Өчигдрөөс илүү маргаашийг
бүтээхийн төлөө

Нийгэм

Цэц найман сарын дараа их суудлын хуралдаан товлолоо

Цэцийн 05 дугаартай эл дүгнэлтийг УИХ дараа сард нь хэлэлцээд, хүлээн зөвшөөрөөгүй . Иймд дээрх зохицуулалтуудыг тусгасан УИХ-ын хяналт шалгалтын, үндсэн хуулийн цэцийн болон УИХ-ын чуулганы хуралдааны дэгийн тухай хууль үндсэн хууль зөрчсөн, эсэхийг Цэц их суудлын хуралдаанаараа эцэслэх ёстой байв.  Тэгвэл эл хуралдааныг үндсэн хуулийн цэц найман сарын дараа товлож, энэ сарын 26-нд хийхээр болжээ. Энэ хугацаанд Л.Өлзийсайхан, О.Мөнхсайхан, Э.Энхтуяа, Ц.Цолмон, Б.Болдбаатар, Р.Батрагчаа нарын зургаан гишүүнийг Цэцэд нэр дэвшигчийн сонсголгүйгээр томилоод байна.
41 мин

Туркийн аялал жуулчлалын нэг ч компанид ямар ч зөвшөөрөл олгоогүй

Цахим орчинд Туркийн иргэн ховор амьтан агнасан гэх мэдээлэл гарсан. Үүнд Байгаль орчин аялал жуулчлалын яамнаас тайлбар мэдээлэл өглөө. Тус мэдээлэлд...
56 мин

Нийслэлийн хэмжээнд энэ хавар 471.292 мод тарьжээ

Улаанбаатар хотын хэмжээнд хаврын мод тариалалтаар шилмүүст болон навчит төрлийн 12 зүйлийн 471 292 мод тариад буйг нийслэлийн Байгаль орчны газраас өчигдөр мэдээлэв. “Бүх нийтийн мод тарих өдөр”-өөр л гэхэд 59 846 үрсэлгээ суулгасан байна. Тухайлбал, Баянзүрх дүүргийн 28 дугаар хороо “IGM” цэцэрлэгт хүрээлэнд 12 995, Түргэний гол дагуух “Ногоон хэрэм” зурваст 6000 мод тарьжээ. “Шинэ Налайх цэцэрлэгт хүрээлэн”-д 14 811, “Баянгол цэцэрлэгт хүрээлэн”-д 5574, “Инчон мөрөөдлийн төгөл”-д 12 000-ыг тарьж, арчилж буй гэнэ. Мөн нийтийн эзэмшлийн 41 410 ам метр талбайг зүлэгжүүлжээ. Харин 110 125 ам метр талбайд цэцгийн мандал байгуулсан аж.
1 цаг 11 мин

 Хүрэл зэвсгийн үеийн олдвор худалдахыг завдсан хүмүүсийг шүүхэд шилжүүллээ

 Монголын нүүдлийн соёл иргэншил бүрэлдэн тогтох буюу хүрэл зэвсгийн үе (НТӨ-III-I мянган)-д хамаарах эд зүйлийг олж, худалдахыг завдсан хэрэгт Чингэлтэй дүүргийн Прокурорын газраас яллах дүгнэлт үйлдэн тус дүүргийн Эрүүгийн хэргийн анхан шатны шүүхэд шилжүүллээ. Иргэн Э.Цэрэнтогтох Завхан аймгийн нутаг дэвсгэрээс металл хайгч багаж ашиглан хүрэл хутга олсон аж. Улмаар нийслэлд авчран иргэн С.Төгсбаяр, Т.Гантулга нартай хамтарч бусдад худалдахыг завдсан гэнэ. ЭЦА-ны Түүх, соёлын дурсгалт зүйлийн хууль бус эргэлттэй тэмцэх тасагт тэднийг шалгаад Эрүүгийн хуулийн 25.4-1-ийн хууль бусаар археологи, палеонтологийн хайгуул, малтлага хийсэн, 25.5-1 дэх хэсгийн соёлын биет өвийн хууль бус худалдааг зохион байгуулж, зуучилсан гэх заалтын дагуу яллагдагчаар тооцон гэм буруутай, эсэхийг нь дэнслүүлэхээр дээрх шүүхэд хүргүүлээд байна.
2 цаг 41 мин

