүлсэн боловч нас барсан юм. Хан-Уул дүүргийн Прокурорын газраас энэ гурван хүнд Эрүүгийн хуулийн 10.6-1 дэх хэсэгт заасан “Хүний амийг болгоомжгүйгээр хохироосон”, 15.1-3-ын “Эмнэлгийн мэргэжилтэн эмнэлгийн тусламж, үйлчилгээ үзүүлэх үүргээ зохих ёсоор биелүүлээгүйгээс хохирогч нас барсан” гэх үндэслэлээр яллах дүгнэлт үйлдсэн билээ.
2024-06-20
“Тэнүүн-Огоо”-гийн А.Ганхуяг шүүгч нарын эсрэг гомдол гаргав
“Ногоон автобус” гэх тодотголтой, нийслэлийн нийтийн тээвэрт хуучин автобус худалдан авч хүлээлгэн өгсөн хэргийг зохион байгуулагч, гүйцэтгэгч хэмээн яллагдагчаар татагдан шүүхээр гэм буруутай, эсэхээ дэнслүүлэх гэж буй “Тэнүүн-Огоо” ХХК-ийн ерөнхий захирал А.Ганхуяг Шүүхийн сахилгын хороонд гомдол гаргажээ. Тэрбээр Чингэлтэй дүүргийн Эрүүгийн хэргийн анхан шатны шүүхийн ерөнхий шүүгч Б.Халиун, шүүгч Д.Сувд-Эрдэнэ, С.Батжаргал нарын эсрэг зарга мэдүүлсэн юм байна. Бидний авсан мэдээллээр А.Ганхуягийг шүүгчийн захирамжаар цагдан хорьж, батлан даалтад гаргахаас татгалзсан учраас Сахилгын хороонд хандсан гэнэ. Түүний гомдлыг Шүүхийн сахилгын хорооны гишүүн С.Энхтөр хянаад шүүгч Б.Халиун, Д.Сувд-Эрдэнэ, С.Батжаргал нарын эсрэг мэдүүлсэн гомдлыг хэрэгсэхгүй болгох санал гаргасныг өчигдөр хуралдаанаар хэлэлцэв. Улмаар уг саналыг нь хүлээн авч шийдвэрлэжээ.
2024-06-19
Охид, бүсгүйчүүдийг бичлэгээр нь дарамталж байсан Сингапурын иргэний ялыг хэвээр үлдээв
Монгол охид, эмэгтэйчүүдтэй бэлгийн харьцаанд орж байгаа дүрс бичлэгээ нууцаар хийж, түүгээрээ тэднийг заналхийлж байсан, гадаадад биеийг нь үнэлүүлэх зорилгоор худал амлалт өгч, худалдсан байж болзошгүй хэрэгт холбогдуулан Сингапурын иргэн 64 настай Лох Сиен Чи гэх хүнийг 2022 оны есдүгээр сард ЭЦА-ныхан албадан саатуулж шалгаж эхэлсэн билээ. Түүнд холбогдох хэргийг нийслэлийн Эрүүгийн хэргийн давж заалдах шатны шүүх өчигдөр дахин хэлэлцлээ.
2024-06-19
“Ногоон автобус”-ны гэх хэргийн урьдчилсан хэлэлцүүлгийг шүүх хийж чадахгүй байна
Нийслэлийн нийтийн тээврийн парк шинэчлэлийн хүрээнд БНСУ-ын “Дэү” компаниас хуучин автобус оруулж ирснийг хүлээн авч, үйлчилгээнд явуулах шийдвэр гаргасан албан тушаалтнуудад холбогдох хэргийн урьдчилсан хэлэлцүүлгийг Чингэлтэй дүүргийн Эрүүгийн хэргийн анхан шатны шүүх өчигдөр хийхээр товлоод байв. Гэвч ирэх сарын 7-ны 10.00 цаг хүртэл хойшлууллаа. Нийтийн тээврийн газрын ажилтан асан Ч.Мөнхбаярын өмгөөлөгч Р.Батцогт шүүх хуралд ирээгүйгээс хойшлуулах захирамжийг шүүгч Б.Халиун гаргажээ. Ингэснээр эл хэргийн шүүхийн урьдчилсан хэлэлцүүлгийн хурал өнгөрсөн дөрөвдүгээр сараас хойш гурав дахь удаагаа хойшилж байна.
