“Туулын хурдны зам” төслийг зогсоов 

Засгийн газрын өчигдрийн хуралдаанаар “Туулын хурдны зам” төслийг тодорхой ху­гацаагаар зогсоох шийдвэр гаргалаа. 1.9 их наяд төгрөгийн нийт өртгөөр Туул гол дээгүүр 32 км авто зам, гүүрэн байгууламж барьснаар нийслэлийн түгжрэлийг бууруулна хэмээн хо­тын дарга Х.Нямбаатар тайлбарлаж буй. Ул­маар төслийн гүйцэтгэгч болох БНХАУ-ын “Хаоюань женерал констракшн” ХХК-ийн дансанд 2025 онд нийслэлийн төсвөөс 500 га­руй тэр­бум төгрөгийг шилжүүлсэн. Гэвч уг төслийн байгаль орчны үнэлгээг хангалттай хийгээгүй, түгжрэлийг бууруулах бодит тооцоо байх­гүй хэмээн мэргэжилтнүүд ч мэдэгдэж, иргэд эсэргүүцэн жагссаар сар гаруй хугацаа өнгөрөөд буй юм.

Мөн 300 гаруй иргэн болон эрдэмтэн судлаачаас Засгийн газар, Ерөнхий сайдад хандан энэ төслийг зогсоохыг шаардсан бичиг хүргүүлсэн байна. Тиймээс Ерөнхий сайд иргэдийнхээ шаардлага, санал бодлыг сонсох нь зөв гэж үзжээ. Улмаар “Туулын хурдны зам” төсөлтэй холбоотой олон нийтийн төөрөгдөл, мэдээллийг нэг талд нь гаргах, үнэн зөвийг тогтоож, хуулийн байгууллага шалгаж дуустал түр зогсоох шийдвэр гаргажээ.

Туул голоо аврах хөдөлгөөнд нэгдэж, сар гаруйн турш тууштай тэмцсэн иргэдийн тө­­ лөөлөл болох Х.Уянга, сэтгүүлч О.Ариун­билэг нар уг шийдвэрийн дараа лайв хийж, “33 хо­ногийн турш ар гэрээ орхин тэмцлээ. Засгийн газар иргэдээ сонссонд талархаж байна. Гэхдээ илүү хурдан зогсоох шийдвэр гар­гах байсан юм. Энэ бүхнээс аливаа төсөл, хө­төлбөр хэрэгжүүлэхдээ төрийн холбогдох агент­­ ла­гуудаас санал, зөвшөөрөл авдаггүй, хү­чээр явуулд­гийг ойлгож авлаа. Ойн газар, Туул го­лын хамгаалалтын захиргаа тэр­гүүт­нээс санал авах ёстой байсан. Мөн нийслэлийн ИТХ-ын тө­лөө­лөгчид бол мануухай аж. Нийслэлд шал­галт оруулах ёстойг энэ төсөл ха­­ руул­лаа” гэв.

С.Уул