Хөшөөний доор гал түлээд шатаажээ
Чингэлтэй дүүргийн IX хорооны нутаг, Баянбүрдийн тойрог дахь “Чингэлтэй дүүрэг” гэсэн хөшөө шатаж буй бичлэг өчигдөр олон нийтийн сүлжээнд нийтлэгдсэн. Галын шалтгаан нь хөшөөний доор согтуу иргэн гал түлснээс болсон гэсэн мэдээллийг холбогдох байгууллагаас өгөв. Тодруулбал, энэ сарын 15-ны 05.43 цагт хөшөө шатаж буй тухай дуудлага, мэдээлэл онцгой байдлын болон цагдаагийн байгууллагад иржээ.
2025-10-16
Шүүгч, түүний туслахад хахууль өгөхийг завдсан эмэгтэйд зургаан сар хорих ял шийтгэлээ
Холбогдсон хэргээ өөртөө ашигтай шийдвэрлүүлэхийн тулд хянан шийдвэрлэх ажиллагаа явуулж буй шүүгч, түүний туслахад хахууль өгөхийг завдсан “Укасан” ХХК-ийг үүсгэн байгуулагч Ц.Уртнасангийн гэм буруутай, эсэхийг өчигдөр Баянзүрх, Сүхбаатар, Чингэлтэй дүүргийн эрүүгийн хэргийн анхан шатны тойргийн шүүхэд хэлэлцлээ. Тэрбээр иргэн Т.М-д Арцатын аманд удахгүй барьж дуусах гэж буй хувийн сууц (хаус)-ыг хямд үнээр зарна хэмээн зургаан автомашин 120 сая төгрөгөөр үнэлэн авч залилан их хэмжээний хохирол учруулсан хэрэгт холбогдсон юм байна.
2025-10-16
З.ЭНХБАЯР: Төсөв бол улс төржих, бүлэг хүний эрх ашигт нийцүүлэн батлах сэдэв биш
Улсын болон нийслэлийн төсвийн төлөвлөлт, зарцуулалтын ил тод байдалд дүн шинжилгээ хийж, олон нийт, тэр дундаа залуучуудад таниулах зорилгоор “Төсвөө мэдье, төсвөө мөшгөе” нөлөөллийн кампанит ажлыг 2023 оноос хойш өрнүүлж буй “Монголын залуучуудын эвсэл” төрийн бус байгууллагын дэд захирал З.Энхбаяртай ярилцлаа. Залуучуудын хөгжил, оролцоог дэмжих, тэдний нийтлэг эрх ашгийг хамгаалах чиглэлээр үйл ажиллагаа явуулдаг нийгмийн олон бүлгийн төлөөллөөс бүрдсэн төрийн бус 18 байгууллага эл эвсэлд гишүүнчлэлтэй байдаг. Мөн тэд санхүүгийн салбарын мэргэшсэн шинжээчдийн зөвлөх хорооны тусламжтайгаар төсөвт хяналт тавьдаг аж.
2025-10-16
“Гацуурт”-ын гэх тусгай зөвшөөрлийг цуцлах ёстой ч алт ухах гэж улайрсаар байна
УИХ-ын дарга асан, өнөөгийн Ерөнхий сайд Г.Занданшатар, хууль тогтоогч асан Л.Элдэв-Очир нар 2016 оны сонгууль угтсан пиараа уугуул Баянхонгортоо явуулахдаа Галуут сум дахь алтны нэг бус аж ахуйн нэгжийн тус¬гай зөвшөөрлийг цуцалж байсныг эл нутгийнхан сайн санаж буй. Гэтэл тухайн үед хүчингүй болгож байсан 5-6 аж ахуйн нэгжийн ашигт малтмал хайх, олборлох тусгай зөвшөөрлийг шүүх сэргээчихсэн. Т
2025-10-14
Соёлын өвийг завшсан гэм буруутай хэмээн Х.Болдбаатарыг дөрвөн сая төгрөгөөр торгожээ
Ерөнхийлөгч асан Ц.Элбэгдоржийн эхнэрийнх нь төрсөн дүү Х.Болдбаатарт холбогдох, соёлын өвийн эсрэг гэмт хэргийг шүүх хэлэлцэн шийдвэрлэжээ. “Их тэнгэр” цогцолборт байсан бүтээлүүдээс алга болсны нэгийг Х.Болдбаатарын эзэмшлийн галерейгаас олсон гэх мэдээлэл хэдэн жилийн өмнө цацагдаж, олны анхааралд өртөж байв. Түүнийг нь хууль хяналтын байгууллагынхан шалгаж, Сүхбаатар дүүргийн Прокурорын газраас Х.Болдбаатарт холбогдуулан Эрүүгийн хуулийн 25.3-1 дэх хэсэгт заасны дагуу яллах дүгнэлт үйлдэн шүүхэд шилжүүлсэн талаар бид өмнө нь дэлгэрэнгүй мэдээлсэн.
