“Тал нутгийн марафон” ирэх сард болно
“Тал нутгийн марафон-2025” арга хэмжээг Хүй долоон худагт 28 дахь удаагаа зохион байгуулах нь. Ирэх сарын 14-д бо¬лох эл марафонд 18-аас дээш насныхан 10 болон 21 км-ийн зайд уралдана.
2025-08-20
“The MongolZ” “BLAST Bounty Fall 2025”-д дэд байрт шалгарав
Бүгд Найрамдах Мальта улсад болж өндөрлөсөн цахим спортын Count¬er-strike 2 (CS2) тоглоомын дэлхийн нэгдүгээр зэрэглэлийн “BLAST bounty fall 2025” тэмцээнд манай орны “The MongolZ” багийн тамирчид дэд байрт шалгарлаа. 500 мянган ам.долларын шагналын сантай тус тэмцээний финалын тоглолтод шалгарахдаа тэд дэлхийн “Counter-strike 2” цахим спортын нэгдүгээрт эрэмбэлэгддэг Францын дийлдэшгүй “Team vitality”-ийг хожсон нь энэ удаагийн онцлох хэсэг байсныг зохион байгуулагчид цохон тэмдэглэж буй. “The MongolZ” багийнхан урьд нь есөн удаа тэдэнтэй учраа таарч тоглохдоо хожиж байгаагүй юм.
2025-08-19
“Tour of Mongolia” уралдааны аваргууд тодорчээ
Говь-Алтайд болсон “Tour of Mongolia” 26 дахь удаагийн тэмцээнд Монголын шилдэг элит, өсвөр үеийн тамирчид зургаан өдрийн турш 603 км замыг баруун дөрвөн аймгаар тойрч хурд сорив. Өсвөр үеийнхний дөрвөн насныхны ангилалд өрсөлдсөн дугуйчдаас Б.Өнөрбаяр, таван насныханд М.Эрхэс, 6-7 насныхад Г.Бат-Орших, 8-9 насныхад Б.Тэмүүжин, 10-12 насныхад Б.Энхсайхан, 13-14 насныхад Б.Санчир түрүүллээ.
2025-08-17
Боксын ДАШТ-д оролцох тамирчдын нэрийг зарлалаа
Британийн Ливерпуль хотод сонирхогчдын боксын насанд хүрэгчдийн эрэгтэй, эмэгтэй¬ чүүдийн ДАШТ-ийг ирэх сарын 4-14-нд зохион байгуулна. Тус тэмцээнд Монголоос үндэсний шигшээ багийн 10 тамирчин дасгалжуулагч Ж.Энхтөр, Ж.Еркин нарын удирдлагад оролцохоор бэлтгэлээ базааж эхэлсэн.
2025-08-17
Монголын дугуйчид чансаагаараа Ази тивд III байрт бичигдэв
Олон улсын дугуйн холбооноос улсуудын чансааг шинэчилснээ танилцуулахад Монгол Улсын эрэгтэйчүүдийн элит баг 921.82 оноогоор дэлхийд 37 дугаар байрт бичигдэв. Азийн орнуудын багуудаас Казахстаны тамирчид хамгийн дээд буюу 1323.99 оноогоор 31-т жагссан бол Япон Улс 1104.99 оноогоор 34-т эрэмбэлэгдэж, өнгөрсөн сарын 22-нд гарсан чансаанд бичигдсэн байраа тус бүр хоёроор ахиуллаа.
2025-08-11
Эмэгтэйчүүд С, эрэгтэйчүүд F хэсэгт тоглоно
Азийн хөл бөмбөгийн холбооноос зохион байгуулдаг 17 хүртэлх насны эмэгтэйчүүдийн тивийн аварга шалгаруулах тэмцээний урьдчилсан шатны тоглолт Мьянмар улсад аравдугаар сарын 9-16 хүртэл үргэлжилнэ. Өмнөд хөршид ирэх жил зохион байгуулах тус тэмцээний С хэсгийн тоглолтын сонгон шалгаруулалтын сугалаа явагдаж, Монгол Улсын баг хэсэгтээ Мьянмар, Индонез, Макаогийн багтай өрсөлдөхөөр болжээ.
