“Монгол өв соёл” сэдэвт гар зургийн уралдаан зарлав 

Улаанбаатар хотын нийтийн төв номын сангаас “Мон­гол өв соёл” сэдэвт гар зургийн уралдаан зарлалаа. Энэ урал­дааныг хүүхэд багачуудад монгол ёс заншлаа бахархан судлах, өв уламжлалаа хадгалан хамгаалах, дээдлэн хүнд­лэх үзлийг төлөвшүүлэхийн тулд  зохион байгуулж буй. Урал­даанд 1-5, 6-9 дүгээр анги гэсэн ангиллаар сурагчид өрсөл­дөх юм. Оролцогчид А3-ын цаасанд уран зургийн бүхий л хэ­рэгслийг ашиглаж бүтээлээ туурвиж болно. Улаанбаатар хотын төв номын сангийн Хүүхдийн уншлагын танхимд өчигдрөөс оролцогчдын материалыг хүлээн авч эхэлсэн бөгөөд энэ сарын 22 хүртэл үргэлжлүүлэх гэнэ. Уралдааны шилд­гүүдийг “Bell art ceramic” уран зураг, гар урлалын сур­галтын төвд суралцах эрхээр шагнах нь.

А.Үүл