Хаягдал усыг нөөц болгон ашиглахыг уриалав
БОУАӨ-ийн сайд Б.Батбаатар Бүгд Найрамдах Кени Улсын Найроби хотноо үргэлжилж буй НҮБ-ын Байгаль орчны Ассамблейн VII чуулганы “Хаягдал ус-шийдэл болох нь” хэлэлцүүлэгт оролцохдоо Монгол Улсын усны нөөц урт хугацаанд долоо орчим хувиар багасаж, мөсөн голын ууршилт сүүлийн 80 жилийн хугацаанд бараг 70 хувьд хүрснийг онцлов. Тэрбээр энэ үеэр “Бохир ус бол хаягдал биш, харин боломж дүүрэн нөөц. Хаягдал усыг хуурай гандуу, эмзэг бүс нутгийн иргэдийн амьдралын чанарыг бэхжүүлж, тэсвэртэй байдлыг сайжруулах, тогтвортой хөгжлийн хөдөлгөгч хүч, нөөц болгох боломжтой. Тиймээс хаягдал усыг нөөц болгох, дахин ашиглах уриалга дэвшүүлж байна” гэжээ.
21 цаг 23 мин
Монголчуудын уламжлалт хувцас, гоёл чимэглэлтэй танилцаарай
Үндэсний музейнхэн “Монголчуудын уламжлалт хувцас, гоёл чимэглэл” тусгай үзэсгэлэнг өнөөдөр толилуулах нь. Эл үзэсгэлэнгийн хүрээнд чулуун зэвсгийн үед хамаарах тэмээн хяруулын өндөгний хальсаар хийсэн зүүлт, Монголын эзэнт гүрний үеийн монгол хатны богтаг малгайн алтан цог чимэглэл, XIXXX зууны эхэн үеийн язгууртны дээл, хувцас тэргүүтэй монгол түмний гайхамшигт өв, соёлын илэрхийлэл болсон үнэт үзмэрүүдийг олны хүртээл болгох юм. Өөрөөр хэлбэл, монголчуудын хувцас, гоёл чимэглэлийн түү хэн хөгжил, хувьслыг харуулах зорилгоор музейн сан хөмрөгт хадгалж байгаа 100 гаруй үзмэрээс дээжлэн, дагалдах судалгааны бич вэр, хураангуй тайлбар, гэрэл зургийн хамт олны хүртээл болгож буй нь энэ юм. Тус үзэсгэлэнг ирэх сарын 30-ныг дуустал үнэ төлбөргүй үзэгчдийн хүртээл болгох аж.
23 цаг 25 мин
Австрали бага насныханд нийгмийн сүлжээг хориглосон анхны улс боллоо
Австралид 16-гаас доош насны хүүхдүүд тикток, юүтүб, фэйсбүүк, инстаграм зэрэг нийгмийн сүлжээнд нэвтрэхийг хориглолоо. Уг хуулийг дагаж мөрдөөгүй тохиолдолд 49.5 сая хүртэлх австрали долларын торгууль ногдуулах аж. Ингэснээр Австрали бага насны хүүхдүүдэд нийгмийн сүлжээ хэрэглэхийг хориглосон анхны улс боллоо. Эл шийдвэрийг технологийн томоохон компаниуд ихээхэн шүүмжилсэн бол эцэг, эхчүүд болон хүүхдийн эрхийн төлөө тэмцэгчид сайшааж хүлээн авсан юм.
Өчигдөр 11 цаг 35 мин
ЭХЭМҮТ-ийн зөвлөх поликлиникт өдрийн мэс засал хийхээр бэлтгэж байна
Эх, хүүхдийн эрүүл мэндийн үндэсний төв (ЭХЭМҮТ)-ийн Хүүхдийн зөвлөх поликлиникийн зургаан давхар өргөтгөлийн шинэ байрыг өнгөрсөн есдүгээр сард ашиглалтад оруулсан билээ. Тус поликлиникт өдгөө 0-18 насны хүүхдүүдэд төрөлжсөн мэргэжлийн амбулатори болон оношилгооны тусламж, үйлчилгээг бүх төрлөөр үзүүлж буйг мэдээлэв.