2025-08-11
Х.Дөлгөөнсайхан аварга төлөө тулалдана
Сонирхогчийн боксын 19, 22 насныхны Азийн АШТ Тайландын Бангкок хотод найм дахь өдрөө үргэлжилж байна. Энэ сарын 12-нд өндөрлөх тус тэмцээнд Монголын тамирчид Үндэсний шигшээ багийн дасгалжуулагч Т.Ганзориг, А.Бат-Очир, Б.Оюунболд, Д.Баасандорж нарын удирдлагад оролцож буй билээ. Эрэгтэйчүүдээс 22 насныхны ангилалд 55 кг-ын жинд Х.Дөлгөөнсайхан шигшээ наймд Энэтхэгийн тамирчныг буулган авч, 65 кг-д Д.Пүрэвдоржтой тулалдах Саудын Арабын тамирчин жингээр хасагдсан тул ялалтыг нь авав. Хагас шигшээд Х.Дөлгөөнсайхантай Филиппиний боксчин тоглохоор учраа таарсан ч эмчийн магадлагаагаар хасагдсанаар аваргын төлөө тоглохоор шалгарлаа
2025-08-08
Монголын таван шатарчин чансаагаараа эхний 100 байрт багтав
Дэлхийн шатрын холбооноос шинэчилсэн чансааг танилцууллаа. Эл спортоор хичээллэдэг 20 хүртэлх насныхны шилдэг 100 тамирчны чансаанд манай улсын эмэгтэй таван тоглогч багтав. Энэ удаа Олон улсын их мастер Б.Мөнгөнзул 18, Дэлхийн шатрын холбооны мастер Х.Баясгалан 52, Олон улсын их мастер Б.Амин- Эрдэнэ 61, Дэлхийн шатрын холбооны мастер Б.Буянхишиг 71, Дэлхийн шатрын холбооны дэд мастер Э.Эмүжин 91 дүгээр байрт жагссан байна.
2025-08-08
Б.Ачбадрах, Н.Нандинцэцэг нар “Азийн цом”-оос хүрэл медаль хүртлээ
БНСУ-ын Пёнчан хотод энэ сарын 4-6-нд зохион байгуулсан дугуйт цанын насанд хүрэгчдийн “Азийн цом”-ын аварга шалгаруулах олон улсын цуврал тэмцээнд Монголын гүйлтийн цанын шигшээ багийнхан дасгалжуулагч Д.Баттулгын удирдлагад оролцлоо. Эрэгтэйчүүдээс ОУХМ Б.Ачбадрах 15 км-ийн тэшилт техникийн зайн уралдаанд долоон орны 52, эмэгтэйчүүдээс Н.Нандинцэцэг 10 кмийн тэшилттэй зайд 24 тамирчинтай хурд сорьж хүрэл медаль хүртэв.
2025-08-07
Л.Хэмилтон зодог тайлах ёстой
“Феррари” багийн нисгэгч, дэлхийн долоон удаагийн аварга Л.Хэмилтоны талаарх бодлоо “Формула-1” уралдааныг олон жилийн турш удирдаж байсан Б.Экклстоун илэрхийлжээ. “Льюис бол маш авьяаслаг уралдаанч. Тэр үргэлж тийм хэвээрээ байх болно. Гэхдээ оргилд гарсан ихэнх шилдэг тамирчны адилаар түүнд одоо ганц л зам үлдээд байгаа. Одоо уруудах л зам бий. Ийм тамирчид ядардаг. Льюис ч ядарч байгаа.
2025-08-06
Бразил дасгалжуулагч Монголын 23 хүртэлх насныхны багийг удирдана
Монголын хөл бөмбөгийн 23 хүртэлх үндэсний шигшээ багийн ахлах дасгалжуулагчаар Артур Феррейра томилогдон ажиллаж байна. Тэрбээр CONMEBOL-оос бүрэн хүлээн зөвшөөрөгдсөн, Бразилийн хөл бөмбөгийн холбооны про зэрэгтэй, өндөр ур чадвартай, туршлагатай, мэргэжлийн дасгалжуулагч аж.
