Өвлийн спортын наадам гурав хоног үргэлжилнэ
Монголчуудын эртний түүхтэй үндэсний уламжлалт спортыг хөгжүүлэх, ёс заншил, соёлын өвийг залууст өвлүүлэх Үндэсний өвлийн спортын наадам энэ сарын 22-25-нд болно. Тус наадмын шигшээ тэмцээнд 21 аймаг, нийслэлийн есөн дүүргийн 600 гаруй тамирчин оролцохоор мэдүүлгээ өгчээ. Энэ тэмцээний төрөлд багтсан мөсөн шагай, мөсөн сурын харваа Хандгайт дахь мөсөн гулгуурын талбай, Цонжин болдог дахь “Уухайн дуу” амралтын баазад өрнөх нь.
2026-01-20
Э.Содномпилжээ түрүүлж, амжилтаа үргэлжлүүллээ
Японы Токио хотод зохион байгуулсан пара пауэрлифтингийн тэмцээний сүүлийн өдөр үндэсний шигшээ багийнхнаас 107 кг-ын жинд Хөдөлмөрийн баатар, гавьяат тамирчин Э.Содномпилжээ цээжнээс 240 кг-ыг шахсанаар алтан медаль хүртлээ. Түүнтэй хамт тус тэмцээнд оролцсон тамирчдаас 59 кг-д Д.Жигмэд дэд байрт шалгарч, 65 кг-д А.Амартайван түрүүлснийг бид өмнө нь мэдээсэн. Монголын баг хүчний спортод энэ оны эхний тэмцээний салхийг хагалж, хошой алт, нэг мөнгөн медальтай өндөрлүүлэв.
2026-01-20
Л.Баярмагнай хүрэл медалийн эзэн болжээ
Монголын пауэрлифтингийн холбооны энэ оны төлөвлөгөөт тэмцээний нэг болох улсын аварга шалгаруулах классик хэвтээ шахалтын найм дахь удаагийн тэмцээнд Зэвсэгт хүчний ангийн байлдагчид оролцож, хүч сорив. Тэднээс 186 дугаар ангийн мотобуудлагын батальоны II ротын байлдагч Л.Баярмагнай -83 кг-ын жинд 115 кг-ыг өргөж, хүрэл медаль зүүлээ.
2026-01-16
Э.Халиунболд шинэ тамирчдаас шилдэг 10-т бичигдлээ
Саудын Араб улсад үргэлжилж буй “Дакар ралли 2026” автомашин, мотоциклын уралдааны найм дахь өдрийн гараанаас гарсан тамирчид 483 км зам туулав. Элсэн манхан ихтэй, цаг агаарын таагүй нөхцөл тамирчин, техникийн аль алиных нь “шандас”-ыг сорьсон. Шуургатай, үзэгдэх орчин хязгаарлагдмал байсан тул олон тамирчин замдаа төөрчээ.
2026-01-15
10, 12 хүртэлх насныхны УАШТ үргэлжилж байна
Монголын хоккейн холбооноос зохион байгуулж буй 2025-2026 оны төлөвлөгөөт тэмцээн болох 10, 12 хүртэлх насныхны Улсын аварга шалгаруулах тэмцээн Чингэлтэй дүүргийн Биеийн тамир, спортын хорооны мөсөн талбайд эхэллээ. 10 хүртэлх насныхнаас “Чингэлтэй баавгайнууд” багийнхан “Багануур”-ынхныг 8:4-өөр хожсон бол МСТ-ынхан “Дархан”-ы тоглогчдыг 18:0-ээр ялж, хэсгийн хоёр дахь хожлоо авав.
