Өчигдрөөс илүү маргаашийг
бүтээхийн төлөө

Өв соёл

“Бурхан багшийн лагшин эрдэнэс” үзэсгэлэн нээхээр болжээ

Богд хааны ордон музейгээс “Бурхан багшийн лагшин эрдэнэс” үзэсгэлэнг өнөөдрөөс олон нийтэд толилуулна. Уг үзэсгэлэн ирэх сарын 2 хүртэл үргэлжлэх нь. Олон улсын музейн өдөр, Бурхан багшийн их дүйчин өдрийг тохиолдуулан энэхүү үзэсгэлэнг зохион байгуулж буй. Үүний хүрээнд дээрх музейд бурхан багшийн цахиур эрдэнийг олон нийтэд үзүүлнэ. Мөн БНСУ дахь Олон улсын Буддагийн музейгээс бурхан багшийн хуруу эрдэнэ, үс эрдэнэ, таван өнгийн ринсрэл зэрэг дэлхийд нэн ховор шүтээнийг энэ сарын 20-24-нд үзэсгэлэнгийн танхимд дэлгэх нь. Өөрөөр хэлбэл, олон улсын музейд хадгалдаг шүтээнүүдийг дэлгэхээрээ уг үзэсгэлэн онцлогтой юм байна. 
2024-05-17

Музейнүүд зуны цагийн хуваарьтаа шилжлээ

Ташрамд дурдахад, Олон улсын музейн өдөр энэ сарын 18-нд тохионо. Эл өдрийг тохиолдуулан Улаанбаатар хот дахь музейнүүд хамтран “Музей боловсрол, судалгааны төлөө” уриатай арга хэмжээг маргааш Чойжин ламын сүм музейд зохион байгуулахаар болжээ. Энэ үеэр музейнүүдийн нь соёлын солилцоог өрнүүлэх, хамтын ажиллагааг хөгжүүлэх, эрдэм шинжилгээ, судалгаа боловсролын хөтөлбөрийг танилцуулах үйл ажиллагаа зохион байгуулах аж.
2024-05-16

Уламжлалт тоглоомын тэмцээн зохион байгуулна

“Тэвгэн наадгай” уламжлалт тоглоомын аварга шалгаруулах тэмцээний гэнэ сарын 25-нд Үндэсний цэцэрлэгт хүрээлэнд зохион байгуулах нь. Энэхүү тэмцээн нь хүүхэд, залуучуудад уламжлалт тоглоомын аргаар дамжуулан өв соёл, ёс заншлаа таниулан, сэргээн хөгжүүлэх зорилготой. Мөн олон улсад монгол ахуй, соёлыг сурталчлан таниулж, цаашлаад аялал жуулчлал хөгжихөд түлхэц болох наадам юм. “Тэвгэн наадгай” нь насны хязгааргүй учир уламжлалт тоглоом, наадгайгаар өрсөлдөх сонирхолтой бүх хүнд эл тэмцээн нээлттэй гэнэ. Тус тэмцээний шагналын сан нь 3-20 сая төгрөг бөгөөд оролцогчид мандат аван өрсөлдөх аж.
2024-05-14

Ази, Номхон далайн бүсийн орны жагсаалтад Монголын таван баримтат өв бүртгэгджээ

ЮНЕСКО-гийн “Дэлхийн дурсамж” хөтөлбөрийн Ази, Номхон далайн бүсийн хорооны X чуулган 2024 оны тавдугаар сарын 6-10-ны өдрүүдэд Улаанбаатар хотноо зохион байгуулагдлаа.
2024-05-12

Монголын хэл хуурчдын анхдугаар чуулган боллоо

Монгол угсаатан Хэл хуурчдын холбооноос санаачлан Соёлын яам болон Засгийн газрын хэрэгжүүлэгч агентлаг Соёл Урлагийн Газар, Монголын Үндэсний Соёл, Амралтын хүрээлэн дэмжин Монголд анх удаа Хэл хуурчдын анхдугаар чуулганыг зохион байгууллаа.
2024-05-09

Хүүхэлдэйн жүжиг болон танин мэдэхүйн хөтөлбөрүүдтэй “Монгол гэр” 

ЮНЕСКО-гийн Хүн төрөлхтний соёлын биет бус өвийн төлөөллийн жагсаалтад бүртгэсэн монгол гэрийг олон нийтэд таниулах зорилгоор “Монгол гэр” үзэсгэлэнг Д.Сүхбаатарын талбайд энэ сарын 12 хүртэл толиулах юм. Уг үзэсгэлэнд аймаг бүр өөрийн гэсэн онцлогоор гэрээ тохижуулан оролцож байна. Орхон аймаг л гэхэд “Эрдэнэт хивс” компанийн бүтээгдэхүүнээр гэрээ тохижуулжээ
2024-05-06

