Борооны ус зайлуулах 15.2 км урт шугам сүлжээ угсрах нь
Геодези, усны барилга, байгууламжийн газраас энэ онд хийхээр төлөвлөсөн ажлуудаа танилцууллаа. Нийслэлийн төсвийн хөрөнгө оруулалтаар нийт 13 байршилд 15.2 км урт авто замын борооны ус зайлуулах шугам сүлжээ угсрах гэнэ. Мөн гурван байршилд он дамжин хэрэгжүүлж буй 3.9 км шугам сүлжээг угсарч дуусгах аж. Түүнчлэн Улаанбаатарт ус хамгийн их тогтдог Наадамчдын замын борооны ус зайлуулах 1.2 км шугамыг өргөтгөн шинэчлэхээр болжээ.
9 цаг 27 мин
Дэлхийн өгөгдлийн удирдлагын албан ёсны салбарыг нээлээ
“DAMA Mongolia chapter”-ынхан “Өгөгдөл бол цахим засгийн суурь, хиймэл оюуны тэжээл, улс орны стратегийн гол нөөц. Гэхдээ их хэмжээний өгөгдөл хуримтлуулах нь туйлын зорилго биш. Хамгийн гол нь тэрхүү өгөгдлийг хэрхэн зөв удирдах, чанарыг яаж хангах вэ гэдэг чухал. Тиймээс салбарын нээлтийн үеэр “DAMA Internation-al”-тэй энэ чиглэлээр хамтран ажиллах санамж бичиг байгуулсан
9 цаг 57 мин
Унших соёлыг өвлүүлэгч, дэлгэрүүлэгч цэцэрлэгүүдийг шалгаруулав
Боловсролын сайд П.Наранбаяр “Хүүхдийг номтой нөхөрлүүлэхэд томчуудын үүрэг, оролцоо их. Ялангуяа аавууд ажлаасаа орой ирээд хүүхдэдээ ном уншиж өгдөг байвал гэр бүлийн уур амьсгал халуун дулаан болж, нандин харилцаа бэхэждэг. Цаашлаад ээж, аав нар хүүхэдтэйгээ ярилцахдаа аль болох сул үг хэрэглэлгүй, сэтгэл хөдлөлөө чөлөөтэй илэрхийлж байвал тэд ч эх хэлээ хурдан сурна. Багаасаа номтой нөхөрлөсөн хүүхдийн хэл ярианы болон төсөөлөн бодох чадвар маш сайн хөгждөг” гэсэн юм.
10 цаг 24 мин
“Authentic Mongolia” тоглолтыг Австри улсад эгшиглүүлнэ
Монголын үндэсний болон сонгодог урлагийн шилдэг уран бүтээлчид Австри улсад аялан тоглолтоо толилуулахад бэлэн болжээ. Эх орноо сурталчлах зорилготой тус баг энэ сарын 17-нд Граз хотын “Minoriten Hall”-д, маргааш нь Линц хотын “Bruck-nerhaus Linz” соёлын төвийн “Middle Hall”-д уран бүтээлээ үзэгчдэд хүргэх юм.
10 цаг 27 мин
Баримал урлаачийн “Салхин мөр” үзэсгэлэнг тольдоорой
Уран бүтээлч Д.Анхбаяр “Салхин мөр” нэртэй бие даасан үзэсгэлэнгээ Г.Занабазарын нэрэмжит Дүрслэх урлагийн музейд нээж, үзэгчдэд уран бүтээлүүдээ өргөн барилаа. Энэхүү үзэсгэлэн нь байгаль, хүний дотоод ертөнцийг уран тансгаар илэрхийлсэн, хүрэл баримлын бүтээлүүдээс бүрдэнэ. Тэдгээр нь хайрын холбоос, эх үндэс, цаг хугацаа болон бодгалийн нэгдлийг уран баримлын хэлээр илэрхийлснээрээ онцлогтой.
