Австралийн парламентын Төлөөлөгчдийн танхимын дарга айлчилна 

УИХ-ын дарга С.Бямбацогтын урилгаар Авст­ралийн Холбооны Улсын парламентын Төлөө­лөгч­дийн тан­химын дарга Милтон Дик өнөөдрөөс эхлэн хоёр өдөр манай улсад айлчлал хийх нь. Айлчлалын хүрээнд талууд албан ёсны хэлэлцээ хийж, хоёр улсын пар­ламент хоорондын хамтын ажиллагаа болон Монгол, Австралийн харилцааг хөгжүүлэх асуудлаар са­нал солилцоно. Мөн Төлөөлөгчдийн танхимын дар­га Милтон Дик Монгол Улсын Ерөнхий сайд Н.Уч­ралтай уулзаж, хоёр орны хамтын ажиллагааны та­лаар ярилцахаар төлөвлөжээ. 

Энэ нь Австралийн парламентын Төлөөлөгчдийн тан­химын даргын түвшинд Монгол Улсад хийж буй гу­рав дахь айлчлал аж. Манай хоёр улс 1972 онд дип­ломат харилцаа тогтоож, эдүгээ өргөн хүрээний түнш­лэлийн харилцаатай байна.

С.Уул