Өчигдрөөс илүү маргаашийг
бүтээхийн төлөө

Спорт

“Улаанбаатар-2023” Зүүн Азийн наадмын үзмэрийг дэлгэжээ

Манай улс Зүүн Азийн залуучуудын III наадмыг өнгөрсөн жилийн наймдугаар сарын 16-23-нд анх удаа зохион байгуулсан. Улаанбаатарт Зүүн Азийн орнуудын 803 тамирчин, 345 дасгалжуулагч, албаны зочин төлөөлөгчид хөл тавьж, спортын 11 төрлөөр 88 багц медалийн төлөө ур чадвараа сорьсон юм. МҮОХ-ны Олимпын музейд уг наадмын үзмэрийн булан дэлгэжээ. Үүнд наадмын үеэр ашигласан спортын хэрэгсэл, материал, медаль, дурсгалын тэмдэг, медалион зэрэг 20 төрлийн 80 гаруй үзмэр багтсан байна. Ташрамд дурдахад, МҮОХ-ны Олимпын музей нь ажлын цагаар олонд үнэ төлбөргүй үйлчилж буй аж
2024-03-07

Х.Тэргэл шилдгүүдтэй өрсөлдөх нь

Дартсын өсвөр үеийн тамирчдад “JDC аdvanced tour-2024”-т оролцох эрх олгох цуврал 16 тэмцээний эхнийх нь Английн Ковентри хотод өнгөрсөн нэгдүгээр сард болсон. Тус тэмцээнд ур чадвараа сорьсон Монголын дартсын спортын шигшээ баг, “Уужим од” ХХК, “MGL darts” клубийн тамирчин Х.Тэргэл аваргын төлөө эзэн орны тоглогч, хүчтэй өрсөлдөгч болох Оливер Хауганыг нутгийнх нь дэвжээнд 6:3-аар буулган авч, шилдэг 32 тамирчны нэгээр шалгарсан тухай бид өмнө нь мэдээлсэн билээ
2024-03-07

Н.Алтаншагай чансаагаараа шилдэг 10-т жагслаа

Дэлхийн триатлоны холбооноос өвлийн триатлоны чансааг шинэчлэн зарлалаа. Энэ удаа Монголын 11 триатлонч чансаанд багтсанаас Н.Алтаншагай 305.19 оноогоор шилдэг 10-т жагссан байна. Л.Баярцэнгэл (203.16) 15, өвлийн анхдугаар УАШТ-ий алтан медальт Б.Ачбадрах (100) 28, мөнгөн медальт А.Хүслэн (92.5) 29 дүгээр байрт эрэмбэлэгдэв. Түүнчлэн тухайн орны УАШТ-ий эхний таван байрт шалгарсан тамирчин оноо авдаг журмын дагуу Т.Амарсанаа (79.15) 31, Г.Энхнасан (73.21) 33-т бичигдсэн юм
2024-03-07

Ө.Батцэцэг Азийн цомын шигшээ тэмцээнийг шүүв

Олон улсын хөл бөмбөгийн холбоо, Азийн хөл бөмбөгийн холбооны элит ангилалтай шүүгч Ө.Батцэцэг Узбекистан улсын Ташкент хотод энэ сарын 3-16-нд хотод зохион байгуулж буй Азийн хөл бөмбөгийн холбооны эмэгтэйчүүдийн 20 хүртэлх насныхны Азийн цомын шигшээ тэмцээнд томилогдон ажиллахаар болсон юм. Тэгвэл B хэсгийн эхний тэмцээнд тэрбээр БНАСАУ, БНХАУ-ын шигшээ багийн тоглолтод Лаос, Тайланд улсын шүүгчтэй хамт ажиллалаа
2024-03-07

Д.Чарльтон дэлхийн дээд амжилт тогтоов

Шотландын Глазго хотод хөнгөн атлетикийн танхимын ДАШТ үргэлжилж байна. Даваа гарагт болсон 60 м-ийн халхалттай гүйлтэд Багамын Д.Чарльтон 7.65 секундийн амжилт үзүүлсэн. Ингэснээр хэдэн долоо хоногийн өмнө Нью-Йоркт тогтоосон дэлхийн дээд амжилтаа шинэчиллээ. Тэрбээр хоёр жилийн өмнө Сербид болсон ДАШТ-ээс энэ төрөлд мөнгөн медаль хүртэж байсан юм. Түүнчлэн өнөө цагийн супер тулгууртай харайгч М.Дюплантис 6.05 метрийг давсан амжилтаар алтан медаль хүртэв. Тэрбээр өөрийн эзэмшдэг дээд амжилтыг (6.23 метр) давах гурван оролдлого хийсэн ч ахицтай болоогүй аж
2024-03-06