2026-01-15
Т.Түвшинтулга зодог тайлж, Ц.Сэрээтэр сүүлийн удаа шүгэл үлээв
Түүнчлэн эрэгтэйчүүдийн 61 кг-ын жинд зодоглодог ДАШТ-ий хүрэл (2018), Ази тивийн хошой хүрэл, Иван Ярыгиний нэрэмжит олон улсын тэмцээний мөнгө, хүрэл медальт, улсын зургаан удаагийн аварга, олон улсын хэмжээний мастер Түмэнбилэгийн Түвшинтулга мөн сүүлчийн удаа УАШТ-д хүч сорьж, чөлөөт бөхийн дэвжээнээ хүндэтгэл үзүүлэн зодог тайллаа. Тэрбээр өнгөрсөн жил дэлхийн чансааны оноо олгох “Улаанбаатар опен” тэмцээнд түрүүлж, тив, дэлхийн тэмцээнд улсаа төлөөлж оролцсон билээ.
2026-01-15
“Улаанбаатар”-ын унаган хүү дэлхийн шилдгүүдийн нэг болов
Дэлхийн олон орны хүүхэд, залуус мөсөнд авиралтаар хичээллэж, үүнийг орчин үеийн трэнд спортын нэг болгон хөгжүүлж байна. Тус спорт нь тамирчдаас хурд, ур чадвар, тэсвэр хатуужлыг шалгахаас гадна нэгнээ хүндэтгэх, харилцан ойлголцох нөхөрлөлийн бэлгэ тэмдэг болдог онцлогтой. Спорт авиралт Азийн наадмын хөтөлбөр болон “Токио-2020” зуны олимпын төрөлд албан ёсоор багтсан билээ. Азиас Монголын баг богино хугацаанд амжилт гаргаж, Европынхны хүчтэй өрсөлдөгч болж, чансаагаараа эн зэрэгцэж эхэлсэн нь олон улсын мэргэжилтнүүдийн анхаарлыг татах болов.
2026-01-13
Сонгомол бөхийн улсын аваргууд тодорчээ
Хүнд жингийн 130 кг-д хүч үздэг бөхчүүдээс “Аваргууд” академийн тамирчин Б.Намбардагва сонгомол бөхийн УАШТ- д анх удаа оролцохдоо түрүү байрын төлөө “Хилчин” спорт хорооны Ч.Алтангэрэлийг илүүрхэж, улсын аваргаар анх удаа шалгарчээ. Япон Улсад сурдаг тэрбээр өмнө нь дэлхийн чансаа олгох “Улаанбаатар опен” тэмцээнд үзүүрлэж байсан аж. УАШТ-ний багийн нийлбэр дүнгээр ОУХМ М.Мөнхсүх дасгалжуулагчтай “Цаст тайга” клубийнхэн 96 оноогоор тэргүүлж, Гавьяат тамирчин Г.Мандах-Наран дасгалжуулагчтай “Aлдар” спорт хорооныхон II, С.Мөнхдуулдах дасгалжуулагчтай Баянхонгор аймгийн “Байдрагийн хүчтэн” дэвжээ III байр эзэллээ.
2026-01-13
Саудын Арабын элсэн цөлд тоос өргөж буй монгол залуус
Гавьяат тамирчин Э.Халиунболд, ОУХМ П.Мөрөн нар удам дамжсан уралдаанч. Тэдний хүүхэд нас, өссөн орчин, тамирчны карьерыг мото спортгүйгээр төсөөлшгүй. Mотоцикл бол тэдний хобби. Хүсэл мөрөөдөлдөө хөтлөгдөж, хөл тавьсан замналынх нь амжилтын нэрийн хуудас. Олон улсын уралдааны талбарт акулуудтай мөр зэрэгцэн өрсөлдөхийг зорьсон хүсэл, он жилүүдийнх нь уйгагүй бэлтгэл сургуулилалт, хөдөлмөр юм. Аль аль нь аавынхаа дуртай спортыг өвлөн үргэлжлүүлж, эрсдэл ихтэй элсэн цөл рүү зориг гарган тэмүүлсэн. Тэд яг одоо Саудын Арабад өрнөж буй алдарт “Дакар ралли-2026”-д дэлхийн шилдгүүдтэй хурд сорьж байна.Элсэн манхан мотоциклтой тамирчдын хувьд хамгийн хэцүү зам. Мөргүй, чиглэл нь байнга өөрчлөгдөнө. Нэг л буруу эргэлт хийвэл хүч, цаг хугацаа, зорилго, хөрөнгө, техник гээд бүхнээ ч алдаж мэднэ.
