ЖДҮХС-гийнхан зээлдэгчдийнхээ мэдээлллийг Монголбанканд буруу бүртгүүлжээ
ҮАГ-аас ЖДҮХС-гийн 2025 оны санхүүгийн тайлан, төсвийн гүйцэтгэлд аудит хийжээ. Түүгээр нэлээд зөрчил илэрсэн байна. Тухайлбал Монгол банкны зээлийн мэдээллийн санд 1300 зээлдэгчийн 193,597.2 сая төгрөгийн бодит зээлийн үлдэгдэл бүртгэлтэй байгаагаас гэрээний хугацаа дууссан боловч 21 зээлдэгчийн 1,312.7 сая төгрөгийн зээлийг ангиллыг зөрүүтэй нийлүүлсэн байна.
2026-05-29
Гашуунсухайтын төмөр замыг 3 дахин их өртгөөр барьсан “Бодь” 110 сая доллароор нь найрлажээ
Ерөнхий сайд асан Л.Оюун-Эрдэнийн АТГ-т хандахдаа хэлснээр “Бодь интернэйшнл”-ийн урьдчилгаа болгож авсан 110 сая доллар Тавантолгой-Гашуунсухайтын төмөр замын гэрээнд оролцсон хүмүүст очсон. Одоогийн байдлаар УИХ-ын гишүүн асан Т.Аюурсайхан, “Эрдэнэс Тавантолгой”-н захирал асан Б.Ганхуяг, “Тавантолгой төмөр зам”-ын захирал асан Н.Удаанжаргал, ЗГХЭГ-ын дарга Б.Энхбаяр нар 110 сая долларын тодорхой хувийг авсан гэдэг мэдээлэл байгаа. Өөр хэн хэн авсан нь одоогоор тодорхойгүй.
2026-05-29
Эбола вирусний улмаас 204 хүн нас баржээ
Бүгд Найрамдах Ардчилсан Конго Улсад энэ сарын 15-нд эбола вирусний анхны тохиолдол бүртгэгдсэн билээ. Тэгвэл үүнээс хойш өдгөө 204 хүн нас бараад буйг ДЭМБ болон тус улсын Засгийн газраас мэдээллээ. Одоогоор халдварын 900 гаруй сэжигтэй тохиолдол бүртгэгдсэнээс 101-ийнх нь онош батлагдаад байгаа аж. ДЭМБ-ын ерөнхий захирал Тедрос Аданом Гебрейесусийн мэдээлснээр халдварын хяналтыг чангатгах арга хэмжээг идэвхжүүлснээр өвчний илрүүлэг ийн нэмэгдсэн гэв.
2026-05-28
Эмэгтэйчүүдийн манлайллын хөтөлбөрийг таван улсад хэрэгжүүлж байна
“Азийн эмэгтэйчүүдийн манлайллын хөтөлбөр” зургаа дахь удаагийн сургалт Өмнөговь аймагт хоёр өдөр болж, өчигдөр өндөрлөлөө. Хөтөлбөрт зүүн, төв, говийн бүсийн нутгийн өөрөө удирдах байгууллагын төлөөлөгч 25 эмэгтэй оролцсон байна. Эл олон улсын хөтөлбөрт 26 улсын шийдвэр гаргах түвшинд ажиллаж буй манлайлагч эмэгтэйчүүд хамрагджээ.
2026-05-28
Эрэгтэй марафончид VI байрт шалгарав
Хонконгод үргэлжилж буй Азийн залуучуудын 22 дахь удаагийн 20 хүртэлх насныхны хөнгөн атлетикийн тивийн аварга шалгаруулах тэмцээнд Монголын тамирчид шигшээ багийн дасгалжуулагч, МУБИС-ийн биеийн тамирын сургуулийн спортын мэргэжлийн онол, арга зүйн тэнхимийн эрхлэгч Б.Нармандахын удирдлагад өрсөлдөж байна.
2026-05-28
Соёлын өвийг нэмж сүйтгэхээс сэргийлэхийг шаардлаа
Сэлэнгэ аймгийн Орхонтуул сумын Хонгор овоо багийн нутаг, Туул голын зүүн эрэгт орших Өлзийт нуга гэх газарт БНХАУ-ын хөрөнгө оруулалттай “Бронз хиллс” ХХК хууль зөрчин алт олборлож, байгаль орчин болон түүхийн дурсгалт газрыг сүйтгэсэн талаар Рашаант тосгоны малчин Н.Батбаяр, экологич Д.Туяа, иргэн Ц.Сувд-Эрдэнэ нар өчигдөр мэдээлэл хийлээ.
