Хөрөнгийн зах зээлийн үнэлгээ таван жилд дөрөв дахин өсөв

Өнгөрсөн гуравдугаар улирлын байдлаар манай улсын хө­рөнгийн зах зээлийн үнэл­гээ 13.2 их наяд орчим төгрөгт хүр­сэн нь таван жи­лийн өмнөхөөс дөрөв дахин өссөн дүн болс­ныг Санхүүгийн зохи­цуу­лах хорооноос мэ­дээ­л­лээ. 2020 онд МХБ-ээр 65 тэрбум төгрө­гийн арил­жаа хийж байсан бол өн­гөр­сөн ули­ралд 848 тэрбум төгрөгийн үнийн дүн бү­хий арил­жаа хийсэн байна. Түүнчлэн зөв­хөн хувь­цаа, бонд бус, хө­рөн­гөөр баталгааж­сан үнэт цаас, хадгаламжийн сер­ти­фи­кат, хам­тын сан­хүүжилтийн үйлчил­гээг нэвтрүүлс­нээс 2020-2025 онд 100 гаруй нэр, төрлийн шинэ бү­тээг­дэхүүнийг олон ний­тэд нээл­ттэй са­нал бол­гон, биржийн бус зах зээлд 189 үнэт цаас гаргагчийн 374 өрийн хэ­рэгс­лийг бүрт­гэн, 1.13 их наяд төг­рөгийг татан төв­лө­рүүл­сэн байна. Харин арил­жаа эрхлэх бай­гуул­ла­гын бүрт­гэлээс нийт 224 хувьцаат компанийг сүү­лийн 15 жилд хас­жээ. Үү­нээс 62 ком­пани өөрс­дийн хүсэл­тээр, 82 нь зо­хих шаард­ла­гыг хан­гаа­гүй үндэс­лэ­лээр ха­сагд­сан аж.

Мөн СЗХ-ны тог­тоолоор 78 ком­па­нийг бүрт­гэ­лээс гаргасан бол үүнээс зур­гаа­гийнх нь анх­дагч зах зээ­лийн арилжаа ам­жилт­гүй болсон учраас хассан байна.

С.Дулам