2026-01-09
Э.Энхсайхан залуучуудын АШТ-ий ганцаарчилсан төрөлд түрүүллээ
“Милан-Кортина 2026” өвлийн олимп эхлэхэд нэг сарын хугацаа үлдлээ. 25 дугаар наадмын биатлоны төрөлд нийт 210 тамирчин (эрэгтэй 105, эмэгтэй 105) өрсөлдөхөөс одоогоор 186 эрхийг улсуудын Үндэсний олимпын хороонд хуваариалжээ. Эрэгтэй, эмэгтэйчүүдийн ангилалд тус бүр 93 эрхийг хуваарилахдаа Oлон улсын биатлоны холбооны 2024-2025 оны улирлын “Дэлхийн цом”-ын цуврал тэмцээнээс тамирчдын цуглуулсан оноог үндэслэсэн. Тодруулбал, “World cup nation cup”-д оролцсон орнуудыг багийн үзүүлэлтээр дараах байдлаар жагсааж, эрх олгосон аж.
2026-01-08
П.Мөрөн, Э.Халиунболд нар “Дакар ралли”-д хурд сорих нь
Мотоциклын тамирчин Тиерри Сабине Ливи улсад 1977 онд болсон уралдааны элсэн цөлд төөрч, азаар амь аврагдахдаа “Дакар ралли”-г зохион байгуулах санааг анх олсон гэдэг. Тэрбээр эсэн мэнд ирснийхээ дараа Францыг зорьж, авто, мото спортынхонтой өөрийн бодлоо хуваалцсанаар дэлхийн шилдгүүдийн хурд сорих дуртай эл ралли эхэлжээ.
2025-12-25
Монголын баг аваргын цом гарджээ
ОХУ-ын Санкт-Петербург хотод зохион байгуулсан “Суворовын цом” олон улсын олс таталтын тэмцээнд Монголоос Зэвсэгт хүчний 032 анги, “Тэс” клубийн Э.Өлзий-Орших дасгалжуулагчтай багийн тамирчид оролцлоо. Манайхан 640 кг-д түрүүлж, 580 кг-д хүрэл медалийн болзол хангав. Харин 680 кг-д III байр эзэлснээр нийлбэр дүнгээр аваргын цом гарджээ. Өмнө нь Малайзын Лангкави аралд өнгөрсөн аравдугаар сарын 24-26-нд болсон Ази тивийн аварга шалгаруулах тэмцээнд “Багануур” ХК-ийн Б.Баттулга дасгалжуулагчтай “Уурхайчин” багийнхан холимог ангиллын 580 кг-ын жинд мөнгөн медаль хүртсэн билээ.
2025-12-25
Мөсөнд авиралтын тамирчид УАШТ-ий салхийг хагална
Холбоодын нэгдсэн УАШТ-ий тэмцээн, уралдаан ирэх оны нэгдүгээр сарын 18-25 хүртэл үргэлжилнэ. Дөрвөн өөр газар зохион байгуулах тэмцээнд оролцох тамирчдын өрсөлдөөнийг үзэгчид харах мөч ойртжээ.Тэмцээний салхийг өвлийн спортын төрлүүдээс мөсөнд авиралтын тамирчид хурд, техникийн төрөлд хагалж, өсвөр нас 14-16, залуучууд 16- 18, насанд хүрэгчид, сонирхогчийн ангилалд өрсөлдөх нь. Маргааш нь (нэгдүгээр сарын 19- нд) спорт авиралтын тэмцээн “National park” хотхон, “Хурд” спорт зааланд хурд, техник, боулдерингийн төрлөөр эхэлнэ. Энэ удаа эрэгтэй, эмэгтэй тамирчдын авирах замын ангилал өөр байх аж. Тиймээс тэмцээний техник, боулдерингийн замыг урьдчилан харахгүйгээр зохион байгуулахаар болжээ.