Уржигдар 18 цаг 00 мин
Ирэх онд бага ангийн 189 600 сурагчийг сүү хөтөлбөрт хамруулах нь
Хүүхдийн өсөлт, хөгжлийг дэмжих, бие махбодын дархлааг сайжруулах зорилгоор “Сүүн дархлаа” зорилтот хөтөлбөрийг 2024 онд хотын зарим сургуульд хэрэгжүүлсэн. Ингэснээр эрүүл мэндэд нь эерэг өөрчлөлтүүд гарсан тул хөтөлбөрийг үргэлжлүүлэхээр болж, нийслэлийн 2026 оны төсөвт 8.9 тэрбум төгрөг тусгаад байгааг албаныхан мэдээллээ. Үүний үр дүнд I-V ангийн 189 600 хүүхдийг сүү хөтөлбөрт хамруулах боломж бүрдэв.
Уржигдар 17 цаг 30 мин
Өндөр хүчдэлийн 1100 гаруй шонг шувуу хамгаалах тусгаарлагчаар бүрнэ
Монголын шувуу хамгаалах төв, “Улаанбаатар төмөр зам” (УБТЗ) хувь нийлүүлсэн нийгэмлэгийн Эрчим хүч, ус хангамжийн төвтэй хамтран махчин шувуудын цахилгааны хүчдэлд цохиулах эрсдэлийг бууруулах, үхэл хорогдлыг арилгах чиглэлээр хамтран ажиллах санамж бичиг байгууллаа. Үүний хүрээнд шувууд цахилгаанд хамгийн их цохиулж үрэгддэг, Говьсүмбэр аймгийн Чойрын 10 кВ-ын өндөр хүчдэлийн шугамын 1100 гаруй төмөр бетон тулгуурт хамгаалах тусгаарлагч суурилуулахаар болжээ. Ирэх хавраас эхлүүлэх уг ажилд УБТЗ-ын салбар нэгжүүд хүн хүч, хөрөнгө мөнгөөр туслах бол тусгаарлагч бү рээсийг худалдан авах санхүүжилтийг АНЭУ-ын “Мохамед Бин Зайед махчин шувуу хамгаалах сан”-гаас гаргах юм байна.
Уржигдар 17 цаг 00 мин
Гадаадын долоон байгууллагын үйл ажиллагаа явуулах зөвшөөрлийг хүчингүй болгов
Гадаадын иргэн, харьяатын газар (ГИХГ)-аас манай улсад үйл ажиллагаа явуулж буй долоон байгууллагын үйл ажиллагаа явуулах тусгай зөвшөөрлийг хүчингүй болгожээ. Тодруулбал, БНХАУ-д төвтэй “ӨМӨЗО-ы Баяннуур хотын худалдааг дэмжих хороо”, БНСУ-ын “Азийн соёл, хөгжлийн институт”, “Олон улсын хөдөө аж ахуйн хамтын ажиллагааны сүлжээ”, ОХУ-ын “Армийн гардан тулааны биеийн тамир, спортын холбоо”, “Бид самбогийнхон”, АНУ-ын “Ворлд лернинг”, “Friends of Mongolia” гэх байгууллагын тусгай зөвшөөрлийг цуцалсан байна.
Уржигдар 15 цаг 30 мин
БНСУ визний журамдаа өөрчлөлт оруулав
БНСУ-ын Элчин сайдын яамнаас тус улсын виз мэдүүлэхтэй холбоотой журамд зарим өөрчлөлт оруулснаа мэдээллээ. Тухайлбал, өмнө нь визний татгалзсан хариу авснаас хойш зургаан сарын дараа дахин виз мэдүүлдэг байсныг гурав болгон богиносгожээ. Мөн эмчилгээний (C3-3) визний мэдүүлгийг тусгайлан авахаар болжээ Тиймээс иргэд эм чилгээний виз мэдүүлэхдээ зөвхөн “Солонгосын виз мэдүүлгийн төв”-д (Korea visa application center, KVAC) хандах ёстой юм байна.