“Чингис хаан: Монголчууд дэлхийг өөрчилсөн нь” хамтарсан үзэсгэлэнг Праг хотноо дэлгэнэ

Чингис хаан Үндэсний музейн захирал, академич С.Чулуун Чехийн Үндэсний музейн Ерөнхий захирал, профессор Михайл Лукош нар хоёр музей хамтран ажиллах гэрээг дөрөвдүгээр сарын 24-ний өдөр байгуулжээ. Тус гэрээний хүрээнд хоёр улсын Ерөнхийлөгч нарын ивээл дор “Чингис хаан: Монголчууд дэлхийг өөрчилсөн нь” хамтарсан үзэсгэлэнг Праг хотноо 2025 оны гуравдугаар сарын эхээр нээх юм. 
2024-04-25

“Монголын музей 100 жил” эрдэм шинжилгээний хурал ирэх сард болно

Монгол Улсад орчин цагийн музей байгуулагдсаны 100 жилийн ойг 2024 онд тэмдэглэн өнгөрүүлнэ. Энэ хүрээнд Соёлын яамнаас нэгдсэн олон талт арга хэмжээг зохион байгуулахаар төлөвлөн ажиллаж байна. Эл тэгш ойг тэмдэглэн өнгөрүүлэхтэй холбогдуулан “Монголын музей 100 жил” эрдэм шинжилгээний хурлыг тавдугаар сарын 20-ны өдөр зохион байгуулж, орчин цагийн музейн түүх, хөгжлийн талаар хэлэлцэнэ.
2024-04-23

Наадмын нээлтийг “Эх дэлхий, эх оршихуйн цадиг” сэдвийн хүрээнд найруулна

Үндэсний их баяр наадмыг зохион байгуулах хороо 2024 оны дөрөвдүгээр сарын 17-ны өдөр хуралдлаа. Тус хуралдаанаар Ардын хувьсгалын 103 жилийн баяр наадмын нээлт, хаалтын ёслолыг найруулах найруулагчийг эцэслэн баталсан.
2024-04-23

Бангкок дахь НҮБ-ын төв байранд нүүдэлчний өв соёлыг илэрхийлсэн булан нээв

НҮБ-ын Ази, Номхон далайн эдийн засаг, нийгмийн комиссын 80 дугаар чуулганд оролцож буй Гадаад харилцааны сайд Б.Батцэцэг Бангкок дахь НҮБ-ын хурлын төв байранд Монгол Улсыг сурталчлах зорилгоор тус улсад суугаа Монгол Улсын Элчин сайдын яамнаас санаачлан байгуулсан нүүдэлчний өв соёлыг агуулсан уулзалтын булангийн албан ёсны нээлтэд оролцлоо.
2024-04-23

Үлэг гүрвэлийн мөрт “Шар цав”-ыг ЮНЕСКО-д бүртгүүлнэ

ЮНЕСКО-оос Дэлхийн геопаркууд хөтөлбөрийг 2001 оноос олон улсын түвшинд геологийн ач холбогдол бүхий газруудыг дэмжин хөгжүүлж, орон нутгийн тогтвортой хөгжилд хувь нэмэр оруулах зорилгоор хэрэгжүүлж эхэлсэн. Хөтөлбөрийн хүрээнд ЮНЕСКО-ийн Геопаркийн олон улсын сүлжээ бий болжээ. Одоогийн байдлаар ЮНЕСКО-ийн Геопаркийн олон улсын сүлжээнд дэлхийн 48 орны 213 газар бүртгэгдээд байна.
2024-04-22

ЮНЕСКО-д дэлхийн улсуудын 1000 гаруй өвийг бүртгэжээ

ЮНЕСКО-гийн ерөнхий ассемблейн XXII чуулганы хуралдаанаар 1983 онд жил бүрийн дөрөвдүгээр сарын 18-ны өдрийг “Хөшөө дурсгал, дурсгалт газрын Олон улсын өдөр” болгон тэмдэглэх шийдвэр гарч байжээ.
2024-04-18

Бурхан шашны 233 шүтээний зургаар үзэсгэлэн гаргав

Монгол Улсад орчин цагийн музей байгуулагдсаны 100 жилийн ойн хүрээнд “Урлахуй, шүтэхүй, гэгээрэхүй” нэгдсэн тусгай үзэсгэлэнг Монголын Уран Зургийн галерей  өнөөдрөөс нээлээ. Үзэсгэлэн энэ сарыг дуустал үзэгч олон нийтийн хүртээл болох юм.
2024-04-15

