Н.Учралыг Ж.Энхбаяр, түүнийг М.Бадамсүрэн орлоно

МАН-ын Удирдах зөвлөл өчигдөр цахимаар ху­ралдаж, Тэргүүн шадар бөгөөд Эдийн зас­гийн хөгж­лийн сайдаар УИХ-ын гишүүн, ХХААХҮ-ийн сайд Ж.Энхбаярыг томилуулах шийд­вэр гаргажээ. Уг албан тушаалыг хашиж бай­сан Н.Учрал УИХ-ын даргаар сонгогдсон уч­раас ийн­хүү өөр хүн томилох гэж буй юм. Харин Ж.Энхбаярын оронд УИХ-ын гишүүн М.Бадамсүрэнг томи­лох нь. Зас­гийн газрын гишүүнийг чөлөөлөх, то­милох нь Ерөнхий сайдын бүрэн эрх байдаг. Эд­гээр улс төр­чийг туршлага, чадвартай хэмээн Зас­гийн газрын тэргүүн үнэлсэн гэнэ.

Д.Амарбаясгалан өөрийн хүсэлтээр УИХын даргын ажлаас чөлөөлөгдсөнөөс эхлээд УИХ-ын гишүүн Ж.Энхбаярын нэр “суларсан” орон тоо бүрд дуулдаж байсан билээ. Эх­лээд УИХ-ын дар­гад “горилж” байсан бол ийн­хүү Тэргүүн ша­дар бөгөөд Эдийн засгийн хөгж­лийн сайдын ал­бан ту­шаалд “тунаж” буй аж. Удирдах зөвлөлийн дээрх шийдвэрийг МАНын бүлгийн өчигд­рийн ху­ралдаанд та­нил­цуул­сан байна. Мөн энэ до­лоо хо­ногт баг­таан Ерөн­хийлөгчид бо­лон нэгд­сэн чуул­ганд танил­цуулс­наар сайд нар ажил­даа орох нь. Засгийн газ­рын ХЭГ-ын дарга С.Бям­ба­цогт энэ та­лаар “Шаардлагатай бол ээл­жит бус чуул­ган хийж, танилцуулна. Тө­рийн ажил тас­ралт­гүй үр­гэл­жилж, Засгийн газар бүрэн бү­рэл­дэ­хүүнээрээ ажиллах ёстой” гэлээ.

Мөн Монголбанкны Ерөнхийлөгч Б.Лхагва­сүрэн­гийн бүрэн эрхийн хугацаа энэ сарын 22- нд дууссан. Төв банкны тухай хуулийн 26.1-д заасны дагуу УИХ-ын дарга дараа­гийн хү­ний нэ­рийг өр­гөн мэдүүлэх учиртай. Тэгвэл МАНын бүл­гийн өчигдрийн хуралд “Эрдэнэс Монгол” ХХК-ийн гүйцэтгэх захирал С.Наранцог­тыг Мон­голбанкны ерөнхийлөгчөөр томилох санал гаргасныг гишүүд нь дэмжжээ.

С.Уул