Уржигдар 15 цаг 00 мин
Тарваган тахлын голомтын хариу арга хэмжээний хэрэгжилт үндэсний хэмжээнд хангалтгүй түвшинд үнэлүүлжээ
ЭМЯ, ДЭМБ, Зоонозын өвчин судлалын үндэсний төв, ХӨСҮТ, Хөвсгөл аймгийн Онцгой байдлын газар, Нэгдсэн эмнэлэг, Зоонозын өвчин судлалын төвийнхөн хамтран “Хөвсгөл аймагт бүртгэгдсэн тарваган тахлын хариу арга хэмжээний дараах үнэлгээ”-ний дүгнэлтийн жишээн дээр үндэсний хэмжээний чадавхыг хэлэлцэв. Үүгээр тарваган тахлын хяналт, тандалт, шинжилгээ, оношилгоо, эмчилгээний чиглэлээрх баримт бичиг, журам, заавар зэрэг эрх зүйн орчин хангалттай бүрдсэн ч тэдгээрийн хэрэгжилт үндэсний болон орон нутгийн түвшинд хангалтгүй байгааг тогтоолоо. Тухайлбал, байгалийн голомтын тандалт, судалгааны чанар, лабораторийн оношилгооны чадавх, эмчилгээний удирдамжийн мөрдөлт, байгууллагуудын уялдаа холбоо, хариу арга хэмжээний бэлэн байдал болон эрсдэлийн харилцаа холбооны үйл ажиллагаа төдийлөн сайнгүй байгааг анхааруулав.
Уржигдар 14 цаг 30 мин
“Иргэний орон зайг хамгаалах нь ардчиллын үндэс”
“Глоб интернэшнл” төвөөс “Үзэл бодлоо илэрхийлэх эрх чөлөө, иргэний орон зайн баталгаа болох нь” олон талт хэлэлцүүлгийг өчигдөр зохион байгууллаа. Уг хэлэлцүүлэгт төр, иргэний нийгэм, хэвлэл мэдээллийн байгууллагын төлөөлөл оролцож үзэл бодлоо илэрхийлэх эрх чөлөөний эрх зүйн орчин, мэдээллийн ил тод байдал, тулгамдсан асуудлуудыг шийдвэрлэх арга замын талаар санал солилцон, бодлогын зөвлөмж баримт боловсруулснаараа онцлогтой.
Уржигдар 14 цаг 00 мин
20 гишүүн эзгүй байна
УИХ-ын нэгдсэн чуулганы аравдугаар сарын ирцийн нэгдсэн мэдээг Тамгын газраас гаргажээ. Энэ хугацаанд чуулган нийт зургаан удаа хуралдсан аж. Үүнээс Х.Баттулга, Б.Бат-Эрдэнэ, Л.Гантөмөр нар хоёр, С.Амарсайхан нэг л удаа хуралдаа суусан байна. Шадар сайд асан дөрвөн удаа чөлөө авч, үлдсэнд нь тасалжээ. Хуралдаа суудаггүй, ажлаа хийдэггүйгээрээ “алдартай” Х.Баттулга гишүүн дөрвөн хуралдааныг зүгээр л тасалсан байх юм. Харин Л.Гантөмөр гишүүн эрүүл мэндийн шалтгаантай байсан гэнэ.
Уржигдар 13 цаг 30 мин
Монгол хэл, бичгийн шалгалтад 2154 хүн хамрагдаж, 1213 нь тэнцжээ
Өвлийн элсэлтийн шалгалтыг улсын хэмжээнд энэ сарын 4-7-нд зохион байгуулсан. Энэ удаагийн шалгалт өмнөх оны төгсөгчдийг хамруулснаараа онцлог бөгөөд нийт 6813 хүн монгол хэл, бичиг болон элсэлтийн шалгалт өгчээ. Тэдний 2154 нь монгол хэл, бич гийн шалгалт өгснөөс 1213 нь тэнцэв. Шалгалтыг нийслэл болон орон нутагт 28 төвд зохион байгуулсан аж.
