Дэлхийн агаарын дундаж температур наймдугаар сард 15.31 хэмд хүрчээ. Энэ нь 1850-1900 оны буюу аж үйлдвэржилтийн өмнөх үеийнхээс 1.65 хэмээр нэмэгдсэн дүн гэнэ. Далайн гадаргын дундаж температур 2024 оны гуравдугаар сарын дээд амжилттай ижил түвшинд буюу мөн л түүхэн дэх хамгийн өндөр хэмд хүрчээ. Эль-Нино уур амьсгалын үзэгдэл эрчимжиж байгаатай холбоотойгоор Номхон далайн халуун орны бүс нутгуудад далайн гадаргын температур удаан хугацаанд дээд түвшнээ хадгалсныг судлаачид дурдав.
Эль-Нино үзэгдлийн нөлөө энэ оны сүүлчээр эрчимжиж, ирэх жилийн эхэн үе хүртэл үргэлжлэх төлөвтэйг Дэлхийн цаг уурын байгууллагаас анхааруулсан. Үүнээс үүдэлтэйгээр ирэх саруудад ч дэлхийн агаарын болон далайн гадаргын дундаж температурын хэлбэлзэл, хур тунадасны хэв шинж тогтворгүй болж, дээд түвшнээ шинэчлэн, нөлөөлөл нь улам эрчимжихийг Коперникийн Уур амьсгалын өөрчлөлтийн албанаас мэдээллээ.
Н.Мишээл
