Томилогдсон болон сонгогдсон 50 албан тушаалтанд хариуцлага тооцно

УИХ-ын гишүүн, Үндэсний эвслийн тэр­гүүн Н.Номтойбаяр өчигдөр мэдээлэл хийв. Төрийн нэр хүнд унаж, иргэдийн итгэлийг алдаж буй гэдэг Ерөн­хийлөгчийн үг­тэй тэрбээр санал нэг байгаа аж. Харин Төрийн тэргүүний өргөн барьсан УИХ-ын тухай хуульд нэмэлт, өөрчлөлт оруулах хуу­­ лийн төслийн хэрэгжүүлэх арга замыг дэмжихгүй гэнэ. Энэ талаар тэрбээр “Төр бол зөвхөн парламент биш. Тиймээс би төрийн өндөр албан тушаалтан бүрэн эрхээ хэрэгжүүлэхтэй холбоотой хамгаалалт, хязгаарлалт, хяналт, хариуцлагын тухай хуу­лийн төслийг өргөн барихаар бэлдэж, үзэл баримтлалыг нь боловсруулсан. Томи­логдсон болон сонгогдсон төрийн 50 өндөр албан тушаалтанд уг хуулийг хамаатуулж, эрхийг нь хамгаалах, үйл ажиллагаанд хяналт тавих, аливаа хууль зөрчсөн бол хариуцлага тооцох, албан тушаалд байгаа болон буусных нь дараа эрх зүйн хязгаарлалт хийх зохицуу­лалт оруул­сан. Үүнийг баталбал Ерөн­хий­лөг­чийн уриа­лаад байгаа ёс зүйн хариуц­ла­гыг өөрөөс нь эхлээд УИХ-ын дарга, гишүүд, Ерөнхий сайд, Цэцийн дар­га бо­лон гишүүн, Ерөнхий шүүгч, Ерөн­хий про­курор, АТГ дарга зэрэг бүх өндөр албан тушаалтнаас нэхэж болно. Төслөө энэ баасан гарагт болох УИХ-ын даргын зөвлөлийн хуралдаанд танилцуулна” гэ­лээ.

С.Уул