2025-10-13
Хууль байгаад ч “хүчрэгддэггүй” Б.Дэлгэрсайхан
УИХ-ын гишүүн, Зам, тээврийн сайд Борхүүгийн Дэлгэрсайханыг аавынх нь нэрээр бус, уугуул нутаг, үүсгэсэн аж ахуйн нэгжээр нь монголчууд илүү мэднэ. Өөрөөр хэлбэл, “Дорнын говь”-ийн Дэлгэрсайхан хэмээн УИХ-д сонгогдохоосоо өмнө нэрийдэж явсан үе түүнд бий. 1964 онд Дорноговь аймгийн Сайншанд сумд төрсөн, нутагтаа ерөнхий боловсролын сургууль дүүргээд, аймгийн төвөөсөө 100-гаад км-ийн зайд орших Улаан-Уулын отрядад цэргийн алба хаан, тухайн үеийн НАХЯ-ны Цэргийн тусгай дунд сургуульд 1983 онд элссэн нэгэн.
2025-10-13
Б.Энх-Амгалан, З.Энхболд нарын хэргийг анхан шатны шүүхээр шийдвэрлүүлнэ
УИХ-ын болон Ерөнхийлөгчийн Тамгын газрын даргаар ажиллаж байсан З.Энхболд, УИХ-ын гишүүн, Зам тээврийн хөгжлийн сайд асан Б.Энх-Амгалан нарт холбогдох хэргийг прокурорын бичсэн эсэргүүцлийг үндэслэн өчигдөр нийслэлийн Эрүүгийн хэргийн давж заалдах шатны шүүхэд хянан хэлэлцлээ. Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхийн шүүгчийн санаачилгаар өнгөрсөн долоодугаар сард хийсэн урьдчилсан хэлэлцүүлгийн хурлаас дээрх хоёр хүний холбогдсон хэргийг прокурорт буцаахаар шийдвэрлэснийг улсын яллагч Б.Энх-Эрдэнэ, Ч.Батзориг нар эсэргүүцсэн юм.
2025-10-08
“Нүүрсний” гэх хэргийн хүрээнд 23.8 тэрбум төгрөгийн хохирол нөхөн төлүүлжээ
Нүүрс олборлолт, экспорт, тээвэрлэлт, худалдан авах үйл ажиллагаатай холбоотой хэргүүдийг мөрдөн шалгах чиг үүрэг бүхий ажлын хэсгийг прокурор, мөрдөх байгууллагад байгуулан шалгаж байв. Уг ажлын хэсгийнхэн өнгөрсөн хугацаанд 124 хэрэгт мөрдөн шалгах ажиллагаа явуулж 156 хүн, хуулийн гурван этгээдийг яллагдагчаар татсан аж. Тэдгээрээс 108 хүн, хуулийн гурван этгээдийг эрх мэдэл, албан тушаалаа урвуулан ашигласан, хахууль авсан, өгсөн, үндэслэлгүй хөрөнгөжсөн, мөнгө угаасан хэмээн прокурор яллах дүгнэлт үйлдэж, шүүхэд шилжүүлсэн байна.
2025-10-07
З.Санждорж лам анхан шатны шүүхээс оноосон ял шийтгэлийг эдэлнэ
“Монголын бурхан шашинтны шинэ төв” хийдийн хамба лам З.Санждорж, болон түүнтэй хамт ял шийтгүүлсэн Д.Бямбажав нарт холбогдох хэргийг Улсын дээд шүү¬ хийн Эрүүгийн хэргийн танхимын шүүх бүрэлдэхүүн хэлэлцэхээс татгалзлаа. Тэдний дөрвөн өмгөөлөгчийн Дээд шүүхэд хандан гаргасан гомдол нь Эрүүгийн хэрэг хянан шийдвэрлэх тухай хуулийн 40.1 дэх хэсэгт заасан хууль хэрэглээний зөрүүг арилгах, энэ хуулийг ноцтой зөрчсөн, Улсын дээд шүүхийн тогтоол, тайлбараас өөрөөр хэрэглэсэн, эрх зүйн шинэ ойлголт, эсхүл хууль хэрэглээг тогтооход зарчмын хувьд нийтлэг ач холбогдолтой биш гэж шүүх бүрэлдэхүүн дүгнэсэн учраас ийн шийдвэрлэжээ.
2025-10-06
Кёкүшюзан Д.Батбаярыг эрүүгийн хариуцлагаас чөлөөлж, Т.Баясгаланг цагаатгав
УИХ-ын гишүүн асан, Гавьяат тамирчин Кёкүшюзан Д.Батбаяр, Гавьяат жүжигчин, дуучин Т.Баясгалан, бизнесийн хамтрагч Н.Болормаа, Д.Цэрэндорж нарт холбогдох хэргийг Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүх өнгөрсөн долоо хоногийн пүрэв, баасан гарагт хэлэлцэн шийдвэрлэлээ.