2026-05-28
Марафоны үеэр 21 км-т гүйгчид хамгийн их бэртэж гэмтжээ
“Улаанбаатар марафон-2026” олон улсын гүйлтэд 46 мянга гаруй хүн оролцсон бөгөөд энэ үеэр 21 км-т гүйгчид хамгийн их бэртэж гэмтжээ. Нийслэлийн Эрүүл мэндийн газрын дарга Н.Наранбаатар “Өнөө жил марафонд оролцогчид 30 орчим хувиар нэмэгдсэн тул тусламж, үйлчилгээний багийг өргөжүүлэн ажилласан.
2026-05-28
Саадгүй орчин, хүртээмжтэй үйлчилгээний тухай хуулийн төсөлд санал авч эхэллээ
УИХ-ын гишүүн Ж.Баясгалан, О.Саранчулуун нар Саадгүй орчин, хүртээмжтэй үйлчилгээний тухай анхдагч хуулийн төсөл боловсруулж буй аж. Тэд уг төсөлдөө өчигдрөөс эхлэн олон нийтийн саналыг авахаар УИХ-ын dparliament.mn албан ёсны хуудсанд байршуулсан байна. Эл төслөөр тэд хүн бүр, ялангуяа хөгжлийн бэрхшээлтэй иргэн, ахмад настан, жирэмсэн эх, 0-3 хүртэл насны хүүхдээ асарч буй эцэг, эх, асран хамгаалагч, хөдөлмөрийн чадвараа түр хугацаагаар алдсан хүнд төрийн бүх төрлийн үйлчилгээг саадгүй, хүртээмжтэй хүргэх, таатай амьдрах нөхцөлийг бүрдүүлэхээр зорьжээ.
2026-05-28
“Эрдэнэт үйлдвэр”-ийн албан тушаалтан асан Ж.Ганзориг нарт ял шийтгэлээ
“Эрдэнэт үйлдвэр” ТӨҮГ-ын Худалдан авалт, хангамжийн хэлтсийн орлогч дарга Ж.Ганзориг, мэргэжилтэн М.Жамбал, Н.Гантулга, Н.Ганболд нарт холбогдох хэргийг Орхон аймаг дахь Сум дундын шүүх хэлэлцэн шийдвэрлэлээ. НПГ-аас дээрх хүмүүст эрүүгийн хуулийн 22.1-1 дэх хэсэгт заасан албан тушаалаа урвуулан ашиглаж, аж ахуйн нэгжүүдэд давуу байдал бий болгосон, 22.4-ийн хахууль авсан, 22.10-1-ийн үндэслэлгүй хөрөнгөжсөн гэх заалтын дагуу яллах дүгнэлт үйлдэн шүүхэд шилжүүлснээс хойш хэлэлцэлгүй нэлээд удсаны эцэст өнгөрсөн долоо хоногт гэм буруутай гэж дүгнэн эрүүгийн хариуцлага ногдуулжээ.
2026-05-28
Нас барсан иргэдийн хувьцааг өвлүүлэх ажил ирэх сарын 1-нээс эхэлнэ
Засгийн газрын “Чөлөөлье” санаачилгын хүрээнд “Эрдэнэс Тавантолгой” компанийн иргэдэд эзэмшүүлсэн хувьцаа, түүнд ногдох ашгийг ирэх сарын 1-нээс хууль ёсны өвлөгчид нь шилжүүлэх шийдвэр гарсан. Үүний хүрээнд 2011 оны гуравдугаар сарны 31-нээс хойш нас барсан 130 мянга гаруй хувьцаа эзэмшигчийн үнэт цаас, түүний ногдол ашгийг хууль ёсны өвлөгчид нь өвлөн авах боломж бүрдсэн билээ.
2026-05-28
Хувийн хэвшлийн оролцоог тууштай дэмжих эрх зүйн орчин бүрдүүлнэ гэв
УИХ-ын дарга С.Бямбацогт өчигдөр бизнес эрхлэгчид, баялаг бүтээгчдийн төлөөлөлтэй уулзаж, эдийн засгийн орчин, үйл ажиллагаанд нь тулгамдаж буй асуудал, хууль эрх зүйн орчны талаар санал солилцов. Төрийн оролцоог бууруулж, хувийн хэвшлийг дэмжих бодлогыг тууштай хэрэгжүүлнэ гэдгээ тэрбээр энэ үеэр онцолсон.
2026-05-28
Талбайн усан оргилуур ажиллахгүй хэвээрээ байна
Хотын дарга асан С.Амарсайханы нийслэлийн төсвийн 3.2 тэрбум төгрөгөөр барьсан, 84 м урт, 23.6 метрийн өргөнтэй гэрэлт болон хөгжимт усан оргилуур эдүгээ төв талбайд хаягдан хоцорчээ. Сүхбаатарын талбайн урд хэсэгт буюу Хонхтой цэцэрлэг хүрээлэнгийн 1.6 га талбайд байгуулсан эл хөгжимт усан оргилуур одоо болтол ажиллахгүй хэвээрээ байгаа юм. 2020 оны зургаадугаар сард ашиглалтад оруулснаас хойш ганц, хоёрхон зун алдаг оног ажиллаад ийн “амь тасарсан” билээ.
