“Эвдрээгүй ирээдүйг бүтээе”

ЦХИХХЯ, ЦЕГ, “И-Монгол академи” УТҮГ, Хүүх­дийн шуур­хай тусламж, хамгааллын 108 төвийнхөн хамт­ран “365-Эвдрээгүй ирээдүйг бүтээе” зөвлөгөөн зохион бай­гууллаа. Хүүхдийн цахим орчны аюулгүй байдлыг хам­гаалах, зөв хэрэглээг төлөвшүүлэх чиглэлээр эрх зүйн орчныг боловсронгуй болгоход ан­хаарч хэд хэдэн ажил хэрэгжүүлж эхэлснээ албаныхан хэлсэн. Мөн хүүхдийн асуудлыг шийдвэрлэхдээ тэд­ний дуу хоолойг сонсож, хамтарч шийдэх нь чухал хэ­мээн онцолсон юм.

НҮБ-ын Хөгжлийн хөтөлбөрөөс 2025 онд хийсэн судалгаагаар 13-17 насныхны 51.3 хувь нь цахим дээрэл­хэлтэд өртсөн байна. Түүнчлэн хүүхдүүдийн 90 орчим хувь нь олон нийтийн сүлжээ идэвхтэй ашиглаж, өдөрт дунджаар 3-5 цагийг цахим орчинд өнгөрүүлдэг нь эрсдэлийг улам нэ­мэгдүүлж буй аж. Тиймээс цахим орчинд хүүхдийн эр­хийг хамгаалж, ирээдүй болсон хүүхдүүдийнхээ төлөө эвд­рээгүй ирээдүйг бүтээхэд хүн бүрийн оролцоо чухал гэв.

Зөвлөгөөнд төрийн байгууллагуудын төлөөлөл, хүүхэд, эцэг, эх, асран хамгаалагч, багш нараас бүрдсэн нийт 800 орчим хүн оролцон, тулгамдсан асууд­лаа хэлэлцэж, гарц гар­галгааг тусгасан зөвлөмж боловс­руулжээ. Мөн зөв­лө­гөөний үеэр Нийгмийн сүл­жээнд хүүхдийн оролцоог зо­хи­цуулах тухай хуу­лийн төсөлд санал авсан байна.

М.ГЭГЭЭ