“10 сайт сэтгүүлчдэд сургалт явуулах нэрээр 200 сая төгрөг хуваан авчээ”

Иргэн Г.Уянга хотын дарга асан Х.Ням­баатарыг сэтгүүлчдийг мөнгөөр ху­дал­дан авч, иргэний нийгмийн хө­дөл­­ гөөний идэвхтнүүдийг зохион бай­гуулалттайгаар харлуулсан хэмээн сэжиглэж байгаагаа илэрхийлэн, холбогдох ба­рим­туудыг цувралаар дэлгэж буй би­лээ. Тэгвэл өчигдөр Туул голыг хамгаалах, “Туулын хурдны зам” төслийг эсэр­гүүцэх хөдөлгөөн өрнүүлж байх үед “Шударга-10” нэртэй 10 сайт нийслэлийн харьяа байгууллагуудаас олон сая төг­рөгийн санхүүжилт авсан ту­хай мэ­дээлэв. Энэ талаар тэрбээр “Хотын дарга асан Х.Нямбаатарын удирд­лагад байсан нийслэлийн 30 агент­лаг, нэгжээс тус 10 сайтын эзэн сан­хүүжилт авсан. Мөн Нийс­лэлийн авто замын түгжрэлийг буу­руулах нэгд­сэн нэгжээс сайт тус бүрд нэг өдөр найман сая төгрөг шил­жүүл­сэн нь “Хатан туулаа аваръя” хө­дөл­гөөний ху­га­цаатай давхцаж байна. Түүнчлэн Нийс­лэлийн нэгдсэн төслийн удирдлагын газраас тус бүр 10 сая төг­рөг олгос­ны дотор Н.Өнөрцэцэгийн “Ган үзэг­тэн” компани багтжээ. Эдгээр хэвлэлээр Туулын хурдны зам нь байгаль орчинд ямар ч эрсдэл учруулахгүй гэсэн мэдээлэл гарсан бөгөөд тэд нийт 108 сая төгрөг авсан баримт бий. Бид өнгөрсөн гуравдугаар сарын 30-нд буюу “Хатан туулаа аваръя” сонсголд оролцож, хотын дарга асан Х.Нямбаатар иргэдийнхээ эс­рэг жагсаж байх үед уг гэрээг яаравчлан байгуулсан. Улмаар дөрөвдүгээр сарын 2-нд сэтгүүлчдэд сургалт явуулах нэрээр дээрх 10 сайт 200 сая төгрөг хувааж ав­сан” гэв.

Мөн “Eguur.mn” сайтын эрхлэгч Ж.Мя­дагбадам Татварын ерөнхий газрын ойролцоо баригдсан шинэ оф­фисын зур­гаан давхрыг бүхэлд нь худалдан авсан гэх мэдээлэл ирснийг онцолжээ. Үүнээс үзвэл түүний эзэмшлийн хө­рөнгө багадаа 3.7 тэрбум төгрөгт хүрэх аж. Мөн Ж.Мядагбадамын Төв аймгийн Алтанбулаг сумд эзэмшдэг газрын хажууд “Zarig.mn” сайтын эрхлэгч Н.Өнөрцэцэг 2000 ам метр талбай эзэмшдэг болохыг дурдлаа. Улмаар Төрийн ордны хойно байрлах, зах зээлийн үнэлгээ нь нэг тэрбум орчим төгрөг бүхий зургаан давхар барилгын нэгдүгээр давхар, Баянзүрх дүүрэг дэх хоёр өрөө байр, Хан-Уул дүүргийн “Gerlug vista” болон “Хан хиллс” хотхон, Зайсанд байртайгаас гадна Бага тойруу дахь МУИС-ийн IV байрны эсрэг та­лын Z64 барилгад захиалга өгсөн байна. Хөдлөх хөрөнгийн хувьд “Land сruiser 300”, “Lexus 600” автомашинтай бөгөөд эд­гээр нь нэг сая ам.доллароос хол давна. Тиймээс уг асуудлыг Цаг­даагийн ерөнхий газар шалгах ёстой. Ерөн­­ хийлөгч У.Хү­рэл­сүх “Zarig.mn” сай­тын эрхлэгч Н.Өнөр­цэцэгт үзүүлсэн уучлалаа цуцлах хэ­рэгтэй” хэмээв.

Э.Сүйлэн