Нууц мэдээлэлтэй компьютер хулгайд алдагджээ

2024 оны зуны олимпын наадмын ложистикийн төлөвлөгөөг агуулсан нөүтбүүк Парист алдагджээ. BFM-ийн мэдээллээс үзвэл“Авиценна” эмнэлгийн удирдлагын ерөнхий нарийн бичгийн дарга эмэгтэйг худалдааны төв ороод ирэх хооронд машинд нь байсан нөүтбүүкийг хулгайч нар авч явсан аж. Уг компьютерт олимпын наадмын үеэр эмнэлгийн ажилтнуудыг нэвтрүүлэх, нүүлгэн шилжүүлэх төлөвлөгөө зэрэг нууц мэдээлэл байжээ
2024-03-06

Гэнэтийн бэлэг барьсан багууд

Энэ улиралд Европын топ лигүүдэд цөөнгүй баг гэнэтийн амжилт үзүүллээ. Улмаар Европын цомын тэмцээнд оролцох эрхийн төлөө өрсөлдөж байна. Дасаагүй байрандаа дээгүүр “жаалж” буй тэдгээр багийг товч танилцуулъя.
2024-03-06

Шатрын олон улсын шүүгчийн сургалт болов

Монголын шатрын холбооны ерөнхийлөгч С.Наранбатын урилгаар Австрали улсаас олон үүгч, Олон улсын шатрын холбооны (ФИДЕ) тусгай хэрэгцээт шатарчдын асуудлыг хариуцсан зөвлөлийн дарга Жэйми Кенмур д хүрэлцэн ирсэн. Тэрбээр Монголын шатрын холбооны шүүгчдийн зөвлөлтэй хамтран шүүгч нарт зориулсан сургалт зохион байгуулсан юм
2024-03-06

Б.Ачбадрах гүйлтийн цанын олон улсын тэмцээнд түрүүллээ

БНСУ-д олон улсын гүйлтийн цанын олон улсын тэмцээн энэ сарын 4-5-нд болж өндөрлөлөө. Тус тэмцээнд дасгалжуулагч Д.Баттулгын удирдлагад оролцсон Монголын цанын үндэсний шигшээ багийнхнаас “Хилчин” спорт хорооны тамирчин, ДАШТ-ий хүрэл медальт, ОУХМ Б.Ачбадрах 15 км-ийн бөөн гараатай сонгомол зайн төрөлд түрүүлжээ. Өнгөрсөн нэгдүгээр сард Солонгост болсон гүйлтийн цанын насанд хүрэгчдийн аварга шалгаруулах тэмцээнд хурд сорихдоо тэрбээр эрэгтэйчүүдийн 15 км-ийн цуваа болон 30 км-ийн бөөн гараатай уралдаанд тус бүр мөнгөн медаль хүртсэн билээ
2024-03-06

 Монголын боксчид Парисын олимпын эрх олгох тэмцээнд оролцож чадсангүй

Үндэсний шигшээ багийнхан дээрх тэмцээнд оролцохын тулд Европт хоёр сар бэлтгэл базаасан. Гэсэн ч тэдний мэдүүлгийг Монголын боксын холбооныхон заасан хугацаанаас хоцроож явуулснаас манай тамирчид оролцож амжихааргүй болжээ. Манай боксчдын хувьд олимпын эрх авах боломжтой хоёр тэмцээний нэг нь энэ байв. Тэдэнд одоо Парист хөл тавих, эсэхийг шийдэх ганц тэмцээн бий. Тайландын Бангкок хотод тавдугаар сарын 23-наас зургаадугаар сарын 3 хүртэл үргэлжлэх уг тэмцээнд улс бүр шилдгүүдээ илгээнэ. Тиймээс манай тамирчид олимпын эрх авах нь амаргүй даваа болох нь. Монголын боксын холбоо одоогоор энэ талаар ямар нэгэн мэдэгдэл хийгээгүй байна.
2024-03-05

“Улаабаатар 2023” Зүүн Азийн залуучуудын наадмын үзмэрийн булан дэлгэгдлээ

Олимпын музейд “Улаанбаатар 2023” Зүүн Азийн Залуучуудын наадмын үеэр ашиглагдсан спортын хэрэгсэл, материал, медаль, дурсгалын тэмдэг, медалион зэрэг 20 төрлийн 80 гаруй үнэт үзмэрүүд нэмэгдсэн.
2024-03-04

Г.Хишигсайхан “Парис 2024” олимпын эрхээ хүртлээ

Дэлхийн алдарт зургаан марафоны нэг, Токиогийн марафон өчигдөр буюу гуравдугаар сарын 3-ны өдөр боллоо. Энэ удаагийн тэмцээнд 37 000 гаруй оролцогчид хамрагдсан бол өндөр зэрэглэлийн, дэлхийн шилдэг 150 тамирчин “Парис 2024” Олимпын эрэгтэй 10, эмэгтэй 10 эрхийн төлөө ур чадвараа сорив.
2024-03-04