 “Тэнүүн-Огоо”-гийн А.Ганхуяг шүүгч нарын эсрэг гомдол гаргав

 “Ногоон автобус” гэх тодотголтой, нийслэлийн нийтийн тээвэрт хуучин автобус худалдан авч хүлээлгэн өгсөн хэргийг зохион байгуулагч, гүйцэтгэгч хэмээн яллагдагчаар татагдан шүүхээр гэм буруутай, эсэхээ дэнслүүлэх гэж буй “Тэнүүн-Огоо” ХХК-ийн ерөнхий захирал А.Ганхуяг Шүүхийн сахилгын хороонд гомдол гаргажээ. Тэрбээр Чингэлтэй дүүргийн Эрүүгийн хэргийн анхан шатны шүүхийн ерөнхий шүүгч Б.Халиун, шүүгч Д.Сувд-Эрдэнэ, С.Батжаргал нарын эсрэг зарга мэдүүлсэн юм байна. Бидний авсан мэдээллээр А.Ганхуягийг шүүгчийн захирамжаар цагдан хорьж, батлан даалтад гаргахаас татгалзсан учраас Сахилгын хороонд хандсан гэнэ. Түүний гомдлыг Шүүхийн сахилгын хорооны гишүүн С.Энхтөр хянаад шүүгч Б.Халиун, Д.Сувд-Эрдэнэ, С.Батжаргал нарын эсрэг мэдүүлсэн гомдлыг хэрэгсэхгүй болгох санал гаргасныг өчигдөр хуралдаанаар хэлэлцэв. Улмаар уг саналыг нь хүлээн авч шийдвэрлэжээ.
3 цаг 11 мин

“Хөгжлийн бэрхшээлтэй иргэдийн хөдөлмөр эрхлэлтийг дэмжих төв”-тэй боллоо

“Хөгжлийн бэрхшээлтэй иргэдийн хөдөлмөр эрхлэлтийг дэмжих төв”-тэй боллоо
3 цаг 13 мин

21 аймагт Шуурхай штаб байгуулаад байна

Үүргийн хэрэгжилтийн хүрээнд аймгийн Засаг даргын захирамжаар холбогдох байгууллага, гамшгаас хамгаалах албадын төлөөллөөс бүрдсэн үер усны ослоос урьдчилан сэргийлэх, хариу арга хэмжээг шуурхай зохион байгуулах ажлыг нэгдсэн удирдлага зохицуулалтаар хангаж ажиллах чиг үүрэг бүхий Шуурхай штабыг 21 аймагт байгуулаад байна.
3 цаг 41 мин

Охид, бүсгүйчүүдийг бичлэгээр нь дарамталж байсан Сингапурын иргэний ялыг хэвээр үлдээв

Монгол охид, эмэгтэйчүүдтэй бэлгийн харьцаанд орж байгаа дүрс бичлэгээ нууцаар хийж, түүгээрээ тэднийг заналхийлж байсан, гадаадад биеийг нь үнэлүүлэх зорилгоор худал амлалт өгч, худалдсан байж болзошгүй хэрэгт холбогдуулан Сингапурын иргэн 64 настай Лох Сиен Чи гэх хүнийг 2022 оны есдүгээр сард ЭЦА-ныхан албадан саатуулж шалгаж эхэлсэн билээ. Түүнд холбогдох хэргийг нийслэлийн Эрүүгийн хэргийн давж заалдах шатны шүүх өчигдөр дахин хэлэлцлээ. 
4 цаг 0 мин

Ихэнх нутгаар аадар бороо орно

Өнөөдрөөс ихэнх нутгаар борооших тул болзошгүй үер ус, аянга цахилгаан, мөндөр, нөөлөг салхины аюулаас сэрэмжтэй байхыг анхааруулж байна.
4 цаг 41 мин

Үерт автсан 40 өрхөд гэр олгоно

Завхан аймгийн Улиастай суманд өчигдөр (2024.06.17) түр зуурын хүчтэй аадар бороо орсны улмаас олон айл үерт автсан. Улмаар өнөөдөр  УОК-ын Шуурхай штабыг хуралдуулж, гамшгийн нөхцөл байдлыг үнэлж дүгнэн, шуурхай шийдвэр гаргалаа.
17 цаг 4 мин

ХЭҮК: Хэвлэл мэдээллийн ёс зүйн зарчмаа баримталж, ажиллахыг уриалав

ХЭҮК-оос урилга гаргалаа. Тус уриалгад "Ардчилсан нийгмийн мөн чанар нь иргэд төр засгаа нээлттэй сонгох шударга үйл явц бөгөөд сонгууль нь иргэдийн шууд оролцооны эрхээ эдлэх суурь эрх юм. Засаг төрийг эмхлэн байгуулахад иргэдийн санал, шийдвэрт чөлөөт, бодит мэдээлэл чухал нөлөө үзүүлдэг.
18 цаг 24 мин

Зочид буудлын барилга, байгууламжаас 3385 зөрчил илрүүлжээ

Онцгой байдлын байгууллагаас улсын хэмжээнд “Зочид буудал, дэн буудлын барилга байгууламжид төлөвлөгөөт хяналт шалгалт”-ыг зохион байгуулж, 541 барилга байгууламжийг хамруулан, 3385 зөрчлийг илрүүлж, 684 зөрчил буюу 20.2 хувийг газар дээр нь арилгуулсан.
19 цаг 11 мин

