Шигшээ багийнхан ДАШТ-д өрсөлдөх нь
Энэтхэгийн Бхубанесвар хотод зохион байгуулж буй ширээний теннисний 28 дахь удаагийн Ази тивийн аварга шалгаруулах багийн тэмцээнд дасгалжуулагч Б.Цэрэнтогтох, Ким Хён Со нарын удирдлагад Монголын шигшээ багийн эрэгтэй, эмэгтэй тус бүр гурван тамир¬ чин оролцож байна. Эрэгтэйчүүд эхний тоглолтоо Мальдив улсын багтай өрнүүлж 3:1-ээр хожиж, эмэгтэйчүүд Шри-Ланкын багт 0:3-аар ялагдав.
2025-10-16
Өвлийн олимпын үеэр гал зогсоохыг уриаллаа
Италид ирэх жилийн хоёрдугаар сарын 6-нд эхлэх Милано-Кортинагийн өвлийн олимпын наадмын өдрүүдэд дэлхий даяар өрнөж буй зэвсэгт мөргөлдөөнүүдийг зогсоох санаачилга НҮБ-д өргөн барих гэж буйгаа тус улсын Гадаад хэргийн сайд Антонио Таяни мэдэгдэв.
2025-10-16
Монголын шатарчид дэлхийд манлайлсан гайхамшиг
Шатрын дэлхийн аваргын төлөө өрсөлдөх бүс хоорондын тэмцээнд Л.Мягмарсүрэн 1966, Т.Үйтүмэн 1972 оноос оролцож эхэлснээс хойш 60 гаруй жилд Монгол Улсын эрэгтэй 10, эмэгтэй найм, нийт 18 мастер, дэлхийн аварга 18, их мастеруудтай бүгд 56 өрөг тоглосны 10-ыг нь хожиж, 28-нд нь ялагдсан, 11-тэй нь тэнцэн нийтдээ 21 оноо авсан гэх бүрэн бус мэдээ бий. Энэ дүнг тамирчдаар тодотговол Т.Үйтүмэн дөрвөн аваргатай учирч 1.5, С.Хандсүрэн хоёр аваргатай тулалдаж 1.5, Ц.Лхагвасүрэн 0.5, Б.Мөнгөнтуул зургаан их аваргатай 14 өрөг тоглон зургаа хожиж, гурав тэнцсэнээр 7.5 оноо цуглуулж, бусад мастеруудаа хошуучлан манлайлжээ.
2025-10-16
Б.Батсуурь шилдэг тоглогчоор шалгарав
Монголын волейболын шигшээ багийн тамирчин, ОУХМ Б.Батсуурь Энэтхэгийн дээд лигийн шилдэг багуудын нэг “Ahmedabad defenders” багт легионероор нэгдсэн. Тус багийнхныг 2018 онд анх бүрдүүлэн, дээд лигт 2022 онд оролцуулахад хүрэл, 2023 онд алтан медаль хүртэж байв. Дараа жил нь клубүүдийн ДАШТ-д өрсөлдөхдөө VI байр эзэлсэн юм.
2025-10-16
Теннисний ертөнцийг гайхшируулсан Монако тоглогч
АТР-ийн чансааны 204 дүгээр байрт бичигддэгМонакогийн теннисчин Валентин Вашеро БНХАУ-ын Шанхай хотодболсон “Мастерс” ангиллын тэмцээндтүрүүллээ. Ийнхүүтэрбээранхны цомоо шуудтом тэмцээнээс хүртэж чадав. Тэртусмаа АТР цувралын тэмцээндөмнө нь ийм бага чансаатай тамирчин нэгч удаа түрүүлж байгаагүй юм.
2025-10-15
Б.Тэгшбаяр Ази тивийн шилдэг дугуйчнаар тодорчээ
Монголын дугуйн спортын үндэсний шигшээ багийн тамирчдаас “Алдар” орооны тамирчин, залуучуудын дэлхийн аварга, Азийн насанд хүрэгчдийн хошой мөнгө, нэг хүрэл медальт, ОУХМ Б.Тэгшбаяр тивдээ амжилтын чансаагаар 295.93 оноогоор III байрт эрэмбэлэгджээ.
