177.5 тэрбум төгрөгөөр урд хөршөөс нүүрс авахыг ХҮН намынхан эсэргүүцэв
Тэрбээр “Сайжруулсан түлш үйлдвэрлэхэд хэрэглэж байгаа мидлингийг хагас коксжих нүүрсээр солино. Уг түүхий эдээ БНХАУ-аас импортлох юм. Хагас коксжих түлш хэрэглэснээр агаарын бохирдлыг өнөөгийн түвшнээс хоёр дахин бууруулна. Үүнийг хамгийн төгс шийдэл гэж хэлэхгүй. Зүгээр байснаас оролдоод үзье гэж байгаа юм. Энэ өвөл Улаанбаатар хотод үүнийг туршина гэсэн үг. Туршилт гэдэг үгээс айхгүй байна. Өөр арга байхгүй” гэлээ. Цаашлаад ирэх жилээс 600 мянган тоннын хүчин чадалтай хагас коксжих нүүрсний үйлдвэрийг Багануурын уурхайг түшиглэн барина гэв.
2023-08-10
Тарваган тахлаар өвчилсөн иргэний ойрын хавьтлын 15 хүнийг тусгаарлалаа
Үүнээс есөн хүнийг ХӨСҮТ-д хэвтүүлэн, урьдчилан сэргийлэх эмчилгээ хийж буй юм байна. Харин халдварын голомт болох Хэнтийн Баян-Адрага сумд хоёр, Биндэрт гурав, аймгийн төвд нэг хүнийг тусгаарлан, эмчилж байгаа гэнэ. “Өвчилсөн иргэн сум, аймаг, нийслэлийн нутгаар явсан, бас замын унаагаар зорчсон учраас ойрын хавьтлын хүмүүсийг олж тогтоох нь нэлээд бэрхшээлтэй байлаа. Гэсэн ч холбогдох байгууллагынхан хамтран 24 цагийн хугацаанд ойрын хавьтлын хүмүүсийг бүрэн тогтоосон. Орон нутагт халдварын голомтод хэсэгчилсэн хөл хорио тогтоогоод байна” гэж Зоонозын өвчин судлалын үндэсний төвөөс мэдээлсэн юм.
2023-08-10
Аавуудын өдөрт зориулсан өдөрлөг болов
Цагдаагийн байгууллага болон онцгой байдлын алба хаагчдаас бүрдсэн 20 гаруй аав охинтойгоо үүнд оролцов. Энэхүү өдөрлөг нь хөгжөөнт тоглоомоор эхэлж, сэтгэлийн бэлэг гардуулах үйл ажиллагаагаар өндөрлөв. Мөн Сүхбаатар үүргийн Гэр бүл, хүүхэд, залуучуудын хөгжлийн хэлтсийн арга Б.Саранхөхөө “Хүүхдийн хүмүүжилд эцгийн оролцоо” сэдвийн хүрээнд сургалт явуулсан байна.
2023-08-09
Үерт урсах зөвшөөрөл олгодог Засаг дарга нарт хариуцлага тооцох уу
Нийслэлийн хэмжээнд өдгөө 3000 орчим айл үерийн эрсдэлтэй бүсэд суурьшиж байна. Үүнээс 500 айл нь зөвшөөрөлгүй буюу дур мэдэн буужээ. Харин бусад нь зөвшөөрөлтэй, газрын гэрчилгээтэй бололтой. Гэхдээ тэдгээр айлыг зөвшөөрөлтэй, зөвшөөрөлгүй гэж ялгах нь учир дутагдалтай. Ямар ч тохиолдолд үерийн эрсдэлтэй бүсэд айл өрх суурьшуулах нь хүний эрхэд халдсан ноцтой зөрчил.
