Авто, мото спорт сонирхогчдын наадам үргэлжилж байна
Монголын мэргэжлийн спорт автомашины холбоо, нийслэлийн ЗДТГ, “Vip auto club” хамтран “Авто худалдааны цогцолбор”-т “Power expo” фестиваль зохион байгуулж байна. Уг арга хэмжээг Олон улсын хүүхдийн эрхийг хамгаалах өдрөөр нэгдсэн парад, “Хү” хамтлагийн тоглолтоор нээсэн бол өнөөдрөөс энтертайнмент, экстрим тэмцээн, уралдаанууд явуулж, ховор, үнэ цэнтэй төмөр хүлгүүдийг олон нийтэд танилцуулан, урлагийн тоглолт толилуулах аж.
Уржигдар 12 цаг 30 мин
Тусгай хамгаалалттай газарт “Жим” хөтөлбөр хэрэгжүүлнэ
Хүүхэд, залууст экологийн боловсрол олгох чиглэлээр үйл ажиллагаа явуулдаг “Монгол экологи төв” төрийн бус байгууллага Хөвсгөлийн болон Улаан тайгын улсын тусгай хамгаалалттай газрын хамгаалалтын захиргаатай хамтран “Жим” хөтөлбөр хэрэгжүүлэхээр болжээ. Үүний хүрээнд жим замын зохистой төлөвлөлт, ач холбогдлыг сурталчлан таниулж, жишиг болохуйц ажлууд хийхээр төлөвлөсөн байна.
Уржигдар 10 цаг 34 мин
БШУЯ-ныхан ташаа мэдээлэл түгээж, мэдэн будилав уу
Тухайн мэдээлэл тэтгэлэг хариуцсан газар, хэлтэстээ очтолоо уддаг юм шиг байна лээ. Засгийн газрын тэтгэлэг дотроо уламжлалт анагаах ухааны чиглэлийн “Ayush” гэж тэтгэлэг бий. Үүнийг яамныхан тусгай гэж нэрлээд буй бололтой. Зөвхөн энэ тэтгэлгийн бүртгэлийн хугацаа зургадугаар сарын 30 хүртэл хойшилсон юм.
Уржигдар 09 цаг 02 мин
Л.ДӨЛГӨӨН: Азийн олимпиадад эх орноо төлөөлөн оролцсон нь л миний хувьд том амжилт
Улаанбаатар хотод зохион байгуулсан Азийн физикийн 23 дугаар олимпиадаас манай улс нэг хүрэл медаль хүртсэн. Энэ нь олон улсын физикийн олимпиадаас 14 жилийн дараа хүртсэн хоёр дахь хүрэл медаль болсныг зохион байгуулагчид онцолсон юм. Нэр хүндтэй, томоохон уралдаанд оролцож, эх орныхоо нэрийг гаргасан нийслэлийн ерөнхий боловсролын 11 дүгээр сургуулийн 12в ангийн сурагч Л.Дөлгөөн болон түүнийг энэ амжилтад хөтөлсөн Ж.Хатанбаатар багштай ярилцлаа. Энэ удаагийн олимпиадад оролцсон сурагчдыг МУИС-ийн Д.Улам-Оргих тэргүүтэй дөрвөн багш дасгалжуулсан ч Л.Дөлгөөнийг физикт дурлах, тууштай хичээллэх, амжилтад хүрэх суурийг Ж.Хатанбаатар багш тавьжээ. Тиймээс Боловсрол, шинжлэх ухааны сайд түүнийг шавийнх нь хамт урамшуулсан юм.
2023-05-31
Аялал жуулчлал, тусгай хамгаалалттай бүс дэх 1100 нүхэн жорлонг буулгажээ
БОАЖЯ-ны газар, хэлтсийн дарга нар цаг үеийн асуудлаар өчигдөр хэвлэлийнхэнд мэдээлэл өглөө. Энэ оны тавдугаар сарын байдлаар тус яамныхан зөрчил шалган шийдвэрлэх ажиллагааны хүрээнд 90 иргэн, аж ахуйн нэгжид 78.6 сая төгрөгийн торгууль ногдуулснаас 55.6, 20 иргэн, аж ахуйн нэгжид 59.5 сая төгрөгийн нөхөн төлбөр оноосноос25.3 саяыг нь төвлөрүүлээд буй гэнэ. Гомдол, мэдээллээс харахад хог хаягдлыг зориулалтын бус газарт хаясан, ашигт малтмал хууль бусаар хайсан, мод зөвшөөрөлгүй бэлтгэсэн, дүгнэлт, гэрээгүй атлаа ус ашигласан, байгаль орчны нөлөөллийн үнэлгээгүйгээр үйл ажиллагаа явуулсан зөрчил зонхилж байгааг мэргэжилтнүүд дурдлаа.