10 цаг 43 мин
Түүхээр “тоглож” болохгүйг “Тусгаар тогтнол” харуулав
Үндэсний эрх чөлөөний хувьсгалын 115 жилийн ойд зориулан бүтээсэн “Тусгаар тогтнол” бошиг сахигч уран сайхны кино энэ сарын 6-нд албан ёсоор нээлтээ хийж, үзэгчдийн хүртээл боллоо. Зохиолч Тодко Самсон буюу Т.Мягмартогтохын “Үр хөврөл” зохиолоос сэдэвлэн, найруулагч Б.Тамирын бүтээсэн уг кино нь Кино урлагийг дэмжих сангаас 157.8 сая төгрөгийн санхүүжилт авсан томоохон төсөл юм.
10 цаг 57 мин
Нидерландын түүхэн дэх хамгийн залуу Ерөнхий сайд
Нидерландад дэлхийн II дайнаас хойш анх удаа цөөнхийн, өөрөөр хэлбэл, парламентын олонхгүй төр, засаг бүрэлдэв. Ийм Засгийн газар өнгөрсөн сарын 23-нд үйл ажиллагаагаа албан ёсоор эхлүүллээ. Түүнд “Ардчилагчид-66”, Эрх чөлөө, ардчиллын төлөө баруун төвийн Ардын нам, төвч үзэлтэй “Христийн ардчилсан уриа” гэсэн гурван нам оржээ. Эдгээрээс Эрх чөлөө, ардчиллын төлөө баруун төвийн Ардын нам нь 2010-2023 онд улсдаа хамгийн нэрд гарсан улс төрийн хүчин байв. Энэ эвсэл доод танхимын 150 суудлын 66, дээд танхимд 75 суудлын ердөө 22-ыг нь авсан байна.
11 цаг 27 мин
Хүүхдүүд машин жолоодож яваад осол гарган хүн гэмтээжээ
Сүхбаатар дүүргийн 14 дүгээр хорооны нутаг, Долоон буудлын замд өнгөрсөн бямба гаргийн 07.45 цагийн үед хүүхдүүд машин жолоодож яваад осол гаргажээ. Улмаар тэд ослын газарт автомашинаа орхин зугтсан байна. “Тоёота приус-41” загварын тээврийнхэрэгслийг 17настайУгэх охинжолоодож яваад “Приус-30”-ийг мөргөснөөс жолооч 46 настай П гэдэг эмэгтэй гэмтсэн аж.
11 цаг 57 мин
Эрчим хүчний салбарынхан ажил хаях нь
Эрчим хүчний салбарын 2026-2027 оны хамтын хэлэлцээрийн явцад салбарын ажилтнуудын цалин хөлсийг нэмэгдүүлэх асуудлаар талууд тодорхой тохиролцоонд хүрээгүй тул ажил хаяхад бэлэн хэмээн Монголын эрчим хүч, геологи, уул уурхайн үйлдвэрчний эвлэлийн холбооноос өнгөрсөн баасан гарагт мэдэгдэв. Энэ талаар тус холбооны ерөнхий нарийн бичгийн дарга А.Дагвадорж “Эрчим хүчний салбарын хэлэлцээр байгуулах ажил нэгдүгээр сарын 8-нд эхэлсэн.
12 цаг 27 мин
Ил тод, хяналт сайтай байснаар эрүүл мэндийн даатгалын тогтолцоог сайжруулна гэв
УИХ-ын Хүний хөгжил, нийгмийн бодлогын байнгын хороо Дэлхийн эрүүл мэндийн байгууллагатай хамтран эрүүл мэндийн даатгалын засаглал, тогтолцоо, санхүүжилтийн талаар хэлэлцүүлэг зохион байгуулав. Үүнд УИХ-ын гишүүдээс гадна Дэлхийн эрүүл мэндийн байгууллага, Эрүүл мэндийн яам, Эрүүл мэндийн даатгалын үндэсний зөвлөл, Эрүүл мэндийн даатгалын ерөнхий газрын төлөөлөл оролцсон байна.