Уржигдар 13 цаг 00 мин
Намуудын санхүүжилтийн тайланд олон нийт хяналт тавина
СЕХ-ноос “Улс төрийн намын санхүүжилт, зарцуулалт, хяналт, ил тод байдал, хэрэгжилт” сэдвээр өчигдөр уулзалт зохион байгууллаа. Улс төрийн намын тухай хуулийн хэрэгжилтийн талаар СЕХны Тамгын газрын дарга Д.Бат-Эрдэнэ энэ үеэр танилцуулав. Намууд энэ онд багтаан үндсэн дүрэм, хөтөлбөрөө хуульд нийцүүлэн өөрчилж, Дээд шүүхэд бүртгүүлэх ёстой.
Уржигдар 12 цаг 30 мин
Баянхошуу, Дамбадаржаад агаарын бохирдол хамгийн их байна
Нийслэлийн Сонгинохайрхан дүүргийн Баянхошуу, Сүхбаатар дүүргийн Дамбадаржаа орчимд өчигдөр 13.00 цагийн байдлаар агаарын бохирдол хамгийн их байв. Тодруулбал, Баянхошуунд агаарын чанарын индекс 284, Дамбадаржаад 220 буюу бохирдлын хэмжээ их байгааг заажээ. Харин Хайлаастад агаарын чанарын индекс 117, Яармагт 114, “Таванбуудал”-д 107, “Зуун айл”-д 101 буюу бага бохирдолтой гарсан байна. “Ургах наран”, “Шар хад” орчимд хэвийн бол Богд хааны ордон музей, МҮОНРТ, “Мишээл экспо”, Баруун дөрвөн зам, “Бөхийн өргөө” орчимд агаар цэвэр байв. Түүнчлэн “Ургах наран”, “Шархад”, Налайх орчим хүхэрлэг хий (СO2) нь агаарын чанарын стандарт, MNS 4585:2025-г давсан, бусад цэгт хэвийн гарчээ.
Уржигдар 12 цаг 00 мин
“НӨАТ-ын бүртгэлийн системийг өөрчилснөөр өр багасна”
Иргэн Г.Сараана онлайн дэлгүүрээс өнгөрсөн долоо хоногт 3.8 сая төгрөгийн үнэ бүхий бараа худалдан авчээ. Онлайнаар захиалж, борлуулагчийнх нь дансанд төлбөрөө хийж, хүргэлтээр авсан учраас баримт өгөөгүй. Мөн тэднийх мал, мах борлуулагчаас хоёр сая төгрөгөөр өвлийн идэш худалдан авахдаа төлбөрийн баримт бас аваагүй гэсэн. Харин нөхрийнх нь компани НӨАТ-ын өртэй, дансаа хаалгаж, нээлгэж, татварын асуудалтай байгаа юм. Г.Сараана “НӨАТ-ыг баталгаажуулдаг, баримтжуулдаг зүйл нь и-баримт биз дээ. Гэтэл сүүлийн үед баримт өгөх нь цөөрлөө. Лайв хийж бараа борлуулдаг онлайн дэлгүүрүүд и-баримт огт өгдөггүй.
Уржигдар 11 цаг 00 мин
Дэд сайдын албан тушаалыг сэргээх нь
Ерөнхий сайдаар томилогдсоныхоо дараа Г.Занданшатар “Дэлхийн бүх л оронд дэд сайд ажилладаг, энэ бол улс төрийн албан тушаал. Сайдыг эзгүйд дэд сайд орлох шаардлагатай. Тиймээс УИХ-ын гишүүдтэй зөвшилцөж, сайн судалж байгаад Засгийн газраар хэлэлцэж шийдэх ёстой” хэмээн хэлж байв. Энэ байр сууриа тэрбээр тун удахгүй ажил хэрэг болгох сурагтай.