2025-10-15
Гурван тулаанч аваргын төлөө өрсөлдөх нь
Таеквондогийн дэлхийн аварга шалгаруулах 23 дахь удаагийн тэмцээн Италийн Жесоло хотод энэ сарын 13 хүртэл үргэлжилнэ. 84 улсын 1186 тамирчин ур чадвараа сорьж буй дээрх тэмцээнд Монгол Улсын шигшээ баг бүрэн бүрэлдэхүүнээрээ анх удаа оролцож буй юм. Эхний өдрийн тэмцээнд манайхаас гурван тамирчин аваргын төлөө тулалдах нь.
2025-10-11
Дэлхийн дэвжээнд Монголоо таниулсан тулаанч
Б.Алтанчимэг хэмээх насандаа баймгүй хэрсүү, дайчин зантай, зорилгынхоо төлөө зогсолтгүй тэмүүлдэг шавилхан охиныг монголчууд мэддэг болоод хоёр жилийн нүүр үзэж байна. Тэрбээр гаргасан амжилтаараа олонд танигдталаа чимээгүй хөдөлмөрлөсөн. Тэр ч байтугай бокс, олон улсын таеквондо, жиү жицүгээр хичээллэж байгаагаа гэрийнхнээсээ эхэндээ тас нууж, хэдэн сар бэлтгэл хийсний дараа ээждээ хэлэхэд харин ч дуртай дэмжсэн гэдэг.
2025-10-10
“Алтайн барс”-ынхан Юү Кошикаваг эгнээндээ нэгтгэв
Монголын волейболын холбооноос жил бүр зохион байгуулдаг “Үндэсний дээд лиг”-ийн тэмцээн ирэх сарын 3-наас “Аса” аренад өрнөнө. Лигийн тоглолтод баг бүр легионер тамирчидтай оролцдог. Эрэгтэйчүүдийн багаас “Алтайн барс” клубийнхэн Парисын олимпын волейболын тэмцээнд өрсөлдсөн Японы шигшээ багийн тамирчдаас Юү Кошикаваг эгнээндээ нэгтгэв.
2025-10-09
Г.Ган-Орхон Азийн аварга боллоо
Йордан улсын Амман хотод биллиардын спортын нэг төрөл болох хэйболын Азийн аварга шалгаруулах тэмцээнийг энэ сарын 4-7-нд зохион байгуулахад олонулсынхэмжээниймастер(ОУХМ) Н.Дэлгэрхүү, Д.Дамдинжамц, Э.Ариунцэцэг, Г.Ган-Орхон нар улсаа төлөөлж оролцлоо. Эмэгтэйчүүдийн ангилалд “Champions” клубийн тамирчин, улсын аварга Г.Ган-Орхон тус төрөлд тив, дэлхийн медальтнуудыг хожиж тэргүүлсэн Монголын анхны эмэгтэй тоглогч болов.
2025-10-09
Спорт, нөхөрлөл, эв нэгдлийн баяр
Олон улсын хүүхдийн спортын 11 дэх удаагийн наадамд Монгол, ОХУ, БНХАУ-ын 300 гаруй тамирчин оролцлоо. Энэ жил тус тэмцээн БНХАУ-ын ӨМӨЗО-ны Бугат хотноо есдүгээр сарын 23-26-ны хооронд болсон бөгөөд геополитикийн нөхцөл байдал хүнд байгаа хэдий ч Монгол, Орос, Хятадын удирдагчид гурван улсын хүүхэд залуучуудыг спорт, нөхөрлөл, эв нэгдлээр нэгтгэх талаар ихээхэн хүчин чармайлт гаргаж байгааг наадмын зохион байгуулагчид онцоллоо.