2025-08-05
Архангай, Сэлэнгэ аймгаас дэлхийн аварга тодорлоо
Мас-рестлингийн (модон барилдаан) өсвөр үе, насанд хүрэгчдийн долоо дахь удаагийн ДАШТ-ийг Архангай аймгийн Цэцэрлэг сумын “Ара комплейкс” цогцолборт өнгөрсөн сарын 31- нээс энэ сарын 2 хүртэл зохион байгууллаа. Тус тэмцээнд 33 улсын 300 гаруй тамирчин өрсөлдөж, олон улсын зэрэглэлтэй гадаад, дотоодын 45 шүүгч ажиллав. Эзэн орны давуу эрхийн дагуу манай улсаас хамгийн олон тамирчин өрсөлдсөн.
2025-08-04
Б.Энхжин Зүүн Aзийн АШТ-ээс иж бүрэн медаль хүртжээ
БНХАУ-ын Фужянь мужийн Фүжөү хотод үргэлжилж буй хүндийн өргөлтийн насанд хүрэгчдийн Зүүн Aзийн АШТ-ээс Монголын баг аваргатай болов. Найман орны баг оролцсон эл тэмцээнд манайхаас 12 тамирчин, дөрвөн дасгалжуулагчийн удирдлагад өрсөлдлөө. Тэмцээний сүүлийн өдөр эмэгтэйчүүдийн 86 кг-ын жинд ОУХМ Б.Энхжин огцом өргөлтөөр 99 кг-ыг өргөж алт, түлхэлтээр 121 кг-ыг өргөн хүрэл, нийлбэр дүнгээр 220 кг-ыг өргөн мөнгөн медаль хүртлээ
2025-08-04
Чөлөөт бөхийн ДАШТ-д оролцох тамирчдын нэр тодорлоо
Хорват улсын Загреб хотод насанд хүрэгчдийн ДАШТ ирэх сарын 13-нд эхэлнэ. Тус хотод ес хоног үргэлжлэх тэмцээнд өрсөлдөх шигшээ багийн тамирчдыг сонгон шалгаруулах сорил барилдааныг зохион байгуулж, жин тус бүрд түрүүлсэн тамирчдад эрх олгов. Эмэгтэйчүүдээс 57 кг- ын жинд Б.Мөнх- Эрдэнэ, 61 кг-д Т.Түвшинтулга, 65 кг-д Б.Гантулга, 70 кг-д Т.Тулга, 74 кг-д Э.Төгсжаргал, 79 кг-д О.Сүлдхүү, 86 кг-д Н.Батбилгүүн, 92 кг-д Т.Дэмчигдорж хүч сорихоор боллоо.
2025-08-01
Ууланд гүйгчид Богдхан уулын зүүн оргил руу уралдах нь
“Хамтдаа алхацгаая” клубээс зохион байгуулдаг уулын гүйлтийн “Хан трэйл” тэмцээн ирэх сарын 16-нд гурав дахь удаагаа болох гэж байна. Тэмцээнийг 10, 30, 55 км гэсэн гурван үндсэн төрөлд Богдхан ууланд зохион явуулах бөгөөд мэргэжлийн тамирчдаас эхлээд өөрийгөө ялан дийлэх, ууланд гүйх хүсэл сонирхолтой хэн бүхэн оролцох боломжтой гэнэ.
2025-07-31
Монголын сагсан бөмбөгийн түүхийг шинээр бичигч О.Хулан
Сагсан бөмбөгийн 3х3-ын ДАШТ-ээс мөнгөн медаль хүртэж, улсынхаа нэрийг өндөрт өргөн, багийн спортын төрөлд онцгой амжилт үзүүлсэн Үндэсний шигшээ багийн тоглогч, Гавьяат тамирчин О.Хулангийн амьдралын замнал, спортын түүхээс толилуулъя.
2025-07-31