Спорт, олимпизмын чиглэлээр БНХАУ-тай хамтран ажиллана

Олон Улсын Олимпын хорооны гишүүн, МҮОХ-ны Ерөнхийлөгч Б. Баттүшиг БНХАУ-ааас Монгол улсад суугаа Онц бөгөөд Бүрэн эрхт Элчин сайд Шэнь Миньжуаньтай уулзаж, хамтын ажиллагааны талаар санал солилцлоо.
2024-03-04

Хөл бөмбөгийн дээд лигт тоглох легионерууд ирлээ

Монголын хөл бөмбөгийн дээд лиг энэ сарын 2-нд эхэлнэ. Тус лигт тоглох легионерууд манайд иржээ. Тухайлбал, олон жил тоглосон туршлагатай тамирчдаас Б.Энхтулга, мөн япон легионер Юши Кавагүчи нар энэ удаа “Төв азарганууд” багийн эгнээнд нэгджээ. Тэгвэл “Брера илч” багт хөл тавьсан шинэ легионер Аото Сайто жигүүрийн байрлалд, аргентин тамирчин Агустин Мациел хагас хамгаалагчаар тоглох нь
2024-03-01

Д.Ганболд лигийн тэмцээний ахмадын ангилалд аварга болжээ

Монголын даамын холбоо, “Мандах” их сургуулийн хамтын ажиллагааны хүрээнд “Мандах лиг” тэмцээнийг жил бүр зохион байгуулдаг уламжлалтай. Энэ удаагийн лигийн тэмцээний ахмадын ангилалд шилдгүүд тодорчээ. Эрэгтэйчүүдийн ангилалд оюунаа сорьсон “Энэрэл” клубийнхнээс Д.Ганболд түрүүлсэн байна. Спортын мастер ангилалд оролцогчдоос Б.Чойсүрэн (“Монгени”), спортын дэд мастер ангилалд Е.Бат-Өлзий (Говьсүмбэр аймгийн “Аваргууд” клуб), I зэрэгтэй даамчдын ангилалд Т.Билэгдэмбэрэл (“Хөлөгт тоглоом”) тэргүүлэв
2024-02-29

Олон улсын кросс уралдааны дүрмийг хэрэгжүүлнэ

“Аваргууд” клубийн нэрэмжит авто спортын УАЗ ангилалд “Мастер кросс-2024” уралдаан боллоо. Тус уралдаанд Гавьяат тамирчин Д.Болдбаатар, ОУХМ Ш.Гомбодорж, Л.Ариунболд тэргүүтэй шилдгүүд хурд сорив. Ширүүхэн өрсөлдөөнд 12 дугаартай, ОУХМ Б.Ган-Од аваргуудыг ардаа орхиж, алтан медаль, цом гардсан. Түүний араас нэхсэн тамирчдаас 93 дугаартай, спортын мастер З.Анхбат удаалж, 35 дугаартай Х.Улам-Өрнөх гурав, 50 дугаартай Э.Батнайрамдал дөрөв, 95 дугаартай Б.Бат-Энэрэл тавдугаар байрт шалгарсан юм
2024-02-29

“Өсөх зоос-Өсөх од” багийнхан тэргүүлж эхлэв

Монголын ширээний теннисний холбооны дээд лигийн 16 дахь удаагийн тэмцээний I тойргийн тоглолт боллоо. Оролцсон багууд хоёр тойрог тоглож, нийлбэр дүнгээр дөрвөн багийн теннисчид шигшээд үлдэж, цааш тоглох эрх авах юм. Эхний тойргийн гурван тоглолтын нийлбэр дүнгээр “Өсөх зоос-Өсөх од” багийнхан гурван хожилтой тэмцээнийг тэргүүлж эхлэв. Харин “Бласт & Тэнгис”, “Төмөрт өргөө”, “Хаан даатгал” багийнхан тус бүр хоёр, “Жем”-ийнхэн нэг хожилтой тоглолтыг үргэлжлүүлж байна
2024-02-29

Азербайжан, Танзани улсын шигшээтэй тоглох нь

Олон улсын хөл бөмбөгийн холбооны зургаан өөр тивийн гишүүн холбоодын шигшээ багийг хооронд нь өрсөлдүүлэх зорилготой “FIFA series” цуврал нөхөрсөг тоглолтыг ирэх сараас эхлүүлнэ. “FIFA series” шинэ төсөл нь 2026 оноос бүрэн хэмжээгээр эхлэх бөгөөд энэ жилийн туршилтын тоглолтуудаа ирэх сарын 18-26-нд Алжир, Азербайжан, Саудын Араб, Шри Ланка улсад зохион байгуулах юм. Уг төслийн хүрээнд Монголын хөл бөмбөгийн үндэсний шигшээ багийнхан Азербайжаны Баку хотод тус улсын шигшээтэй ирэх сарын 22-нд, Танзанийн багийнхантай 25-нд тоглоно. Манайхан өмнө нь Африкийн Маврики, Европын Гүрж улсын шигшээ багтай тоглож байсан. Тэгвэл энэ удаад Азербайжан, Танзанийн тамирчидтай учраа тааран тоглох нь
2024-02-29