“Дэлхийн цирк” 10 дахь удаагаа Монголд айлчилж байна
Тив, дэлхийд алдартай циркийн жүжигчид манай улсад 10 дахь жилдээ айлчлан иржээ. Тэд “Дэлхийн цирк Монголд” эртэй ээлжит тоглолтоо хүргэхэд бэлэн болсон байна. “Монгол циркийн хөгжлийн төв” төрийн бус байгууллагынхан 2013 оноос тив, дэлхийн шилдэг уран бүтээлчдийг урьж, эл тоглолтыг тогтмол зохион байгуулж буй аж. Тоглолт энэ сарын 30-наас эхлэх бөгөөд гурван долоо хоногийн хугацаанд бямба, ням гараг бүр “Степпе арена” мөсөн ордонд үзэгчдийг хүлээн авах нь. “Дэлхийн цирк Монголд” тоглолтод долоон төрлийн үзүүлбэр багтаасан бөгөөд олон улсын 90, Монголын 30 гаруй уран бүтээлч оролцох аж
2024-03-22
УДЭТ-ын зогсоол, орц, гарцыг шийдэхийг шаардлаа
Улсын драмын эрдмийн театр (УДЭТ)-ын уран бүтээлчдийн төлөөлөл нийслэлийн Засаг дарга Х.Нямбаатарт шаардлага хүргүүлж буйгаа өчигдөр мэдээлэв. Тэд шаардлагадаа хэд хэдэн зүйлийг онцолсон байна. Юуны өмнө УДЭТ-ын зогсоолыг шийдэхийг хүсжээ. Тус театрын урд талын авто зогсоолыг өнгөрсөн оны тавдугаар сарын 25-нд хааж, тохижуулах шийдвэрийг тухайн үеийн нийслэлийн Засаг дарга Д.Сумъяабазар гаргаж байв. Гэтэл тохижилтын гэх ажил нь зураг төслөөсөө тэс өөр, нүглийн нүдийг гурилаар хуурсан шинжтэй, стандарт, өнгө үзэмжгүй хэмээн олон нийтийн эсэргүүцэлтэй тулгарсан юм
2024-03-22
"Улаанбаатар марафон”-ы бүртгэл эхэллээ
Монгол Улсад гүйлтийн спортыг хөгжүүлэх, гүйлтээр хичээллэгч, сонирхогч иргэдийн тоог нэмэгдүүлэх, өсвөр, залуу үеийнхэнд бие бялдар, оюун санааны өв тэгш хүмүүжлийг төлөвшүүлэх зорилгоор “Улаанбаатар марафон” олон улсын гүйлтийн тэмцээнийг 2014 оноос уламжлал болгон зохион байгуулсаар ирсэн. Энэ жил тус тэмцээнийг тавдугаар сарын 25-ны бямба гарагт Д.Сүхбаатарын талбайд зохион байгуулна.
2024-03-21
Таксигаар үйлчлүүлэгчдээс түгжрэлийн төлбөр авч байна
“UBcab”-ын таксины үйлчилгээ эрхлэгчид аяллын хугацааны төлбөр тооцон авдаг болжээ. Өөрөөр хэлбэл, үйлчлүүлэгчдээсээ түгжрэлийн төлбөр авдаг болсон байна. Оргил ачааллын дуудлагын үеэр дөрвөн км замыг 49 минутад туулсан нэгэн хэрэглэгч энэ талаар нийгмийн сүлжээнд бичжээ. Түүний бичсэнээс үзвэл “UBcab”-ын жолооч хотын түгжрэлд зарцуулсан цагаа үнэлж, хэрэглэгчээс 5880 төгрөгийг үндсэн төлбөр дээр нэмж авчээ
2024-03-20
Нийслэлд тархаад буй өмхий үнэрийн шалтгаан тодорхойгүй гэв
Харин Төв цэвэрлэх байгууламжийнхан “Манай байгууламжийн үйл ажиллагаа хэвийн байгааг хариуцлагатайгаар хэлье” хэмээлээ. Улаанбаатар хотын Ус сувгийн удирдах газрынхан болохоор “Мэдэхгүй” гэв. Түүнчлэн нийслэлийн Онцгой байдлын газрынхнаас энэ талаар лавлахад “Шар усны үертэй холбоотой байх. Өөр мэдээлэл алга” гэсэн хариулт өгсөн юм. Харамсалтай нь, дээрх байгууллагуудын аль нь ч өмхий үнэрийн шалтгааныг тогтоон, арга хэмжээ авахаа мэдээлсэнгүй. Нийслэлийн иргэд юунаас гарсан нь ч мэдэгдэхгүй бохир агаараар амьсгалсаар байхад албаныхан хэдий болтол тоохгүй орхих вэ.