Морин хуурт дурлагсад гурав дахь жилдээ цугларлаа

“Хөг-Жим”сургалтын төв болон “Хөг тэгширлээ” төслийн багийнхан хамтран морин хуурын гайхамшгийг олон нийтэд сурталчлан таниулах зорилготой морин хуурт дурлагсдын “Хөг тэгширлээ” цугларалтыг өнгөрсөн бямба гарагт зохион байгууллаа. Энэхүү арга хэмжээг морин хуур сонирхогчид, анхлан суралцагчдад зориулснаараа онцлогтой. Үүний хүрээнд мэргэжлийн уран бүтээлчид хамтран морин хуур сонирхогчдод заавар, зөвлөгөө өгч, туршлагаасаа хуваалцав. “Хөг тэгширлээ” төслийн хүрээнд морин хуурт дурлагсдын цугларалтыг гурав дахь жилдээ зохион байгуулсан нь энэ. Эл арга хэмжээг зорин ирэх залуус жилээс жилд нэмэгдэж, энэ удаад 250 орчим хүн цугларсныг “Хөг-Жим” сургалтын төвийн багш Х.Өлзийсайхан онцоллоо. 
2024-04-15

Улаанбаатарт 1400 гаруй өвлөн уламжлагч бий

Соёлын биет бус өв бол хүний оюун санаагаар дамжиж уламжлагддаг эмзэг бөгөөд үнэт зүйл. Иймээс энэхүү нандин өвийг хамгаалах нэгдмэл зорилго, нийтлэг үнэт зүйлтэй хүмүүсийн харилцаа холбооны үндэсний сүлжээг бэхжүүлж, тэдний оролцоотой тогтвортой байдлыг хангах явдал чухал байдаг аж. Ялангуяа өвийн үнэт хэв шинжийг олон түмэнд ойлгуулж, үнэ цэнтэй болохыг тайлбарлаж мэдүүлэх нь иргэдэд соёлын биет бус өвд хүндэтгэлтэй хандах үзэл санааг төлөвшүүлж, улмаар өвлөн уламжлах сонирхлыг бий болгодог байна. Энэ бол соёлын биет бус өвийн оршин тогтнох чадварыг хадгалж үлдээх томоохон хөшүүрэг аж.
2024-04-14

“Монгол хэл, соёлын зуслан”-гийн бүртгэл эхэллээ

АНУ-д төрж өссөн монгол хүүхдүүдэд зориулан “Өв хэл соёл” НҮТББ-аас жил бүрийн зун зохион байгуулдаг “Монгол хэл, соёлын зуслан” хөтөлбөрийн сургалтыг энэ удаа зургаадугаар сарын 23-наас долоодугаар сарын 5-ны хооронд явуулахаар болжээ. Эл хөтөлбөр нь хөгжим, бүжиг зэрэг урлагийн төрлөөр дамжуулан монгол хэл, соёлыг түгээдэг онцлогтой. Сургалтыг АНУ-ын Конгрессын номын сангийн монгол номын мэргэжилтэн, доктор М.Саруул-Эрдэнэ, Пенсильванийн их сургуулийн монгол хэл, соёлын багш Ц.Наранцэцэг нар удирдан явуулдаг бол өнөө жил Монголоос морин хуурч, бүжиг, шанз хөгжмийн мэргэжлийн багш нар урилгаар очиж хичээл заахаар болжээ. 
2024-04-05

“Тал хээрийн нутаг палеолитын үед” эрдэм шинжилгээний төсөл хэрэгжүүлнэ

Монгол Улсын ШУА-ийн Археологийн хүрээлэн БНХАУ-ын ШУА-ийн Эртний сээр нуруутан, палеонтологи, эртний хүн судлалын хүрээлэн болон Бээжингийн Их Сургуулийн Археологи, музей судлалын сургуультай хамтран эрдэм шинжилгээний төсөл хэрэгжүүлэх гэрээг үзэглэлээ.
2024-03-20

Нийтийн номын сангийн өргөтгөлийг 2024 ондоо багтаан эхлүүлнэ

Улаанбаатар хотын нийтийн төв номын сан нь 1980 онд байгуулагдан 1986 оноос Их зохиолч Д.Нацагдоржийн нэрэмжит номын сан болсон бөгөөд нийслэлийн таван дүүрэгт салбар номын сангийн үйл ажиллагаа явуулдаг. Тус номын сан нь 2016 оноос номын сангийн хүртээмжийг нэмэгдүүлэх зорилгоор харааны бэрхшээлтэй хүмүүсийн NVDA дэлгэц уншигч, монгол брайль хэрэглээнд нэвтрүүлэн 3000 гаруй сан хөмрөгтэйтэйгээр жилд 350 гаруй тусгай хэрэгцээт иргэдэд үйлчилж байна.
2024-03-16