Нийслэлд 21-23 хэм дулаан байна
Өнөөдөр Алтайн уулархаг нутгаар хур тунадас орж, ихэнх нутгаар дулаан байна. Нутгийн баруун хэсгээр солигдмол үүлтэй, бусад нутгаар багавтар үүлтэй. Монгол-Алтайн уулсаар бага зэргийн бороо орно. Бусад нутгаар хур тунадас орохгүй.
2022-09-27
Нүүрсний экспорт нэмэгджээ
Есдүгээр сарын 16-22-ны өдрүүдэд өдөрт дунджаар 1,316 автомашин, 402 чингэлэг тээвэр хийгдсэн байна хэмээн УУХҮЯ-наас мэдээллээ. Тодруулбал, хоногийн хугацаанд 1,028.9 мян.тонн нүүрс экспортод гаргасан нь өмнөх оны мөн үеэс 403.2 хувь буюу дөрөв дахин өсжээ.
2022-09-26
Утаажилтын бүсээс 98 иргэний амь насыг авчээ
Нийслэлийн хэмжээнд өнгөрсөн долоо хоногт гал түймрийн 26, аврах ажиллагааны 8 буюу нийт 34 удаагийн дуудлага бүртгэгдсэн байна. Дуудлагын дагуу алба хаагчид шуурхай үүрэг гүйцэтгэж, утаажилтын бүсээс 98 иргэний эрүүл мэнд, амь нас, 1,1 тэрбум төгрөгийн өмч хөрөнгийг авран хамгааллаа.
2022-09-26
Сурвалжилга: Яст мэлхийн хурдтай эрт илрүүлэг
Чингэлтэй дүүргийн VI хорооны “Ижил санаа” өрхийн эмнэлгийн эрт илрүүлгийн үзлэгт хамрагдах цаг 2023 он хүртэл дүүрчээ. Уг хорооны 6565 хүн эрт илрүүлэг үзлэгт хамрагдана гэсэн урьдчилсан тооцоо бий. Энэ жилийн арванхоёрдугаар сар хүртэл 30 хувь буюу 1969 хүнийг хамруулах төлөвлөгөөтэй ажиллаж байгаа гэх. Гэвч өнөөдрийн байдлаар тус өрхийн эмнэлэгт 171 хүүхэд, дүүргийн Эрүүл мэндийн төвд насанд хүрсэн 175, нийт 346 хүн л эрт илрүүлгийн үзлэгт хамрагджээ. Тухайлбал, өрхийн эмнэлгээс өдөрт 1-2 хүнийг Чингэлтэй дүүргийн эрүүл мэндийн төв рүү явуулж эрт илрүүлэг үзлэгт хамруулж буй. Өдөрт 1-2 хүн буюу яст мэлхийн хурдаар дээрх хүмүүсийг хамруулбал хэзээ тус хорооны эрт илрүүлэг дуусах вэ. Тиймээс бид ямар шалтгаанаар ийн удаашралтай байгааг сурвалжлахаар тус дүүргийн Эрүүл мэндийн төвийг зорилоо.
2022-09-23
Самар түүхээр явсан эмэгтэй сураггүй алга болжээ
Төв аймгийн Эрдэнэ сумын Майхан багийн нутаг сумын төвөөс баруун хойд зүгт 180 км-т орших Хүрэн морьтын зоо хэмээх газарт 14 хүн самар түүж явснаас нэг нь сураггүй алга болжээ. Сураггүй болсон тухай дуудлагыг Онцгой байдлын газар есдүгээр сарын 21-ний 09:30 цагт хүлээн авсан байна.
2022-09-23
Дархлаажуулалтын цэгүүдийн байршилууд
Улаанбаатар хотод өнөөдөр коронавирусийн эсрэг дархлаажуулалтын суурин 110 цэгт нийт 110 багийн 452 эмч, ажилтан ажиллана.Та өөрт ойр вакцины аль ч цэгт очиж дархлаажуулалтад хамрагдах боломжтой.
2022-09-23