Зургадугаар сар дуустал олон жилийн дунджаас сэрүүн байна

Дэлхийн уур амьсгалын өөрчлөлттэй холбоотойгоор зуны улиралд ердийн борооны давтамжаас илүү гэнэтийн ус ихтэй, аадар борооны давтамж нэмэгдэж байгаатай холбоотойгоор Улаанбаатар хотын зуны улирлын цаг уурын урьдчилсан төлөвийн талаар УЦУОСМХ-ийн Ерөнхий инженер Б.Жаргалангаас тодрууллаа.
19 цаг 31 мин

Байрны В1 давхар руу ус орохоос сэргийлэн хамгаалалт татахыг зөвлөлөө

Өнөөдөр буюу зургадугаар сарын 18-нд Улаанбаатар хот орчмоор үүлшиж, дуу цахилгаантай аадар бороо орно. Салхи баруун өмнөөс хойш эргэж секундэд 5-10 метр, борооны өмнө түр зуур ширүүсэх төлөвтэй байна. Цаг Уур, Орчны Шинжилгээний Газар (ЦУОШГ)-аас өгсөн мэдээллээр зургадугаар сарын хоёрдугаар 10 хоногт огцом халах, гуравдугаар 10 хоногт борооны өмнө хүчтэй нөөлөг салхи салхилж, гэнэтийн дуу цахилгаатай аадар бороо, мөндөр орохоор байгаа юм.
19 цаг 41 мин

Зуны амралтаараа программчлал, инженерчлэлд суралцаарай

Мэдээлэл технологийн үндэсний паркаас “Өсвөрийн сансрын инженер” сургалтыг өнөөдөр эхлүүллээ. Программчлал, инженерчлэлийн суурь ойлголтыг уг сургалтаар дамжуулан хүүхдүүдэд олгох гэнэ. Зохион бүтээгч, инженер эсвэл байгалийн шинжлэх ухааны мэргэжилтэн болох мөрөөдөлтэй хүүхдүүдэд энэхүү сургалт нээлттэй. Бүтээлч сэтгэлгээгээ хөгжүүлж, орчин үеийн технологитой танилцаж, танин мэдэхүйн цар хүрээгээ нэмэгдүүлэх боломжийг хүүхдүүдэд олгохыг Мэдээлэл технологийн үндэсний паркийнхан онцлов. 
21 цаг 11 мин

Хүүхдийн төв номын санд орос хэлний ярианы клуб хичээллэнэ

Хүүхдийн төв номын сангаас орос хэлний ярианы клубыг энэ сарын 20-ноос хичээллүүлж эхлэхээр болжээ. Уг ярианы клубын үйл ажиллагаанд урьдчилан бүртгүүлэхгүйгээр, үнэ төлбөргүй оролцох боломжтой юм. Орос хэлний ярианы клуб нь долоо хоног бүрийн пүрэв гарагт хичээллэх юм байна. Ярилцах сэдэв нь чөлөөтэй бөгөөд өөрийн сонирхсон зүйлсийнхээ талаар бусадтай хуваалцахад нээлттэй гэнэ. Хүн бүрийг заавал ярихыг шаардахгүй агаад ярианы клубийн үйл ажиллагааг сонирхохоор ирэхэд ч нээлттэй байх нь.
21 цаг 41 мин

Улиасны унгирлаа яах вэ

Улиасны унгирал нь 6-7 дугаар сард агаарт дэгддэг. Үүнээс үүдэн нүүр загатнах, нус гоожих, найтаах зэрэг харшлын шинж тэмдэг илэрч буйг иргэд ярьж байна. Улиасны унгирал нь харшил үүсгэдэг эсэх, талаар мэргэжилтнүүдийн байр суурь хуваагдаад буй. “Улиасны унгирал харшил үүсгэгч хүчин зүйл биш. Биед наалдаснаас загатнуулдаг. Тиймээс амны хаалт болон нүдний шил зүүх хэрэгтэй. Агаар хуурайшилттай үед унгирал ихээр тархдаг” хэмээн НЭМҮТ-ийн Орчны эрүүл мэнд, нөлөөллийн үнэлгээний албаны эрдэм шинжилгээний ажилтан О.Оюун-Эрдэнэ мэдээллээ. Харин Улсын нэгдүгээр төв эмнэлгийн Уушиг, харшил судлалын төвийн их эмч Г.Анхболд“Улиасны унгирал нь модлог ургамлын харшлыг үүсгэдэг” гэв. Тиймээс гадуур гарахдаа нүдний шил, амны хаалт хэрэглэх нь чухал аж. 
21 цаг 41 мин

Олон улсын геологийн II аварга шалгаруулна

Олон улсын геологийн II аварга шалгаруулах “ГЕОВЫЗОВ” тэмцээн ирэх есдүгээр сарын 3-13-нд болох нь ээ. ОХУ-ын Бүгд Найрамдах Башкортостан Улсад болох уг тэмцээн орос, англи дээр явагдана. 
22 цаг 26 мин