Цагдаа, дотоодын цэргийн алба хаагчдад цол, шагнал гардууллаа 

Тулгар төрийн 2235, Их Монгол Улс байгуулагд­саны 820, Ардын хувьсгалын 105, Цаг­даа­гийн байгууллагын 105, Дотоодын цэргийн 104 жилийн ой, Үндэсний их баяр наадмыг то­хиолдуулан хуулиар хүлээ­сэн үүргээ нэр төр­тэй биелүүлж, ажил, мэргэжилдээ идэвх зүтгэл, үр бүтээл гарган, хамт олноо манлайлан ажилласан алба хаагчдын хөдөлмөрийг төр, засгаас үнэлж, цагдаа, дотоодын цэргийн алба хаагч­дыг шагнасныг өчигдөр ЦЕГ-ын дар­га, Дотоодын цэргийн командлагч, хошууч ге­не­рал Ж.Болд болон даргын зөвлөлийн ги­шүүд гар­дуулан өгч баяр хүргэв. Тухайлбал, цаг­­ даагийн хурандаа цолоор ЦЕГ-ын Стратеги, бод­лого, инновац, хөгжлийн ал­ба­ны Захиргааны удирдлагын хэлсийн дарга Н.Ганхүү, Чингэлтэй дүүргийн За­мын цагдаагийн хэлтсийн дарга, М.Мягмарсүрэн, дэд хурандаа цолоор Тээврийн цаг­даагийн албаны ЗЦГ-ын Зам, тээврийн хяналт, төлөвлөлт, зохион байгуулалтын хэлтсийн Зам, тээврийн гэрээт цагдаагийн тасгийн дарга Г.Баяр­жаргал, ЦЕГ- ын Урьдчилан сэргийлэх албаны Хэвлэл мэдээлэл, олон нийттэй харилцах хэлтсийн чиглэлийн ахлах мэргэжилтэн С.Баярбилэг тэргүүтэй нийт 963, дотоодын цэр­гийн 61 алба хаагч цол нэмсэн юм. Мөн дээрх тэмдэглэлт өдөр, баяр наадмыг то­хиол­дуулан цагдаа, до­тоодын цэргийн бай­гуул­лагын бие бүрэлдэхүүнээс төрийн дээд шаг­налаар 263, салбарын болон бусад яам, агент­ла­гийн шагналаар 650, цагдаагийн бай­гууллагын шагналаар чө­лөөнд байгаа болон энгийн ажилтан 422 алба хаагч шагнуулжээ.