Уржигдар 10 цаг 30 мин
Төсвийн хөрөнгийг “оршуулсан” барилга, байгууламжуудаа яах вэ
Улсын төсвийн хөрөнгө оруулалтаар хэрэгжүүлэх төсөл, арга хэмжээний төсөвт өртөг болон санхүүжүүлэх дүн жил ирэх тусам нэмэгдэж буй ч хэдэн он дамнаад ч баригдаж дуусдаггүй барилга, байгууламжуудын тоо буурахгүй хэвээр байна. Зөвхөн 2024 онд л гэхэд Монгол Улсын төсвийн тухай хуулиар 2.89 их наяд төгрөгийг барилга байгууламжид зарцуулахаар баталсан бөгөөд үүнийг өмнөх жилтэй нь харьцуулахад 43 хувиар өссөн, 2020 оныхоос даруй 2.7 дахин нэмэгдсэн дүн аж. Сонгуулийн жил өнгөрсөн учраас 2025 оны төсөвт 2.4, ирэх жил 1.57 их наяд төгрөгийг барилга, байгууламжид зарцуулахаар баталсан нь 2020 онтой харьцуулахад 1-2.3 дахин өссөн үзүүлэлт юм. Тухайлбал, Архангай аймгийн Хөгжимт драмын театрын барилга 2012 онд эхлэхдээ анх батлагдсан зураг төсөв нь 7.1 тэрбум төгрөг байсан бол өдгөө гурав дахин нэмэгдэж, 20.9 тэрбумд хүрчээ.
Уржигдар 10 цаг 00 мин
Бодлогын хүүг 12 хэвээр үлдээж, тэтгэврийн зээлийн хэмжээг 36 сар болгов
Монголбанкны Мөнгөний бодлогын хорооны өчигдрийн хурлаар бодлогын хүүг 12 хэвээр хадгалах шийдвэр гаржээ. Эл шийдвэрийг БНХАУ болон АНУ-ын худалдааны татварын бодлого тодорхойгүй хэвээр, эрдэс бүтээгдэхүүний дэлхийн зах зээл дэх үнийн хэлбэлзэл өндөр байгааг харгалзсан гэнэ. Мөн сүүлийн саруудад инфляц аажим өсөн, арваннэгдүгээр сард улсын хэмжээнд 8.2 хувьтай гарсан, цаг агаарын нөхцөл муудах, махны үнэ өсөх, шатахууны нийлүүлэлт тогтворгүй байх зэрэг эрсдэл өндөр байгаа нь нөлөөлсөн аж.
Уржигдар 09 цаг 32 мин
Зай хураагуур дэлбэрсний улмаас 22 хүн амиа алдав
Индонезийн нийслэл Жакарта хотын Кунинган дүүрэгт байрлах “Cyber one” хэмээх оффисын зориулалттай долоон давхар барилгад орон нутгийн цагаар уржигдар 12.30 цагт томоохон хэмжээний дэлбэрэлт болж, 22 хүн амиа алджээ. Урьдчилсан дүгнэлтээр барилгын нэгдүгээр давхарт байрлах дрон үйлдвэрлэдэг “PT terra drone Indonesia” компанийн литиум-ион зай хураагуур дэлбэрсний улмаас гал гарсан байх магадлалтай аж. Үүнтэй холбогдуулан Индонезийн эрх баригчид оффисын болон үйлдвэрийн барилгуудын аюулгүй байдлыг сайжруулах, ялангуяа литиум-ион зай хураагуур хадгалах журам, хяналтыг чангатгах асуудлыг хэлэлцэж эхэлжээ.
2025-12-11
“MongolZ”-ынхон плей-оффт Францын “Vitality” багтай тоглоно
Унгарын Будапешт хотод цахим спортын “CS2” төрлийн энэ оны сүүлийн мэйжор тэмцээн үргэлжилж байна. Эл тэмцээний III шатны тоглолт өндөрлөж, плей-оффт өрсөлдөх найман багийн нэр тодорсон. Ази, Номхон далайн бүс нутгийн төлөөлөл болсон “MongolZ” багийнхан III шатнаас мэйжорыг эхлүүлж, 3-1 гэсэн амжилттай плей-оффт шалгарсан.
2025-12-11