2025-10-02
Соёлын сайд асны сагуу цацсан олон тэрбум төгрөгийн үргүй зарцуулалт
Эгэл жирийн иргэд бид улсдаа тушаасан татвар, нийгмийн болон эрүүл мэндийн даатгалын шимтгэлийнхээ үр шимийг тэр бүр хүртэж чаддаггүй. Эрүүл мэндийн болон нийгмийн даатгалын сангийн хөрөнгийг эрх мэдэлтнүүд завшиж, өөрсдөө, хамаарал бүхий хүмүүсийнхээ нэр дээр энд тэнд үл хөдлөх хөрөнгө, элдэв үнэт зүйл болгосны улмаас ард түмэн хохирч, цалин, тэтгэврийнхээ үр шимийг хүртэж чадахгүй байгаа. Иргэд хувь хүний, нэмэгдсэн өртгийн, бизнес эрхэлдэг бол аж ахуйн нэгжийн орлогын гээд олон албан татвар төлдөг.
2025-10-01
Улаанбаатар хотын гаалийн албан тушаалтнуудын зорчих эрхийг хязгаарлав
Гаалийн байгууллагын албан хаагчдын холбогдсон авлигын хэргүүдийг шүүх хэлэлцэн шийдвэрлэсээр байна. Тухайлбал, Улаанбаатар хотын Гаалийн газрын гаалийн байцаагчаар ажиллаж байсан Э.Баасансувд, П.Баярмаа нарт холбогдох хэргийг тэдний болон өмгөөлөгчдийнх нь гаргасан гомдлыг үндэслэн өчигдөр нийслэлийн Эрүүгийн хэргийн давж заалдах шатны шүүхэд хэлэлцлээ.
2025-09-30
Ц.Санжаачойпэлийг батлан даалтад гаргаж, хилээр гарахыг нь хязгаарлалаа
УИХ-ын гишүүн асан, “GEM групп”-ийн эзэн, улсын гарди Ц.Цэрэнпунцагийн хүү Санжаачойпэлийг суллах шийдвэр Дүүргийн эрүү, иргэний хэргийн хялбар ажиллагааны анхан шатны тойргийн шүүхийн шүүгч Д.Дарьсүрэн гаргалаа. Ингэснээр яллагдагч Ц.Санжаачойпэлийг өнгөрсөн бямба гарагт ШШГЕГ-ын харьяа Цагдан хорих 461 дүгээр ангиас суллав.
2025-09-29
“Эрдэнэт үйлдвэр”-ийн захирал асан Ц.Даваацэрэнгийн хэргийн урьдчилсан хэлэлцүүлгийг хойшлуулав
“Эрдэнэт үйлдвэр”-ийн ерөнхий захирлаар ажиллаж байсан, дараа нь “Тавантолгой түлш” ХХК-ийн гүйцэтгэх захирлын албыг хэсэг хугацаанд хашаад 2024 оны хавар тэтгэвэртээ гарсан Ц.Даваацэрэн болон С.Мөнхтөр нарт холбогдох хэргийн шүүхийн урьдчилсан хэлэлцүүлгийг өчигдөр хийхээр товлоод байв. Гэвч аравдугаар сарын 23-ны 10.00 цаг хүртэл хойшлууллаа. Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхийн шүүгч Л.Галбадар удирдан өчигдөр эхлүүлсэн урьдчилсан хэлэлцүүлгийн хуралд иргэний хариуцагч “Медипас” ХХКийн хууль ёсны төлөөлөгч, өмгөөлөгч нар ирээгүй бөгөөд хойшлуулах хүсэлт шүүхэд өгсөн аж. Шүүх хуралд оролцогч прокурор, зарим өмгөөлөгч нар хурлыг үргэлжлүүлэх санал гаргасан ч урьдчилсан хэлэлцүүлэг явуулах хүсэлт гаргасан талынхныг байлцуулах ёстой гэж шүүгч дүгнэснээр хойшлуулахаар шийдвэрлэлээ.
2025-09-26
Б.Амарсайханыг эрүүл мэндийн шалтгааны улмаас цагдан хорих санал гаргаагүй бололтой
УИХ-ын гишүүн асан, “GEM групп”-ийн эзэн, улсын гарди Ц.Цэрэнпунцагийн хүү Санжаачойпэл, хууль тогтоогч асан, “Эрэл” ХХК-ийг үүсгэн байгуулагч Б.Эрдэнэбатын хүү Тэмүүлэн, ХААН банкны нөлөө бүхий хувьцаа эзэмшигч, “Таванбогд групп” ХХК-ийн эзэн Ц.Баатарсайханы хүү, “Говь” ХК-ийн гүйцэтгэх захирал Б.Амарсайхан, иргэн Л.Алтан-Очир нарт холбогдох хэргийг Сүхбаатар дүүргийн Цагдаагийн газрын I хэлтсийнхэн тун удахгүй шалгаж дуусаад яллах дүгнэлт үйлдүүлэхээр прокурорын хяналтад шилжүүлэх гэж буй аж. Тэд өнгөрсөн долоодугаар сарын 18-19-нд шилжих шөнө иргэн Д.Саяннямбууг зодож гэмтээсэн хэрэгт холбогдсон юм.
2025-09-26