2023-08-09
640 хүүхдийн сургууль ашиглалтад орууллаа
Сургуулийн зураг төслийг “Криетив Монголиа” ХХК-ийнхан боловсруулж, барилга угсралтын ажлыг нь “Би энд Би констракшн” ХХК хоёр жилийн хугацаанд гүйцэтгэсэн аж. Ташрамд дурдахад, 2016-2022 онд нийслэлд 302 тэрбум төгрөгөөр 28 365 хүүхдийн 169 цэцэрлэг, 424.5 тэрбум төгрөгөөр 51 308 хүүхдийн 84 сургууль барьжээ. Мөн өнгөрсөн жил сургууль, цэцэрлэгийн хүртээмжийг нэмэгдүүлэхэд нийслэлийн төсвөөс 200 тэрбум төгрөг зарцуулсан байна.
2023-08-08
Монгол хэл, бичгийн шалгалтыг дахин авна
Ташрамд дурдахад, Засгийн газрын 2013 оны 37 дугаар тогтоолын дагуу их, дээд сургуульд элсэгчдээс жил бүр монгол хэл, бичгийн шалгалт авдаг билээ. Энэ нь их, дээд сургуульд элсэх босго болдог. Өөрөөр хэлбэл, 400-гаас дээш оноо авч чадаагүй төгсөгчид ирэх намар их, дээд сургуульд элсэх боломжгүй. Харин өнгөрсөн дөрөвдүгээр сард зохион байгуулсан шалгалтад тэнцээгүй сурагчид энэ удаагийнхад хангалттай оноо авсан тохиолдолд их, дээд сургуульд элсэх эрх нь нээгдэх юм.
2023-08-04
Алтан овооны тахилгад тэрбум төгрөг зарцуулна гэв
Мөн чулуу, мөнгөн урлал, гэрэл зургийн үзэсгэлэн дэлгэх аж. Дарьганга сум дахь наадмын төв талбайг тойруулан18 асар, хүндэтгэлийн гэр барих нь. Мөн хүндэт зочид төлөөлөгч, хандивлагч нарт зориулсан 100 гэр барихаар төлөвлөсөн байна. Алтан овооны тахилгын үйл ажиллагаанд төсвөөс 485 гаруй сая төгрөг зарцуулна. Мөн үүн дээр хандивлагчдын хөрөнгийг нэгтгэж, нийт нэг тэрбум орчим төгрөг зарцуулахыг зохион байгуулагчид мэдээллээ.
2023-07-31
Хөрсний шинжилгээгээр гэдэсний халдвар үүсгэгч нян ихээр илэрчээ
Нийслэлд энэ сарын эхээр орсон борооны улмаас Сэлбэ, Дунд, Туул гол үерлэсэн. Үүний улмаас хөрс хэр хэмжээгээр бохирдсоныг тогтоохоор шинжилгээний баг ажиллаж буйг бид өмнө нь мэдээлж байв. Шинжилгээний багийнхан үерт автсан газрууд болон гэр хорооллын нийт 55 цэгээс хөрсний дээж цуглуулж, Цаг уур, орчны шинжилгээний газрын харьяа Байгаль орчин, хэмжил зүйн лабораторид хүнд металл, микро биологийн буюу нянгийн шинжилгээ хийсэн байна. Хүнд металлын шинжилгээгээр хөрсний дээж авсан нийт цэгийн 5.5 хувьд нь цайр хүлцэх хэмжээнээс өндөр байгааг тогтоожээ.
2023-07-28
Дөргөн нуурын эрэгт “Жангар фестиваль-2023” болно
Энэхүү энтертайнмент фестивальд Монголын соёл урлаг, уламжлалыг таниулан, орчин үеийн хөгжим, артистууд, дижэй нар оролцохоос гадна усан парк, будган байлдаан, бикини, загварын, бартендер шоу, элсэн дээрх кинотеатр, циркийн галт үзүүлбэр гэх мэт олон арга хэмжээ явуулахаар хөтөлбөр гаргажээ. 18-35 насны залуучуудад зориулсан энэхүү фестиваль ирэх сарын 4-7-нд болно.
