ИЗНН-ын Онц их хурал өнөөдөр болно
ИЗНН-аас УИХ-д сонгогдсон гишүүн Р.Батболд, намын дэд дарга С.Батбаатар тэргүүтэн өчигдөр мэдээлэл хийв. Улс төрийн намууд өнгөрсөн оны арванхоёрдугаар сарын 31-нд үндсэн дүрэм, хөтөлбөрөө хуульд нийцүүлэн боловсруулж, Дээд шүүхэд материалаа өгч, түрүүчээс нь бүртгээд явж буй.
2026-03-09
МАН-ын Бага хурлаар зарим сайдад хариуцлага тооцно
МАН-ын Бага хурал өнөөдөр хуралдахаар болсон. Үүгээр намын дарга Н.Учрал, Ерөнхий сайд Г.Занданшатар тэргүүтэн улс төрийн илтгэл тавьж, Засгийн газрын үйл ажиллагаа, намынхаа мөрийн хөтөлбөрийн хэрэгжилтийг хэлэлцэнэ гэж буй. Тэгвэл үүнээс гадна зарим сайдад хариуцлага тооцож, өөрчлөх асуудлыг ярилцахаар төлөвлөсөн сурагтай.
2026-02-27
СДМЭХ-ны ерөнхийлөгчөөр Д.Үүрийнтуяаг сонголоо
МАН-ын дэргэдэх Социал демократ Монголын эмэгтэйчүүдийн холбоо (СДМЭХ)-ны ээлжит бус их хурал өнгөрсөн бямба гарагт Тусгаар тогтнолын ордонд болж өндөрлөлөө. Хуралд МАН-ын дарга Н.Учрал оролцож, УИХ-ын гишүүн Д.Үүрийнтуяаг СДМЭХ-ны дараагийн ерөнхийлөгчид нэр дэвшүүлсэн юм. Их хурлын нийт 453 төлөөлөгч нууц санал хураалтад оролцож, нэр дэвшигч Д.Үүрийнтуяаг 99.7 хувийн саналаар сонгожээ. Ингэснээр түүнийг тус холбооны ерөнхийлөгчөөр сонгосон тогтоолыг баталсан юм.
2026-02-16
А.Отгонбаатар авах эрхгүй санхүүжилтээс татгалзсан дүр эсгэв
“Үнэн ба зөв” намын дарга А.Отгонбаатар төрөөс олгох санхүүжилтийг авахаас татгалзаж буйгаа мэдэгдсэн бичгийг СЕХ-нд илгээсэн тухай цахим хуудсандаа нийтэлжээ. “Улс орны эдийн засаг хүнд, ард түмний амьдрал ядуу байгаа учраас төсвөөс нэг ч төгрөг авахгүй” хэмээн “эх орончийн” дүр үзүүлэх гэж тэрбээр оролдов. Гэтэл үнэндээ тус намынхан төрөөс санхүүжилт авах хуулийн бусад шаардлагыг хангаагүй учраас төсвөөс мөнгө авах эрхгүй юм байна.
2026-02-04
“Нээлттэй, цэгцтэй АН” үндэсний аян эхлүүллээ
АН-аас “Нээлттэй, цэгцтэй Ардчилсан нам” үндэсний аяныг өчигдрөөс эхлүүлж буйгаа зарлалаа. Улс төрийн намын тухай хуульд нийцүүлэн шинэчлэн найруулж, Дээд шүүхээр баталгаажуулсан үндсэн дүрэм, хөтөлбөрийнхөө хүрээнд тус намынхан бүх шатандаа дотоод бүтэц, зохион байгуулалтын өөрчлөлт хийж эхэлж буй нь энэ юм. Тэд хоёрдугаар сарын 1-нээс гуравдугаар сарын 10 хүртэл гишүүдийн бүртгэлээ шинэчилнэ. Үүний тулд AN+ хэмээх гар утасны аппликэйшн зохиожээ. Гишүүд нь үүгээр дамжуулан бүртгэлээ шинэчлэх юм байна.