12 цаг 57 мин
Г.Занданшатар загнаад төлүүлсэн гэх 1.5 их наядыг “Оюутолгой” руу алдангитай нь буцааж шилжүүлнэ
2026 оны гуравдугаар сарын 11. Лхагва гараг. Засгийн газрын ээлжит хуралдааны дараа ЗГХЭГ-ын дарга С.Бямбацогт “Ерөнхий сайд Г.Занданшатарын хатуу шаардлагад “Рио Тинто” буулт хийж, “Оюу толгой” ХХК-иас татварын акт болох 1.5 их наяд төгрөгийг төрийн дансанд өчигдөр шилжүүлсэн” хэмээн мэдэгдэв. Улмаар, хэвлэл мэдээллийн хэрэгслүүд ч мэдээллийг тэр өдөр болон маргааш нь нэгэн жигд цацлаа.
13 цаг 27 мин
БНХАУ 2035 он гэхэд нэг хүнд ногдох ДНБ-ий хэмжээг 2020 оныхоос хоёр дахин нэмэгдүүлнэ
БНХАУ-аас Монгол Улсад суугаа Онц бөгөөд Бүрэн эрхт Элчин сайд Шэнь Миньжуан тус улсын XV таван жилийн төлөвлөгөө болон Монгол-Хятадын харилцаа, хамтын ажиллагааны талаар өнгөрсөн баасан гарагт мэдээлэл өглөө. Жил бүр уламжлал болгон зохион байгуулдаг Хятадын “Хоёр чуулган” амжилттай болсныг онцолж, тэрбээр энэхүү арга хэмжээ нь тус улсын бодлого, хөгжлийн чиг хандлагыг танин мэдэх, Хятадын боломжийг ашиглах “цонх” болдгийг тодотгов. Мөн өнөө жил Хятадын Коммунист нам (КН) байгуулагдсаны 105 жилийн ой тохиож буй бөгөөд Хятад улс XV таван жилийн төлөвлөгөөгөө хэрэгжүүлж эхлэх хариуцлагатай үедээ ирснийг илтгэлдээ дурдсан юм.
13 цаг 57 мин
Д вирусний эсрэг булевиртид эмийн эмчилгээнд хамрагдахаар 3000 хүн хүлээж байна
Эрүүл мэндийн сайдын 2024 оны А/272 дугаар тушаалын дагуу гепатит Д вирусний халдварын үед булевиртид эмийн эмчилгээг Монголд нэвтрүүлсэн. Өнгөрсөн хоёр жилийн хугацаанд нийт 180 хүнийг эмчилгээнд хамруулсан бөгөөд тэдний төлөөлөлтэйЭрүүлмэндийн сайд болон бусад албаныхан уулзаж, санал бодлыг нь сонсжээ. Өөрөөр хэлбэл, олон улсын эмчилгээний удирдамжид уг эмийг 96 долоо хоног хийхээр баталсан байдаг. Энэ хугацаанд эмчилгээнд хамрагдаад дуусаж буй иргэд болон шинэ хүмүүст дэлгэрэнгүй мэдээлэл өгчээ.
14 цаг 27 мин
Удаан зогсохыг хориглосон газар автомашинаа байрлуулбал шийтгэлийн хуудас наана
Нийслэлийн авто замуудын зорчих хэсгийн нэгдүгээр эгнээнд түр ба удаан зогсох дүрмийг хэрэгжүүлэх зорилгоор шийтгэлийн хуудас нааж эхэлжээ. Тодруулбал, тээврийн хэрэгслээ хориглосон газарт байрлуулсан, зорчих хэсэгт түр болонудаанзогсохжурамзөрчсөнболЗөрчлийнтухай хуулийн дагуу арга хэмжээ тооцож, зөөж тээвэрлэх юм.
