“Урт цагаан” худалдаа, үйлчилгээний төвийг Улсын комисс хүлээн авлаа

Чингэлтэй дүүргийн III хороонд байр­лах “Урт цагаан” худалдаа, үйлчил­гээний төвийн хуучин барилгыг 2024 оны арваннэгдүгээр сард нурааж, суу­риндээр нь далд зогсоол бүхий цэцэр­лэгтхүрээлэн, үйл­чилгээний төв бай­гуу­лахаартөлөв­лөсөн. Энэхүү бүтээн байгуу­лалтын хүрээнд 1.3 га талбайг ха­марсан цэ­цэрлэгт хүрээлэнг өнгөрсөн наймдугаар сард ашиглалтад оруулсан байдаг. Тэгвэл өдгөө гурван давхар үйлчил­­гээний төв болон 109 автомашины далд зогсоолын барилга угсралтын ажил дуусаж, Улсын комисс хү­лээн ав­чээ.

Авто зогсоолын хэсэгт хөгжлийн бэрх­шээлтэй иргэдэд зориулсан тус­гай тал­бай, цахилгаан автомашин цэнэглэгч болон сул зогсоолын мэдээлэл өгөх ухаалаг системийг цогцоор нь нэвт­рүүлсэн байна. Мөн зогсоолоосоо үйлчилгээний төв рүү нэвтрэх ца­хилгаан шатыг ч давхар шийджээ. Үйлчилгээний төвд жуулчдад зо­риул­сан мэдээлэл, үйлчилгээ, бэлэг дурс­гал, үндэсний үйлдвэрлэлийн бүтээг­дэхүүний худалдаа болон кофе шоп, зоогийн газрууд үйл ажиллагаа явуулах аж. Архитектурын хувьд орчин үеийн заг­вар шийдлийг үндэсний уламжлалт хээ угалзтай хослуулснаараа онцлог бө­гөөд давхар бүрд ариун цэврийн өрөө зэрэг иргэдийн ая тухыг хангах дэд бүтцийг шийдэж өгснөөрөө онцлог­той гэнэ.

У.Цэцэг