2026-02-02
О.Цогтгэрэл: Засгийн газрыг огцруулах асуудлыг би өөрийн бланк дээрээ өргөн барина
УИХ дахь Ардчилсан намын бүлгээс өнөөдөр мэдээлэл өглөө. УИХ дахь Ардчилсан намын бүлгийн дарга О.Цогтгэрэл "Өнөөдрийн төрд хамгийн хэрэгтэй байгаа цомхон төрийн бодлогыг баримтлах хэрэгтэй. Манай намын бүлгээс дэд сайдын томилгоог цуцал гэдэг шаардлагыг тавьсан. Хэрэв энэ шаардлагыг биелүүлэхгүй бол УИХ дахь ардчилсан намын бүлгээс засгийн газрыг огцруулах шаардлага хүргүүлэх тухай бид өмнө мэдээлсэн. Сая бүлгийн хурал
2025-12-22
МАН-ынхан намын дарга, үндсэн дүрмээ бүртгүүлэхээр хандав
МАН-ын ерөнхий нарийн бичгийн дарга Я.Содбаатар уржигдар намын даргаар Н.Учрал сонгогдсоныг баталгаажуулах, мөн үндсэн дүрэм, хөтөлбөрөө бүртгүүлэх хүсэлтээ Дээд шүүхэд өгчээ. Тус нам шинэ даргаа сонгож, үндсэн дүрмээ батлах Их хурлыг яг сарын өмнө хийсэн. Гэвч материалаа хүргүүлэхийн тулд ийнхүү удсан байна.
2025-12-19
Т.Доржхандыг ХҮН намын даргаар улираан сонгов
ХҮН намын ээлжит VIII Их хурал бямба гарагт болж, үндсэн дүрмээ хэлэлцжээ. Улс төрийн намын тухай хуулийн дагуу намууд үндсэн дүрэм, хөтөлбөрөө хуульд нийцүүлэн өөрчилж, Дээд шүүхээр батлуулах ёстой. Үүний дагуу тэд дүрмээ хэлэлцэн баталсан байна. Мөн намын дарга, ерөнхий нарийн бичгийн даргын бүрэн эрхийг сунгах, эсэхийг шийдэв. Тус намын Их хурлын төлөөлөгчдийн 91.3 хувийн саналаар УИХ-ын гишүүн, Шадар сайд Т.Доржхандыг ХҮН намын даргаар улираан сонгож, батламжилсан аж. Ийнхүү түүний бүрэн эрхийн хугацааг дөрвөн жилээр сунгасан байна.
2025-12-15
Намуудын холбогдох мэдээллийг нэгтгэн байршуулжээ
Дээд шүүхэд бүртгэлтэй 37 нам манай улсад бий. Тэд энэ сард багтаан үндсэн дүрэм, хөтөлбөр, дотоод зохион байгуулалтаа Улс төрийн намын тухай хуульд нийцүүлэн өөрчилж, Дээд шүүхэд бүртгүүлэх учиртай. Тэгвэл СЕХ-ноос эдгээр намын тухай мэдээллийг нэг дороос харж болох цэсийг www.m-election.mn цахим хуудсандаа нэмжээ. Улс төрийн намуудын дүрэм, хөтөлбөр, үзэл баримтлал, удирдлага, гишүүнчлэлээс эхлээд холбогдох бүх мэдээллийг ийнхүү нэг дороос авдаг болсон байна. Намууд дүрэм, хөтөлбөрөө хуульд нийцүүлэн шинэчилснийг Дээд шүүх бүртгэсэн бол тэр бүрд СЕХ мэдээллийг өөрчлөөд явах гэнэ.
2025-12-10
Ж.Золжаргал ХҮН намын гишүүнчлэлээс түдгэлзэнэ
ХҮН нам парламентад найман гишүүнтэй. Тэдний хоёр нь л тойрогт өрсөлдөж, сонгогчдын саналаар гишүүн болсон, бусад нь намын жагсаалтаар “гарч ирсэн” юм. Тэгвэл тойргоос сонгогдсон хоёр гишүүний нэг болох Ж.Золжаргал ХҮН намын гишүүнчлэлээс гарах хүсэлтээ өгсөн байна.