2025-10-09
Я.Бэгз УАШТ-ий таван төрөлд түрүүлсэн анхны тамирчин боллоо
Ширээний теннисийн ахмадын улсын аварга шалгаруулах 30 дахь удаагийн тэмцээн өнгөрсөн амралтын өдрүүдэд болж, шилдгүүдээ тодрууллаа. Тус тэмцээний 80- аас дээш насныхны ганцаарчилсан төрөлд оролцсон тамирчдаас Н.Галпүрэв түрүүлж, энэ спортоор тууштай хичээллэвэл хэдэн насандаа ч амжилт гаргах боломжтойг өөрийн биеэр залууст үлгэрлэн харуулав.
2025-10-07
Ширээний теннисний Азийн АШТ-д Монголоос зургаан тамирчин өрсөлдөнө
Ширээний теннисний насанд хүрэгчдийн Ази тивийн аварга шалгаруулах тэмцээн Энэтхэг улсад энэ сарын 11-16-нд болно. 28 дахь удаагийн энэхүү тэмцээнд эрэгтэйчүүдийн ангилалд 24, эмэгтэйчүүдэд 22 орны баг, тамирчид оролцохоо мэдүүлжээ. Харин манай ул¬саас Үндэсний шигшээ багийн дасгалжуулагч Б.Цэрэнтогтох, Ким Хёон Сео нарын удирдлага дор зургаан тамирчин оролцохоор болсон байна.
2025-10-06
Хүндийг өргөлтийн жингийн ангилал нэмэгдэнэ
Олон улсын олимпын хорооны Гүйцэтгэх зөвлөл АНУ-ын Лос Анжелес хотод 2028 онд зохион байгуулах 34 дэх удаагийн зуны олимпын наадамд хүндийг өргөлтийн төрөлд хоёр шинэ жингийн ангилал нэмж баталлаа. Ингэснээр нийтдээ 12 жингийн ангилалд (эрэгтэй, эмэгтэй тус бүр зургаа) тамирчид медалийн төлөө хүч сорино. Хэдийгээр жингийн ангилал нэмэгдсэн ч оролцох тамирчдын тоо өөрчлөгдөхгүй. Хүндийг өргөгч (60 эрэгтэй, 60 эмэгтэй) 120 хүноролцож, нэг жингийн ангилалд 10 тамирчин өрсөлдөх юм.
2025-10-02
Үндэсний шигшээ багийнхан эхний 10 сард 135 медаль хүртээд байна
Монголын үндэсний шигшээ багийн бүрэлдэхүүн спортын 27 (өвөл, зун, паралимп) төрөлд 60 дасгалжуулагчийн удирдлагад нийт 254 тамирчин бэлтгэлээ базааж, тэмцээнд оролцсон. Энэ оны эхний 10 сарын байдлаар тэд олон улсын тэмцээнээс одоогийн байдлаар 135 медаль (34 алт, 36 мөнгө, 65 хүрэл) хүртжээ. Насанд хүрэгчдийн ДАШТ-ээс дөрвөн алт, таван мөнгө, найман хүрэл, өсвөр үеийнхний ДАШТ-ээс нэг алт, хоёр хүрэл, залуучуудын ДАШТ-ээс нэг хүрэл медаль гардсан юм.
2025-10-02
М.Тэлмэн “Дэлхийн цом”-д аваргаллаа
БНСУ-д зохион байгуулсан сонгодог дартсын Дэлхийн цомын тэмцээнд Монголын шигшээ баг 47 улсын тамирчидтай ур чадвараа сорилоо. Таван өдөр үргэлжилсэн тус тэмцээнд өсвөр үеийнхний ангилалд М.Тэлмэн аваргалж, түүхэн ялалтыг багтаа авчирлаа. Тэрбээр алтан медалийн төлөөх шийдвэрлэхтоглолтод ХБНГУ-ын тамирчин Этан Пулхамыг 4:3-аар хожсон юм.
2025-09-30
