Монгол Улсын их сургуульд их, дээд сургуулиуд хоорондын Орос хэлний XIV олимпиадын ялагчдад шагнал гардуулах ёслол боллоо.
Тус олимпиад нь 2011 оноос хойш Монгол Улсын их сургууль болон Улаанбаатар дахь “Русский Дом”-ын хамтын санаачилгаар уламжлал болгон зохион байгуулагдаж ирсэн бөгөөд өнгөрсөн хугацаанд Монгол Улсад орос хэлийг дэмжин хөгжүүлэх, түгээн дэлгэрүүлэх чухал хэрэг болжээ.
Энэ жил олимпиадад улсын хэмжээнд 11 их, дээд сургуулийн 100 гаруй оюутан оролцож, орос хэлний мэдлэг, хэлний өндөр чадвараа харуулахын зэрэгцээ Оросын соёл, түүх, уламжлалыг гүнзгий сонирхож буйгаа илэрхийлэв.
Олимпиадын ялагчдад Улаанбаатар дахь “Русский Дом”-ын сертификат гардуулсан бөгөөд уг сертификат нь 2027/2028 оны хичээлийн жилд ОХУ-ын Засгийн газрын тэтгэлгийн хүрээнд Оросын их, дээд сургуулиудад суралцах сонгон шалгаруулалтад оролцоход хувь хүний ололт амжилтын үзүүлэлтэд дээд оноо авах боломжийг олгох юм.
Мөн шилдэг оролцогчид Россотрудничество агентлагийн хөтөлбөрүүдэд, тэр дундаа залуу манлайлагчдад зориулан Оросын Холбооны Улстай танилцах аяллыг багтаасан “Шинэ үе” төсөлд хамрагдах боломжтой боллоо.
Арга хэмжээний хүрээнд Монгол Улсын их сургуульд орос хэл судалж буй оюутан, багш нарт сургалт, судалгааны чухал хэрэглэгдэхүүн болох Орос-Монгол хэлний академик их толь бичгийг ёслол төгөлдөр гардуулан өгөв.
Орос-монгол толь бичгүүдийг Монгол Улсад орос хэлийг хөгжүүлэхэд чиглэсэн хүмүүнлэгийн болон боловсролын төслүүдэд идэвхтэй оролцдог Газопровод Союз Восток
компанийн дэмжлэгтэйгээр гардуулсан байна.
