Аялал жуулчлалынхан 66.3 тэрбумын татвар төлжээ
Аялал жуулчлалын чиглэлээр үйл ажиллагаа явуулдаг аж ахуйн нэгжүүд энэ оны эхний хагаст 63.6 тэрбум төгрөгийн татвар төлжээ. Энэ нь цар тахлын өмнөх үе буюу 2019 онд төвлөрүүлсэн татварын орлогын 73 хувьтай тэнцэж буй бол коронавирус тархсан 2020, 2021 оны үзүүлэлтийн нэгийг нь давж, нөгөөхөд нь ойртжээ. Тодруулбал, манай улсад аялал жуулчлал эрхлэгчид 2019 онд 87.1, 2020 онд 47.1, 2021 онд 65 тэрбум төгрөгийн татвар төлсөн байна.
2023-08-17
BRAVO: Т.Тэнүүн ой тогтоолтын улсын аваргаар тодров
Монголын оюун ухааны академи, “Оюуны спортын менежмент” байгууллага энэ сарын 14-15-нд зохион байгуулсан Ой тогтоолтын улсын аварга шалгаруулах тэмцээнийхээ нэгдсэн дүнг өчигдөр танилцууллаа. Тэмцээнд нийслэл, орон нутгаас 103 сурагч оролцож, харааны болон сонсголын ой тогтоолт шалгасан 10 төрлөөр гурван насны ангилалд өрсөлдсөн байна. Бага насны ангилалд “Meraki” клубийн тамирчин Э.Билгүүнтөгс, өсвөрийнхөд “Wreck it mind” клубийн Ц.Номин-Эрдэнэ, насанд хүрэгчдийнхэд олон улсын их мастер, дэлхийн аварга Т.Тэнүүн түрүүлсэн байна.
2023-08-17
150 мянган га талбайн шавжийг устгажээ
Манай улс хортон шавж устгах ажлыг энэ онд илүү өргөн хүрээнд зохион байгуулж байна. Ингэхдээ газар нутгийн онцлог, хүн хүч, техник хэрэгслийн нөөц зэргээс хамаараад механик болон авиа микробиологийн арга (онгоцоор)-ыг хослуулан ашиглаж буй. Ойн мэргэжилтнүүд өнгөрсөн хавраас хойш авиа микробиологийн аргаар 110 мянган га талбайд устгал хийсэн бол үүргийн шүршигч багаж ашиглан 40 мянган га талбайд тэмцлийн ажил гүйцэтгэжээ. Ингэснээр гар аргаар хийх устгалын ажлын төлөвлөгөөгөө 100 хувь биелүүлсэн байна. Харин онгоцоор хөнөөлт шавж устгах ажлаа 91.6 хувиар биелүүлжээ. Одоо 10 мянган га талбайд авиа микробиологийн аргаар шавж устгах юм байна.
2023-08-17
Барилгын суурь ухаж, удаан хугацаанд орхисон байршлуудад шалгалт хийж байна
Нийслэлийн Засаг дарга Улаанбаатар хотод барьж буй барилга байгууламж болон дэд бүтцийн барилгажилтын ажлын явцад хяналт тавьж, гарч болзошгүй аюул, ослоос урьдчилан сэргийлэх, орчны аюулгүй байдалд стандарт, норм дүрмийг хэрэгжүүлэх тухай захирамж гаргасан. Мөн тэрбээр барилгын суурийн зориулалтаар зөвшөөрөлгүй ухсан нүхийг булах, иргэдийн эрүүл, аюулгүй орчинд амьдрах нөхцөлийг бүрдүүлж, ногоон байгууламж болгоход анхаарч ажиллахыг холбогдох албаныханд үүрэг болгосон юм.
2023-08-17
2023 он гарснаас хойш 49 хүн усны ослоор амиа алджээ
Үүний 35 нь насанд хүрэгч, 14 нь хүүхэд байж. Долдугаар сарын 25-наас хойш улсын хэмжээнд 18 хүн ийм шалтгааны улмаас амиа алдсан байна. Онцгой байдлын байгууллагын алба хаагчид усны ослын дуудлагаар ажиллахдаа есөн хүний амь аварсны тав нь бага насны хүүхэд байсан гэнэ. Хамгийн сүүлд Сэлэнгэ аймгийн Сайхан сумд 15 настай хүүхэд усанд энджээ. Хүү адуугаа эрж яваад Орхон голд осолдсон бөгөөд аврагчид түүний цогцсыг гурван өдрийн дараа буюу өчигдөр олсон байна.
2023-08-17
Хууль, эрх зүйн орчныг шинэчлэх хүртэл нийслэлд шинээр газар олгохгүй
Эдгээр хуулийн төслийг боловсруулахдаа Улаанбаатар хотын ерөнхий төлөвлөлт, газар зохион байгуулалт, ашиглалт, хотын барилга байгууламжийг хүний аюулгүй байдал, нийтлэг эрх ашиг, байгаль экологи, ногоон хөгжил, эдийн засаг, нийгмийн хөгжлийн тэнцвэртэй уялдуулахыг анхааруулжээ. Мөн Газар зохион байгуулалт, геодез, зураг зүйн газрыг Ерөнхий сайдын эрхлэх асуудлын хүрээнд ажиллуулахтай холбоотой хууль тогтоомжийн төслийг боловсруулж, 2024 оны Төсвийн тухай хуулийн төсөлтэй хамт УИХ-д өргөн мэдүүлэхийг Засгийн газрын холбогдох гишүүдэд даалгалаа. Дээрх хууль тогтоомжийн төслүүдийг батлах хүртэл Улаанбаатар хотын хэмжээнд шинээр газар эзэмшүүлэх, ашиглуулах шийдвэр гаргахыг хориглов.
2023-08-17
77 тэрбумаар гурван гүүр барьж байна
Тус компанийн ерөнхий инженер “Гүүрний дам нурууг угсарсан. Ажлын явц 90 хувьтай байгаа. Одоо гүүрний зорчих хэсэг буюу явах ангийн бетон хашлага, хайс хийх ажил үлдсэн. Талбай дээр хийх бүх ажлыг дуусгаад байна. Өнгөрсөн сард үерийн үеэр манай кэмп усанд боогдсон. Өндөрлөг газарт барьсан боловч ус орсон. Энэ хугацаанд ажил саатсан ч дам нуруугаа босгож чадлаа. Манай компанийнхны барьж буй гүүрнээс урагш 120-иод метр авто зам барьж эхэлсэн” гэсэн юм.
2023-08-17