2024-06-18
МУИС өмчөө эрх мэдэлтнүүдийн шийдвэрээр алдсаар байх уу
Манай дээд боловсролын ууган байгууллага бол Монгол Улсын их сургууль. Нэрээр нь ч, байраар нь ч монголчууд андахгүй. Энэ сургуульд номын дуу сонсож, төгсөөд ажлын талбарт гарсан олон ч хүн улс орны хөгжил цэцэглэлтэд хувь нэмрээ оруулсаар ирсэн түүхтэй.
2024-06-18
Гурав дахь удаагаа хорих ял шийтгүүлсэн Г.Сарангэрэлийн гомдлыг Дээд шүүх хэлэлцэхгүй
Мансууруулах бодистой холбоотой хэрэгт хоёр ч удаа шалгуулж, шүүхээр ял шийтгүүлсэн Г.Сарангэрэлийг 2021 оны гуравдугаар сард ЦЕГ-ын Хар тамхитай тэмцэх газрын ажилтнууд гурав дахь удаагаа баривчилж байв. Тэрбээр БНХАУ-аас хар тамхи оруулж ирэн эмзэг эрхтэндээ нууж яваад баригдсан хэрэгтээ гурван жил хорих ял шийтгүүлсэн ч хугацаанаас өмнө тэнсэн суллагдсан юм. Гэвч удалгүй олон улсын шуудан илгээмжийн нэг байгууллагаар дамжуулан илгээсэн мансууруулах бодис хүлээн аваад “Блью скай” орчимд саатуулагдаж байсан билээ.
2024-06-14
Барилга, байгууламж хүлээн авахдаа “гар хардаг” Улсын комиссынхон
Нийслэл хотын байшин барилга өдрөөс өдөрт өсөн нэмэгдэж, “цементэн ширэнгэ” болохдоо тулаад буй билээ. Хотыг удирдаж байсан хүмүүсийн дур мэдэн замбараагүй олгосон, нийслэлийн Ерөнхий төлөвлөгөөний газрыг удирдаж байсан эрх мэдэлтнүүд хувийн ашиг сонирхлоо нэн тэргүүнд тавьж, зоргоороо аашилсны хариуд Улаанбаатарын түгжрэл, утаа нь дийлдэхээ больсон. Ингэж дур зоргоороо замбараагүй олгосон газарт ямар ч төлөвлөлтгүй олон давхар барилга барьж, ашиглалтад оруулсаар байна. Зогсоол, хүүхдийн тоглоомын талбай, ногоон байгууламж огт байхгүй хотхон, хороолол ашиглалтад оруулж, оршин суугчдаа амьдруулах болсон. Ямар ч төлөвлөлтгүй, хүний хэрэгцээний наад захын шаардлага хангаагүй барилга бариулж, айлууд оруулсан тохиолдол Шар хаданд ч бий. Зайсанд ч байгаа.
2024-06-13
Х.Баярхүү нарт холбогдох хэргийг нэмж шалгаж дууслаа
АТҮТ-ийн дэд захирлаар ажиллаж байсан Х.Баярхүү, Увс аймаг дахь АТҮТ-ийн салбарын дарга У.Золбоо нарыг АТГ-ын Мөрдөн шалгах хэлтсийнхэн нэмж шалгаж дуусжээ. Увс аймаг дахь Сум дундын эрүүгийн хэргийн анхан шатны шүүх дээрх хүмүүст холбогдох хэргийг хэлэлцэхгүй, үл ялих шалтгаанаар нэмэлт ажиллагаа хийлгэхээр буцааснаар АТГ-ын мөрдөгчид шүүхээс даалгасан ажиллагааг нь хийгээд дахин яллах дүгнэлт үйлдүүлэхээр болсон аж. Тус хэлтсийнхэн өнгөрсөн долоо хоногт эрүүгийн 922 хэрэгт мөрдөн байцаалт явуулснаас 11-т нь яллах дүгнэлт үйлдүүлж, шүүхэд шилжүүлэх санал гарган прокурорын хяналтад хүргүүлсний дотор Х.Баярхүү, У.Золбоо нарынх багтсан юм.