2023-05-31
Шинэ хотуудын сураг чимээ
Бидэнд хамгийн ойр буй БНХАУ, БНСУ гэхэд хот төлөвлөлт, байгуулалтаараа дэлхий дахинд сайны жишиг болсоор байна. Ялангуяа хөдөө аж ахуйд тулгуурлан шинэ суурьшлын бүс бий болгосон туршлагаараа өмнөд хөрш дээгүүрт бичигдэх болжээ. Өмнөд Солонгос сүүлийн 50 жилд хамгийн хурдацтай хөгжсөн, тэр хэрээрээ хамгийн сайн “зохион байгуулалтад орсон” хотуудтай улс гэдгээрээ танигдаад буй аж. Харин манай улс хот байгуулах хоосон мөрөөдөл тээсээр, иргэд нь Алтан тэвшийнхээ хөндийд шавааралдсаар өдий хүрлээ.
2023-05-30
Нийслэлчүүдэд түрээслүүлэхээр эхний ээлжид 700 скүүтэр байршуулжээ
Скүүтэр түрээсийн үйлчилгээ нэвтрүүлээд удаагүй ч үүнтэй холбоотой зөрчил мэр сэр гарч эхэлснийг хэрэгжүүлэгчид дурдлаа. Тухайлбал, өнгөрсөн ням гаргаас даваад шилжих шөнө хоёр скүүтэр хулгайлж, байршил тогтоогчийг нь салгахаар завдсан хэрэг гарчээ. Тэрчлэн унаагаа зориулалтын бус, хаа хамаагүй газарт хаясан тохиолдол ч цөөнгүй гарсан байна. Уг нь дүрэм ёсоор бол хэрэглэгч очсон газрынхаа ойролцоох, аппликэйшнд байршил нь тэмдэглэгдсэн газруудад л скүүтэрээ үлдээх ёстой бөгөөд ингэхдээ зургийг нь дарж илгээх учиртай гэнэ. Харамсалтай нь, заримхэрэглэгч үүнийг үл ойшоон, төвөг чирэгдэл учруулах болжээ.
2023-05-30
Азийн физикийн олимпиадад Орос, Хятадын баг тэргүүлэв
Монголоос16 төлөөлөгч оролцсоноос 11 дүгээр сургуулийн сурагч Л.Дөлгөөн хүрэл медаль хүртэв. Энэ нь манай улс физикийн олимпиадаас14 жилийн дараа хүртэж буй хоёр дахь хүрэл медаль юм байна. Хаалтын ажиллагааны үеэр шилжин явах тугийг Малайз улсад гардуулснаар 24 дэх олимпиадыг зохион байгуулах орноор сонгогдлоо.
2023-05-29
Нисэхийн мэргэжил сурталчлах агаарын шоуг Монголд анх удаа зохион байгуулав
"Буянт-Ухаа” олон улсын нисэх буудал нисэх хүчин үүсэж хөгжсөний 98 жилийн ойд зориулсан задгай талбайн шоу, фестивалийг энэ сарын 26, 27-нд зохион байгууллаа. Нисэхийн салбарын мэргэжил сурталчлах зорилготой ийм арга хэмжээг олон улсад өргөнөөр зохион байгуулж, гадаад, дотоодын жуулчдыг татдаг гэнэ. Харин Монголд ийм зорилгоор анх удаа санаачилсан бөгөөд цаашид тогтмол болгохоор төлөвлөжээ.
2023-05-29
Хөвсгөлд жуулчны мэдээллийн төв байгуулах нь
“Эн эй пи групп” ХХК үүний зураг төслийг боловсруулж, төслийн нэгжид хүлээлгэн өгчээ. Мэдээллийн төвийн барилга угсралтын ажлыг энэ онд эхлүүлж, ирэх жилд багтаан ашиглалтад оруулах гэнэ.
2023-05-26
Байгалийн ойгоос зулзаган мод шилжүүлэн суулгахыг 2030 он хүртэл хоригложээ
Уулнаас авсан байж болзошгүй мод тээвэрлэн Улаанбаатар хотын чиглэлд явж буй том оврын ачааны машины зургийг нэгэн иргэн энэ сарын 20-нд олон нийтийн сүлжээнд оруулсан нь иргэдийн анхаарлыг татсан. Тэрбээр “Улаанбаатар дахь цаазын тавцан руу явж буй модод. Ингээд байвал тэрбум мод нэмж тарих бус, хасах болно” гэсэн тайлбар бичсэн байв.