15 цаг 27 мин
Фракцын “зодоон”-д сэнсэрсэн хотын улс төр
“Хотын төсөвт асуудал байвал түүнийг баталсан нийслэлийн Иргэдийн Төлөөлөгчдийн Хурал буюу Улаанбаатар хотыг удирдах дээд шатны байгууллагатай ярих хэрэгтэй. Хотын даргатай биш. Нийслэлийн ИТХ ээлжит бус IX хурлаар үнэмлэхүй олонхын саналаар баталсан төсөв шүү. Баянзүрх дүүргийнхэн бүтээн байгуулалтаа хийж, нийслэлд орлого нэмж төвлөрүүлэхдээ анхаарахын оронд албан тушаалд шунасан хувь хүний төлөө жагсах нь буруу.
15 цаг 57 мин
Охид нэгэндээ халдсан хэргийн нэг холбогдогчийг хилээр гарахыг хязгаарлалаа
Өсвөр насны охид нэгнээ зодож, хувцсыг нь тайлж, тохуурхаж байгаа бичлэг олон нийтийн сүлжээнд цацагдсан. Цахилгаан шат, шатны хонгил зэрэг газарт аваачин биед нь халдсан эл хэрэгт ерөнхий боловсролын 21, 130 дугаар сургуулийн 11 дүгээр ангийн 16-17 насны найман хүүхдийг холбогдуулан эрүүгийн хэрэг үүсгэн шалгаж буй аж. Уг хэрэг явдал энэ сарын 6-ны баасан гарагт гарсан нь мөрдөн шалгах ажиллагааны явцад тодорхой болжээ.
16 цаг 27 мин
Хуудуутай Ц.Мөнхтуяа
АН-ын жагсаалтын 16 дугаарт бичигдэн, УИХ-ын гишүүн болсон Ц.Мөнхтуяа хийж, хэрэгжүүлсэн ажлаасаа илүү хэл амаараа олонд танигдсан нэгэн. Парламент дахь хамгийн ёс зүйгүй гишүүдийн манлайд явдаг тэрбээр хараалын үгийг баруун солгойгүй цацаж, бүдүүлэг авираа нийгмийн сүлжээнд гайхуулж суудаг. Өөрийг нь шүүмжилсэн, үнэнийг ярьсан нэгнийг үг хэлээрээ сүрдүүлж, эрх мэдлээрээ далайлгадаг.
16 цаг 57 мин
Төсвийн зарлагыг хэт нэмэхгүй байж, алдагдлыг бууруулахыг зөвлөв
Төсвийн тогтвортой байдлын зөвлөлөөс “Монгол Улсын 2027-2029 оны дунд хугацааны төсвийн хүрээний мэдэгдэл боловсруулахад ашиглах макро эдийн засгийн үндсэн үзүүлэлт, төлөв байдлын таамаглалын тайлан”-гийн үр дүнгийн талаар өнгөрсөн баасан гарагт мэдээлэл хийв. Манай улсын 2025 оны эдийн засгийн дотоод өсөлт ахисан боловч энэ нь дунд хугацаанд тогтвортой үргэлжлэх боломж хязгаарлагдмал байгаа аж.
17 цаг 27 мин
Давсны хэрэглээг багасгах нь бөөрний үйл ажиллагаанд тустай
Жил бүрийн гуравдугаар сарын хоёр дахь долоо хоногийн пүрэв гарагт Бөөр хамгаалах дэлхийн өдөр тохиодог уламжлалтай. Одоогоор дэлхийн 200 гаруй оронд эл өдрийг тэмдэглэж буйн нэг нь манайх юм. Бөөрны архаг өвчин, дутагдал сүүлийн жилүүдэд манайд огцом нэмэгдсэн.
2026-03-13
Нүүдлийн уламжлалт мэдлэг, туршлагыг сурагчдад өвлүүлэх нь
ЮНЕСКО-гийн “Тогтвортой хөгжлийн боловсрол-2030” санаачилгын хүрээнд Монголын нүүдлийн соёл, байгальтай зохицон амьдрах уламжлалт мэдлэгийг орчин үеийн боловсролын системд нэвтрүүлэх төсөл Хэнтий аймагт хэрэгжүүлж эхэлжээ.
2026-03-13