2024-06-12
Хар тамхины хар гай
Донтохоос нь өмнө дориухан анхаарч, эрсдэлд оруулалгүйгээр татаж авахгүй бол нэгэнт мансуурагч болсон бол ямар аюултай болохыг хэд хэдэн жишээ татан сэрэмжлүүлэхийг зорилоо.
2024-06-11
Настайчууд төлбөргүй хэвтдэг тасагт эмчлүүлэгсдээс мөнгө авсан эмч нарыг шүүхэд шилжүүлэв
Сонгинохайрхан дүүргийн Эрүүл мэндийн төвийн Эмчилгээ эрхэлсэн орлогч дарга С.Батчимэг, Мэдрэлийн тасгийн эрхлэгч Б.Отгонбаяр нарт НПГ-аас яллах дүгнэлт үйлдэн гэм буруутай, эсэхийг нь дэнслүүлэхээр тус дүүрэг дэх Эрүүгийн хэргийн анхан шатны шүүхэд шилжүүлжээ. Тэднийг Эрүүгийн хуулийн 22.1-1 дэх хэсгийн эрх мэдэл, албан тушаалын байдлаа урвуулан ашигласан хэрэгт яллагдагчаар тооцоод буй юм.
2024-06-10
Солонгосчуудын валютыг зочид буудалд ажиллаж байсан үйлчлэгч хуурамчаар сольжээ
Уг гэмт хэргийг Б.Бадамгарав гэдэг өмнө нь “Гранд хилл” зочид буудалд үйлчлэгчээр ажиллаж байсан эмэгтэй үйлдсэн гэж буруутгагдаж буй аж. Тэрбээр ажлаасаа чөлөөлөгдөхдөө зочид буудлын өрөөний түлхүүрийг буцааж өгөлгүй авч үлдсэнийгээ ашиглан солонгосчуудын буусан өрөөнүүдээр орж жинхэнэ ам.долларыг нь хуурамчаар сольсон гэх мэдээлэл бидэнд ирсэн юм. Кино, клипэнд ашиглах зорилгоор хийсэн уг хуурамч дэвсгэртүүдийг хэргийн холбогдогч эмэгтэй 30 орчмыг олж аваад “Найман шарга” валют арилжааны төвийн ченжүүдэд ч борлуулсан, дээрх байдлаар зочид буудлын өрөөнд нэвтэрч сольсон гэдэг нь ч мөрдөн шалгах ажиллагаагаар тодорхой болж буй гэнэ.
2024-06-10
Аялахаар ирсэнч барилгад ажиллаж байсан хятадуудыг албадан гаргана
Багануур дүүргийн нутагт үйл ажиллагаа явуулдаг, гадаадын иргэдийг ажиллуулж буй аж ахуйн нэгж, байгууллагуудад Гадаадын иргэн, харьяатын газар (ГИХГ)-аас өчигдөр гэнэтийн шалгалт хийжээ. Энэ үеэр тус дүүргийн III хороонд байрладаг, гадаадын хөрөнгө оруулалттай МЕСЕС ХХК-д хөдөлмөр эрхлэх зөвшөөрөлгүй хятад иргэд олноороо ажиллаж байсныг илрүүлсэн аж. Орон нутгийн хууль хяналтын байгууллагуудын эх сурвалжийн мэдээлснээр БНХАУ-ын 19 иргэн зохих зөвшөөрөлгүйгээр дээрх компанид ажиллаж байсан гэнэ.