2025-12-04
Улс төрийн намуудын эрх зүйн орчныг “амилуулсан” гэв
“Улс төрийн намын ил тод байдал” зөвлөгөөнийг өчигдөр СЕХ болон Нээлттэй нийгэм форумаас зохион байгууллаа. Үүгээр Улс төрийн намын тухай хуулийн хэрэгжилт, тулгарч буй асуудал, бусад улсын туршлага, ил тод байдал, санхүүжилт, түүнд тавих олон нийтийн хяналтын талаар хэлэлцэв. Намуудын төлөөлөл, судлаачид, мөн төрийн байгууллагуудаас уг зөвлөгөөнд оролцжээ. Улс төрийн намын эрх зүйн орчны өөрчлөлт, шинэчлэлт, тулгарч буй сорилтын талаар улс төр судлалын доктор Э.Гэрэлт-Од танилцуулсан.
2025-11-25
АН-аас татварын өршөөл үзүүлэх хууль санаачилна
УИХ дахь АН-ын бүлгийн өчигдрийн хуралдаанаар Татварын ерөнхий газрын болон Тамхины хяналтын тухай хуулийн төсөлтэй холбоотой мэдээлэл сонссон байна. Энэ талаар бүлгийн дарга О.Цогтгэрэл, дэд дарга Б.Жаргалан, гишүүн С.Эрдэнэболд нар мэдээлэл хийлээ.
2025-11-25
Н.Учралыг Ж.Энхбаяр, түүнийг М.Бадамсүрэн орлоно
МАН-ын Удирдах зөвлөл өчигдөр цахимаар хуралдаж, Тэргүүн шадар бөгөөд Эдийн засгийн хөгжлийн сайдаар УИХ-ын гишүүн, ХХААХҮ-ийн сайд Ж.Энхбаярыг томилуулах шийдвэр гаргажээ. Уг албан тушаалыг хашиж байсан Н.Учрал УИХ-ын даргаар сонгогдсон учраас ийнхүү өөр хүн томилох гэж буй юм. Харин Ж.Энхбаярын оронд УИХ-ын гишүүн М.Бадамсүрэнг томилох нь. Засгийн газрын гишүүнийг чөлөөлөх, томилох нь Ерөнхий сайдын бүрэн эрх байдаг. Эдгээр улс төрчийг туршлага, чадвартай хэмээн Засгийн газрын тэргүүн үнэлсэн гэнэ.
2025-11-25
МАН бүлэг: УИХ-ын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төслийг дэмжлээ
УИХ дахь МАН-ын бүлгийн өнөөдөр /2024.11.24/-ийн хуралдаанаар Гэр бүлийн тухай хуулийн шинэчилсэн найруулгын төсөл, Гэр бүлийн хэрэг шүүхэд хянан шийдвэрлэх тухай хуулийн төсөл, Тамхины хяналтын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүд болон Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төслийн танилцуулгыг сонсож, УИХ-ын гишүүд гишүүд асуулт асууж, санал хэлж хэлэлцлээ.
2025-11-24
АН-ынхан Үндсэн дүрмээ баталсан байна
АН-ын Үндэсний бодлогын хороо (ҮБХ)-ны хуралдаан өнгөрсөн баасан гарагт Төрийн ордонд болж, Улс төрийн намын тухай шинэчлэн найруулсан хуульд нийцүүлэн үндсэн дүрмийнхээ өөрчлөлтийг баталсан юм. Ийм нэг л асуудал хэлэлцэхээр төлөвлөсөн байжээ. Тус намынхан өмнө нь Их хурлаараа дүрмийн өөрчлөлтөө хэлэлцэн батлаад, Дээд шүүхэд хүргүүлсэн ч 12 заалтыг хуульд нийцүүлэх хэрэгтэй хэмээн буцаасан аж. Тиймээс эл “засвар”-ыг дүрэмдээ хийж, дахин Дээд шүүхэд хүргүүлэхээр болсон байна.
2025-11-24
