Монгол эмэгтэй Америкт машиндаа амьдрах аялал эхлүүлжээ 

АНУ-д 1994 онд анх хөл тавьж, 32 дахь жилдээ амьдарч буй монгол эмэгтэй нэ­гэн шинэ аялал эхлүүлж буйгаа цахим хуудсаараа дамжуулан хуваалцжээ. Тэрбээр машин­даа амьдарч, аялахаар шийд­сэн байна. Түү­ний аялал Лос Анжелес хо­тоос Аризона мужийн Скоттсдэйл руу нүү­хээсэхэлсэн аж. Барууны орнуудад суудлын болон бүхээгтэй машин, автобусанд амьдарч, аялдаг хүн олон бий. Тэдний зарим нь өндөр түрээс төлөх санхүүгийн боломжгүй болсон шалтгаанаар ийм хэв маягийг сон­годогбол адал явдал, аялалд дуртай зарим нь өөрийн хүслээр эл эгнээнд нэгддэг байна. Гэхдээ олонх нь автомашиндаа ор, зөөврийн нойл зэргийг суурилуулж, тав тухаа хангадаг. Бүхээгтэй машинтай аялагчдын тухайд хү­ний хэрэгцээ бүхэн бүрдсэн, “жижиг бай­шин” болгосон байдаг. Тэд эл гэртээ угаал­гын өрөө, гал тогоо, хоолны хэсэг, ор, шкаф гээд бүх хэрэгцээгээ шийдсэн учраас тун тохь­­­той амьдардаг. Харин монголчуудад машин­­даа амьдарна гэдэг нь тэр бүр санаанд буух­гүй. 

Дээрх эмэгтэйн хувьд хэдийгээр эрхэлсэн ажилтай ч санхүүгийн асуудал тулгарсан учраас мөнгөө хэмнэнгээ аялж, амьд­ралдаа нэгэн шинэ хуудас нээхээр зориг­ложээ. Тэрбээр “Би өөрөө энэ замыг сонгосон. Үүний тулд ор тавьж болохуйц зай­тай, тохьтой машин, эд хөрөнгөө хадгалах агуулах, мөн фитнес зааланд хичээллэх эрх хэрэг­тэй. Ажлын багаж, зарим эд хогшлоо би сард 29 ам.доллар төлдөг жижиг агуулахад хад­галсан. Спорт заалны гишүүнчлэлтэй байс­наар усанд орох хэрэгцээгээ шийдэж болно. Одоо шуудангаа хүлээж авах хайрцаг л хэрэгтэй байна” гэв. “Ийм амьдралаар удаан явахгүйн тулд илүү хичээх хэрэгтэй. Гэхдээ энэ бол тийм гайхмаар хэв маяг биш, зовлон ч биш” гэсэн байна. Түүний аялалтай нэгдэхийг хүсвэл фэйсбүүк дэх “Хайр ба happiness” хуудсыг дагаж болох нь.