2023-07-26
“Дижитал хот”-ын хүрээнд 13 төсөл хэрэгжүүлж эхлэв
Үүний хүрээнд цахим засаглал, зам, тээврийн нэгдсэн систем гэсэн хоёр бүлэгт хамаарах 13 төсөл хэрэгжүүлж байгаа аж. Тухайлбал, онлайн бизнес төвийн, хэсгийн ахлагчийн, боловсролын, эрүүл мэндийн, сити дашбоард, цагдаагийн байгууллагын лавлагааны систем гэсэн зургаан төслийг цахим засаглалийн хүрээнд хэрэгжүүлж байна. Тэгвэл зам, тээврийн нэгдсэн систем нь долоон төслөөс бүрдэх бөгөөд үүнийг хэрэгжүүлэхээр 17 байгууллагын инженер, техникийн 140 ажилтан ажиллаж буй гэнэ.
2023-07-25
Хөхний хавдраас сэргийлэх өдөрлөг зохион байгуулна
Үүнд хавдраар өвдөж эдгэрсэн иргэд, тэдний гэр бүлийнхэн оролцох аж. Мөн сонирхсон бусад иргэн ч тэдэнтэй нэгдэхийг зохион байгуулагчид уриалав. Үүнээс гадна тухайн өдрийн 10.00-14.00 цагт төв талбайд зассан асарт мэргэжлийн эмч нар хавдраас урьдчилан сэргийлэх талаарх зөвл өгөө, мэдээлэл өгч, үзлэг үнэ төлбөргүй хийх гэнэ. Ташрамд дурдахад, “Ягаан тууз алхалт” нь зөвхөн Монголд бус, олон улсын хэмжээнд жил бүр зохион байгуулдаг арга хэмжээ юм.
2023-05-26
“Дижитал” иргэд тусгай үйлчилгээ шаардаж байна
Нөгөө талаас ихэнх ажил олгогч шинэ үеийнхний харилцаа, хандлага, ажиллах арга барилд шүүмжлэлтэй хандаж, тэднийг өөрчлөхийг хүсэх болов. Улмаар энэ нь энгийн нэг асуудал биш болохыг цаг хугацаа харуулаад буй бөгөөд “Z үеийнхнийг хэрхэн ажиллуулах вэ” гэсэн асуултыг ажил олгогчид зүй ёсоор тавихад хүрлээ.
2023-05-22
Ц.РАДНАА: 90 хүрээд амьдралынхаа түүхийг бичнэ
-Үүнд хариулах гэхээр онгирсон болчих гээд байх юм. Би эм ууж үзээгүй гэхэд бараг болно. Залуу байхад ханиад зэрэг хөнгөн өвчин тусаж л байлаа. Тийм үед толгойны болон ханиадны эм ууж үзсэн. Түүнээс өөр эм ууж байгаагүй ээ. Тамирчин болсноос хойш ханиад хүрсэн ч гүйж хөлсөө гаргаад л эдгээчихдэг болсон доо. Одоо надад эм уух шаардлага байхгүй. Эрүүл мэндийн хувьд хараа жаахан муудаж эхэлж байна. Аргагүй өтөлснийх биз. 90 нас хүрч байгаа хүн чинь муудалгүй л яах вэ гэж бодож сууна. Гэхдээ харааны шил байнга зүүхгүй. Зөвхөн сонин, ном зэрэг жижиг үсэгтэй зүйл уншихдаа л хэрэглэдэг. Сонсгол бол дажгүй ээ.
2023-05-09
Англи, япон хэлтэй инженерүүдийг ажилд урилаа
“1000 инженер-Ажлын байр-2023” өдөрлөгийг Боловсрол, шинжлэх ухааны яам, ШУТИС-иас өчигдөр зохион байгууллаа. Боловсрол, шинжлэх ухааны яамнаас хэрэгжүүлж буй “Инженер, технологийн дээд боловсрол” төсөлд хамрагдан, Япон Улсад их, дээд сургууль төгсөөд, өнгөрсөн сард эх орондоо ирсэн 105 залуу уг өдөрлөгт оролцов.
2023-04-26