2024-06-06
Цахилгаан эрчим хүчний тоноглолын төлбөр албан тушаалтнуудын мөнгө олох хэрэгсэл болжээ
Төрийн байгууллага, төрийн өмчит аж ахуйн нэгжид эрх бүхий албан тушаалд томилогдоод түүнийгээ урвуулан ашиглах явдал гарсаар байна. Тэр дундаа цахилгаан эрчим хүчтэй холбоотой төрийн өмчит компаниудад ийм хэрэг нэг бус удаа гарчээ. АТГ-ын Мөрдөн шалгах хэлтсийнхэн хамгийн сүүлд “Дорнод бүсийн эрчим хүчний систем” ТӨХК-ийн эрх бүхий албан тушаалтныг шалгаж дуусжээ
2024-06-06
Дорнын говийн зарим хүчтэн алтны наймаанд оролцоод ялтан болохдоо тулжээ
Улсын начин цолтой бөх нь АТҮТ-ийн салбарын даргаар ажиллаж байхдаа эрх мэдлээ урвуулж, бусдад давуу байдал олгосон гэм буруутайг шат шатны шүүх тогтоон, торгох ял оноосон. Улсын заан цолтой өөр нэг бөх түгээмэл тархацтай ашигт малтмал буюу хайрганы карьерыг өөрийн болгохын тулд хоёр өрөө байр өгөхөөр амлан тохиролцсон боловч хэлсэндээ хүрэлгүй наймаа буцсан байдаг. Тэгсэн атлаа төд удалгүй өөр нэгэн бөхтэй хамт согтуу очиж, наймаа хийхээр тохиролцсон иргэнийг айлган сүрдүүлж, зодож нүдэх шахсан талаар тухайн хүн шүүхэд мэдүүлсэн нь ч бий. Энэ мэтээр монголчуудын, нутаг орныхныхоо бахархал, хүндэтгэлийг хүлээж байдаг бөхчүүд ёс жудгаа уландаа гишгэж, хэрэг төвөгт орооцолдох болов. Бөхчүүд холбогдсон нэгэн хэргийн талаар энд дэлгэрүүлэн хүргэе.
2024-06-05
Бор-Өндөр сумын Засаг дарга эрх мэдлээ хэтрүүлж Дарханы нутагт тусгай зөвшөөрөл олгосон гэв үү
Тодруулбал, тус аймгийн Дархан сумын II багийн нутаг, Бор-Өндөр сумын төвөөс хойш 10 гаруй км зайд орших Адгийн хоёрдугаар биет гэх газарт нөхөн сэргээлт хийлгэх нэрийдлээр 2021 оны наймдугаар сард уул уурхайн тоног төхөөрөмжийн худалдаа, зөвлөгөө өгөх, геологийн суурь судалгаа хийх, худалдаа зуучлалын “Амейртроп” гэх компанитай гэрээ байгуулж, хууль бусаар ашигт малтмал олборлуулан, бусдад давуу байдал бий болгосон хэрэгт яллагдагчаар тооцсон аж.
2024-06-05
“Замын-Үүд” чөлөөт бүсийн захирагчид яллах дүгнэлт үйлдүүлнэ
Ташрамд дурдахад, АТГ-ын Мөрдөн шалгах хэлтсийнхэн өнгөрөгч долоо хоногт эрүүгийн 908 хэрэгт мөрдөн байцаалтын ажиллагаа явуулснаас11-тнь яллах дүгнэлт үйлдүүлж шүүхэд шилжүүлэх санал гаргаж прокурорын хяналтад хүргүүлсэн аж. Тэдгээрийн дунд “Замын-Үүд” чөлөөт бүсийн захирагчаар ажиллаж байсан И.Батнасан нарт холбогдох үйлдэл багтсан юм. Түүнчлэн АТГ-ынхан өнгөрсөн долоо хоногт хэрэг бүртгэлтийн болон эрүүгийн гурван хэрэгт холбогдсон хүмүүсийн хамаарал бүхий 20 объектод нэгжлэг хийжээ.
2024-06-04
“Бүс нутгийн авто зам хөгжүүлэх, засвар арчлалтын төсөл”-ийн зохицуулагч Н.Мөнхбаясгаланг шалгаж дуусжээ
Улаанбаатараас Дархан-Уул аймаг чиглэлийн авто замын бүтээн байгуулалт авлигын үүр уурхай, ашиг сонирхлын зөрчилтэй хүмүүсийн мөнгө олох хэрэгсэл болж, ашиглалтад бүрэн гүйцэд орж чадахгүй удсаныг уншигчид санаж буй. Эл чиглэлийн авто замын бүтээн байгуулалттай холбоотойгоор ЗТХЯ-ны албан тушаалтнууд хээл хахуулийн хэрэгт шалгуулж, ял шийтгүүлсэн нь ч бий. Тэгвэл эл замтай холбоотой дахиад нэг хэргийг АТГ-ын Мөрдөн шалгах хэлтэст шалгаж дуусжээ. Азийн хөгжлийн банкны санхүүжилтээр хэрэгжүүлж буй “Бүс нутгийн авто зам хөгжүүлэх, засвар арчлалтын төсөл” бол дээрх чиглэлийн авто замтай салшгүй холбоотой.
2024-06-04