2025-12-25
О.Уранбаяр “Оны шилдэг цэвэр ялалт” төрөлд нэр дэвшжээ
Олон улсын жүдо бөхийн холбоо 2025 оны шилдгүүдийг тодруулах албан ёсны санал хураалтаа эхлүүлсэн. Ирэх оны нэгдүгээр сарын 15-ныг хүртэл үргэлжлэх олны санал хураалтаар нэр дэвшигчдийг “Оны шилдэг өсөж буй од”, “Оны шилдэг эмэгтэй жүдоч”, “Оны шилдэг эрэгтэй жүдоч”, “Оны шилдэг цэвэр ялалт”, “Дасгалжуулагчийн шилдэг амжилт”, “Шилдэг агшин”, “Энхтайвны төлөөх шилдэг төсөл”, “Жүдо бөхийн хүүхдийн шилдэг төсөл” гэсэн найман төрөлд шалгаруулах юм.
2025-12-24
Хүүхдээ харуулна гэж бодсон хүмүүсийн төлөвлөгөөг нураасан туйванч
Эрчүүд ч зориг гаргаж, тэр бүр хөл тавьдаггүй хүндийг өргөлтийн спортоор эмэгтэй хүн хижээл насандаа хичээллэнэ гэдэг гайхалтай. Маш их тэсвэр тэвчээр гаргаж, дэлхийн үзэгчдэд ур чадвараа харуулан, амжилтаа нэг бус удаа баталсан туйванч бол ОУХМ Ц.Оюунчимэг. Хүн хичээж чадвал хэдэн насандаа ч амжилт гаргаж болдгийг тэрбээр олон залууст болон үеийнхээ нөхдөд өөрийн биеэр үлгэрлэсэн.
2025-12-23
“Степпе Монстерс”-ынхан лигийн тоглолтыг тэргүүлжээ
Монголын хоккейн холбооноос зохион байгуулж буй 20252026 оны лигийн аварга шалгаруулах тэмцээний III тойргийн тоглолт Дархан-Уул аймгийн Шарын гол сумын мөсөн талбайд боллоо. Дөрөв хоног үргэлжилсэн уг тоглолтод “Степпе Монстерс” багийнхан “Шарын гол”-ынхныг 6:2-оор хожиж, гурав дахь хожлоо авснаар нэг ч ялагдалгүй хошуучилж байна. Энэ удаа Орхон аймгийн “Хангарьд” багийнхан “Дархан”ынхныг тоглолтын үндсэн цагт 8:1-ээр буулган авч, мөн гурав дахь хожлоо өөрийнх болгов. Тэгвэл “Шарын гол”ынхон “ Хангарьд”-чуудтай мөсөн талбайд ана мана ширүүхэн өрсөлдсөний эцэст 7:6-аар илүүрхэж, хоёр дахь хожлоо авав. Дараагийн IV тойргийн тоглолт ирэх хоёрдугаар сарын 11-15нд Дархан-Уул аймгийн мөсөн талбайд үргэлжилнэ.
2025-12-22
“MongolZ”-ынхон соёлын элч боллоо
Цахим спортын салбарт тэргүүлэх байр суурь эзэлж, олон улсын тэмцээнд бахдам амжилттай оролцсоор буй “MongolZ” багийнхныг уржигдар соёлын элчээр томиллоо. Ингэснээр тэд соёлын элчээр томилогдсон Монголын анхны спортын баг болсон юм. Тус багийнхан соёлын элчээр ажиллах хугацаандаа уламжлалт өв соёл, түүх, хэл, ахуйг орчин үеийн цахим спорт, дижитал контент, технологийн хөгжлийн чиг хандлагатай уялдуулан гадаад улсад сурталчлан таниулж, Монгол болон бусад улсын соёл, спортын хамтын ажиллагааг өргөжүүлэн хөгжүүлэхэд идэвхтэй ажиллахаа энэ үеэр онцолсон байна.
2025-12-22