2026-05-28
Дархан-Уул аймагт спортын хутга шидэлтийн Азийн АШТ болох нь
Спортын хутга шидэлтийн анхдугаар УАШТ “Наран” спортын төвд энэ сарын 29-31-нд болно. Насанд хүрэгчдийн эрэгтэй, эмэгтэйчүүдийн тус бүр таван зай болон өсвөр үе, хөгжлийн бэрхшээлтэй тамирчдын ангилалд өрсөлдөөн өрнөнө. Бие хамгаалах тулааны төрлүүдээс уг спортын онцлог, давуу талыг дотооддоо сурталчлан, түгээн дэлгэрүүлэх, хүүхэд залуусын сонирхож хичээллэх оролцоог нэмэх, тив, дэлхийн тэмцээнд өрсөлдөх тамирчдад боломж олгох зорилгоор зохион байгуулж буй аж.
2026-05-28
БЗС-гийн Д.Гардийг шалгаж дуусжээ
Боловсролын зээлийн сан (БЗС)-гийн Ажлын албаны даргаар ажиллаж байсан Д.Гардид холбогдох хэргийг АТГ-ын Мөрдөн шалгах хэлтсийнхэн шалгаж дуусаад, яллах дүгнэлт үйлдүүлэхээр Нийслэлийн прокурорын газарт хүргүүлжээ. Түүнд холбогдох хэргийг анх 2022 оны наймдугаар сараас шалгаж эхэлсэн бөгөөд гадаадаас зарим шаардлагатай нотлох баримт гаргуулах ёстойгоос шалтгаалан удааширч, дөрвөн жил орчмын дараа ийнхүү прокурорын хяналтад шилжүүлж буй нь энэ.
2026-05-28
С.Ямааранз ахлагчтай “Алдар” спорт хорооны харваачид түрүүлжээ
Нийслэлийн аварга шалгаруулах үндэсний шагайн харвааны тэмцээнд 40 багийн харваачид оролцож, цэц сорив. Насанд хүрэгчдийн ангилалд Монгол Улсын үлэмж дархан мэргэн С.Ямааранз ахлагчтай “Алдар” спорт хороо, “АПУ” ХК-ийн баг улсын аваргаар шалгарч, Монгол Улсын хошой мэргэн З.Банзрагч ахлагчтай “Дөрвөн өсөх”, “Алдар” спорт хорооны харваачид мөнгө, Аймгийн гоц мэргэн А.Ариунгэрэл ахлагчтай “Эхлэл” групп, “Өндөрлөг бүрэг” багийнхан хүрэл медальтай өндөрлүүллээ.
2026-05-28
Cурагчид шатрын хичээлд хамрагдаж байна
Улаанбаатар хотод зохион байгуулж буй Ази тивийн аварга шалгаруулах тэмцээний гурав дахь нь шатрын спортынх. Монголын шатрын холбооны ерөнхийлөгч Г.Занданшатарын санаачилгаар өнөөдөр эхэлж буй эл тэмцээнд 27 орны 240 гаруй тамирчин хөлөг дээр оюун ухаанаа 10 хоног уралдуулах нь. Тивдээ хамгийн өндөр чансаатай тус тэмцээний нээлттэй төрөлд эхний таван байрт орж, эмэгтэйчүүдийн ангилалд аваргаар шалгарвал ирэх жил болох “Дэлхийн цом”-д оролцох эрх авна.
2026-05-28
Г.Болор-Эрдэнэ тивийн аваргаар зургаа, У.Сүрэнжав хоёр дахь удаагаа тодров
Монгол Улсын Ерөнхийлөгчийн ивээл дор нийслэлд долоо хоног зохион байгуулсан олимпын таеквондогийн Азийн АШТ-ий дараа парагийн тулаан үргэлжилсэн. Монголын үндэсний шигшээ багийнхан олимпын төрлөөс нь хоёр хүрэл медаль хүртсэн бол парагийн тамирчид дасгалжуулагч М.Түмэнбаяр, Д.Батнасан нарын удирдлагад оролцож, хошой алтан медальтай өндөрлүүллээ. “М банк” аренад 43 орны 1300 гаруй тамирчны ширүүхэн өрнөсөн тулаанд манайхаас эрэгтэйчүүдийн К44 ангиллын 63кг-ын жинд дэлхийн таван удаагийн аварга, “Парис-2024” паралимпын мөнгөн медальт, Гавьяат тамирчин Г.Болор-Эрдэнэ хагас шигшээд Узбекистаны Кудратжон Хайдаровыг 9:2, 7:6 -гаар ялж, аваргын төлөө өрсөлдсөн.
2026-05-28
