Үндэсний үйлдвэрлэгч “Грийн групп” эрүүл мэндийг дэмжих бодлогынхоо хүрээнд “1000 дугуйны баяр”-ыг аравдугаар сарын 5-нд зохион байгуулах нь. Тэд уг баярынхаа хүрээнд контент бүтээгч Gremix буюу М.Ганбаяр болон Cami буюу А.Чамин-Эрдэнэтэй хамтрах аж. “Грийн групп” эрүүл бүтээгдэхүүн, идэвхтэй хөдөлгөөнийг дэмжих зорилгоор нэг жилийн хугацаанд 1000 дугуй бэлэглэхээр зорьжээ. Ингэхдээ эхний 222 дугуйны эзнийг уг баярт оролцсон хүүхдүүдээс тодруулахаар бэлтгэж байна. Түүнчлэн баярын үеэр олон төрлийн хөгжөөнт тоглоом зохион байгуулах аж. Мөн дугуйчин Б.Очирвааньтай хамт 100 хүүхдийн дугуйтай үзүүлбэр үзүүлэх юм. “1000 дугуйны баяр”-ыг “Грийн групп” компанийн төв байрны гадна талбайд зохион байгуулна.
Бэлтгэсэн У.Цэцэг