2024-03-20
“Хашаандаа сайхан амьдаръя”-д 120 өрхийг хамруулна
Өмнөговь аймгийн Байгаль орчин, аялал жуулчлалын газар “Тэрбум мод” үндэсний хөдөлгөөн, орон нутагтаа хэрэгжүүлж буй “Нутгийн хишиг” хөтөлбөрийн хүрээнд “Хашаандаа сайхан амьдаръя” төрийн бус байгууллагатай хамтран мод тарьдаг айл өрхүүдийг урамшуулах зорилготой тэтгэлгийг гурав дахь жилдээ зарлажээ. “Хашаандаа сайхан амьдаръя” тэтгэлэгт энэ жил 120 өрхийг хамруулж, 240 сая төгрөг олгох гэнэ. Тодруулбал, Өмнөговь аймгийн 14 сум, Даланзадгадын 10 багаас тус бүр таван айл шалгаруулж, хоёр сая төгрөгийн дэмжлэг олгохоор болжээ. Тэтгэлэгт хамрагдах хүсэлтэй иргэдийн өргөдлийг өнгөрсөн баасан гаргаас хүлээн авч эхэлсэн бөгөөд ирэх сарын 19 хүртэл бүртгэх нь. Гол шалгуур нь хашаандаа, амьдарч буй орчиндоо мод, бут тарьсан, ногоон байгууламжтай, цаашид энэ ажлаа өргөжүүлэх хүсэлтэй байх гэнэ.
2024-03-19
Халтар хотоо хэн цэвэрлэх вэ
Нийслэлийн өнгө үзэмж гэдэг нь зөвхөн харагдах байдал төдий зүйл биш. Амьдрах орчны аюулгүй байдлыг ч үүнд хамруулдаг. Гэтэл бидний амьдарч буй орчин маш их бохирдолтой байна. Ийм байдлыг өөрчилж, ядаж л хотоо цэвэр цэмцгэр байлгахыг иргэд байнга шаарддаг ч биелүүлдэг албан тушаалтан байдаггүй. Үүний улмаас хот улам навсайх боллоо.
2024-03-19
Лхагва гарагт хууль, эрх зүйн зөвлөгөө үнэ төлбөргүй өгнө
НЗДТГ, Монголын Хуульчдын холбоотой хамтран сар бүрийн 3 дахь долоо хоногийн лхагва гарагт иргэдэд хууль, эрх зүйн үнэ төлбөргүй зөвлөгөө өгөх өдөрлөгийг зохион байгуулдаг. Энэ сарын өдөрлөг гуравдугаар сарын 20-ны лхагва гарагт 09:00-17:00 цагийн хооронд Нийслэлийн Үйлчилгээний нэгдэн төвийн Дүнжингарав, Драгон, Мишээл, Сэлбэ, Баянгол, Баянхошуу салбаруудад болно. Мөн 75050801, 75050802, 75050803, 75050804 дугаарын утсаар зөвлөгөө мэдээлэл өгөх юм.
2024-03-18
Метроны зөвлөх үйлчилгээний тендерт 20 компани оролцож, саналаа ирүүлжээ
Нийслэл Улаанбаатар хотод их багтаамжийн нийтийн тээврийн хэрэгсэл буюу метро барих төслийн зөвлөх үйлчилгээ үзүүлэх олон улсын нээлттэй тендерийн шалгаруулалтыг хоёр үе шаттай зохион байгуулж буй. Энэ хүрээнд Нийслэлийн Худалдан авах ажиллагааны газраас 2024 оны хоёрдугаар сарын 29-ний өдөр НХААГ/20240103208 дугаартай нэгдүгээр үе шатны шалгаруулалтыг зарласан.
2024-03-18
