“Ажлын байрыг хамгаалах, бизнесийн урт хугацааны өсөлтийг дэмжихэд анхаарна”

Улс төр, геополитик, эдийн засгийн өөрч­лөлт бизнесийн орчинд хэрхэн нө­лөөлөх болон хө­рөнгө оруулалтын эрсдэлээ яаж үнэлэн, тогт­вортой өсөлтөө хад­галахыг зорих талаарх асуудлуудыг хөнд­сөн “Business outlook 2027” арга хэм­жээг МҮХАҮТ-аас өчигдөр зохион бай­гуул­лаа. Уг арга хэмжээг нээж, тус танхимын ерөн­хийлөгч Б.Лхагважав улс төр, эдийн засгийн орчин болон улс хоорондын харилцаа бизнесийн хөг­жилд нөлөөлдгийг тэмдэглэн, тогт­вортой байдлыг нь хангахад салбар дундын хамтын ажиллагаа, мэргэжлийн, мэ­дээлэлд тулгуурласан шийд­вэр чухал бо­лохыг онцоллоо. Түүнч­лэн эдийн засаг, бизнесийн тодор­хойгүй нөхцөлд эрс­дэ­лийг үнэлж, санхүүгийн тогтвортой байд­лыг хадгалах, ажлын байрыг хамгаалах, урт хуга­цааны өсөлтийг дэмжих, төр, хувийн хэвшил, санхүүгийн салбарын хам­тын ажиллагааг бэх­жүү­лэх хэрэг­тэй гэдгийг оролцогчид хөндөв. Мөн бизнесийн үйл ажиллагаа, ажлын байр, тогт­вортой өсөлтөд улс төрийн шийдвэр нөлөөл­дөг учраас бизнес эрхлэгчдийн зүгээс бод­лого боловсруулагчдад дуу хоолойгоо хүргүүлж, орчны эрсдэлийг зөв үнэлэх шаард­лагатай хэмээсэн юм. Улмаар бизнес, санхүү, хөрөнгө оруулалтын салбарын төлөөл­лүүд ирэх оны эдийн засгийн төлөв, биз­несийн эрс­дэл, шинэ боломж болон урт хугацааны өсөл­­ тийн стратегийн талаар илтгэл та­нилцуулж, хэлэлцүүлэг өрнүүлэв.

С.Дулам