Г.Уянга Ази, Номхон далайн бүсийн шилдэг залуу мэргэжилтнээр шалгарав 

Ази, Номхон далайн аялал жуулчлалын холбооноос зохион байгуулдаг уламжлалтай “PATA face of the future” олон улсын уралдаанд манай улсаас нэр дэвшин оролцсон Г.Уянга “Тогтвор­той байд­лын шилдэг санаачилга” ангилалд ялагчаар тодорч, тус шагналыг Монголоос анх удаа хүртжээ. Энэхүү уралдаан нь бүс нутгийн аялал жуулчлалын салбарын ирээдүйг тодорхойлох за­луу мэргэжилтнүүдийн манлайлал, шилдэг, шинэлэг санаачилга, бодит хувь нэмрийг үнэлдэг олон улсын нэр хүндтэй, зэрэглэл өндөр­тэй шалгаруулалтыг жил бүр явуулдгаараа онцлог­той. 

Г.Уянгыг Монголын аялал жуулчлалын холбооноос нэр дэвшүүлсэн бөгөөд тогтвортой аялал жуулчлалыг хөгжүүлэх, орон нутгийн иргэдийн оролцоог нэмэгдүүлэх, нүүдлийн соёлын өвийг хам­гаалах үйлсэд үнэ цэнтэй хувь нэмэр оруулж буй манай улсын залуу мэргэжилтэн хэмээн түүнийг тодотгожээ. 

Тэрбээр Монголын байгаль, нүүдэлчин ахуй, өв соёлыг сурталчлан таниулах чиглэлээр ажилладаг, гадаад, дотоодын жуулчдад зориулж өндөр зэрэглэлийн болон тусгай сонирхлын аялал зохион байгуулдаг “Wild Mongolia” компанийг үүс­­гэн байгуулагчдын нэг аж. Тус компани сүүлийн жилүүдэд орон нутгийн иргэдэд түшиглэн уламжлалт мэдлэг, монгол өв соёлыг түгээн дэлгэ­рүүлэх чиглэлээр дагнан ажиллах болсон нь олон улсад ийн үнэлэгджээ. Ташрамд дурда­хад, Ази, Номхон далайн аялал жуулчлалын холбооны 2026 оны уралдааны шилдгийн шилдэг мэргэжилтнээр Бутан улсын оролцогч тодорсон бол бусад дөрвөн ангилалд монгол, тайланд, орос, малайз залуус шалгарсан байна.