2023-05-23
Боловсролын салбарын маргааныг эцэслэж чадаагүй хууль
Чанартай, тэгш боломж бүхий боловсролын үйлчилгээ нийгэмд юу юунаас илүү үгүйлэгдэж буйг, засаж залруулах, өөрчлөн шинэчлэх зүйл тус салбарт өчнөөн байгааг нийтээрээ хөндөх болсон энэ цаг үед боловсролын хуулийн төслийг нийгмээрээ хэлэлцэж байна. Манай улс Боловсролын тухай хуулийг 2002 онд баталснаас хойш өнөөдрийг хүртэлх хугацаанд нийт 31 удаа нэмэлт, өөрчлөлт оруулсан.
2023-05-23
“Цоба” ХХК хариуцлага алдаж, захиалагчдаа хохироож байна
Цар тахлаас үүдэлтэй эдийн засгийн хүндрэлээр далимдуулан захиалагчдаа цаг хугацаа, санхүүгээр нь хохироох тохиолдол дэндүү олшров. Үүний нэг жишээ бол “Хадат вилла” хэмээх амины орон сууцын төслөөрөө танигдсан “Цоба” ХХК. Тус компани Сүхбаатар дүүргийн XX хорооны нутагт орших Хадатын аманд 2014 оноос төслөө хэрэгжүүлж эхэлсэн. “Хадат вилла-1” төслөө 2014 онд хэрэгжүүлснээс дөрвөн жилийн дараа “Хадат вилла-3”-аа эхлүүлсэн байдаг. Гэтэл “Цоба”-гийнхан ажлаа бүрэн дуусгаагүй, орон сууцаа хүлээлцээгүй, захиалагчдынхаа санал, гомдлыг ч шийдвэрлээгүй атлаа “Хадат вилла-4” хэмээх дараагийн төслөө эхлүүлээд байна.
2023-05-22
“Тэрбум мод” сан 34 төсөлд 1.34 тэрбум төгрөгийн санхүүжилт олгохоор болов
Төрийн өмчийн цэцэрлэг, сургуулийг ногоон байгууламжтай болгох, олон нийтийн оролцоонд суурилсан ойжуулалт, нөхөн сэргээлт хийх, тогтвортой хөгжлийн мэдлэг, экологийн боловсрол олгох гэсэн үндсэн гурван чиглэлээр төслийн нээлттэй сонгон шалгаруулалт зарлахад197 санал ирүүлсэн аж. Үүний 100 нь ойжуулалт, нөхөн сэргээлт, 62 нь экологийн боловсрол, 35 нь сургууль, цэцэрлэгийн ногоон байгууламжтай холбоотой төсөл байжээ.
2023-05-19
Дулааны шугам засварын ажлын хүрээнд 14 мод тайрах нь
Холбогдох албаны хүмүүс дулааны шугам засварын ажил хийх нэрийдлээр Бага тойрог дахь нийтийн эзэмшлийн гудамжинд байсан том моднуудыг өнгөрсөн долоо хоногийн сүүлчээр тайрсан нь шүүмжлэл дагуулаад буй. Тэгвэл ийм шалтгаанаар дахиад долоон мод тайрахаар төлөвлөж байгаа аж. Чингэлтэй дүүргийн IV хорооны нутаг, Цаг уур, орчны шинжилгээний газар орчим
2023-05-19
Сэлбийг сэргээх ээлжит “туршилт”
Энэ нь эцэстээ төслийн нэгжийн 2023 оны үйл ажиллагааны зардалд төсөвлөсөн 3.1 тэрбум төгрөгийн санхүүжилтийг зогсоож, татан буулгах шийдвэр гаргахад нөлөөлсөн юм. Нийслэлийн Засаг даргын хэвлэлийн төлөөлөгч Н.Сугар “Сэлбэ голын төсөл санхүүжилтгүй болсон учир нэгжийг нь татан буулгах албан тоотыг Сангийн яаманд хүргүүллээ” гэж өнгөрсөн оны сүүлчээр мэдэгдсэнээр хэдэн сарын турш хэрүүлийн алим болсон тус төсөлтэй холбоотой дуулиан намжсан билээ. Тэгвэл одоо нийслэлийнхэн Сэлбийг сэргээх ээлжит төлөвлөгөөгөө боловсруулаад байна. Төслийн нэр нь “Сэлбэ сэргэлт”.
2023-05-18
Боловсролын сайд нараас Л.Гантөмөр, Л.Энх-Амгалан хамгийн олон хүний зээлийг тэглэжээ
Тус сангаас зээл, тэтгэлэг авсан суралцагчдын 90 орчим хувь нь өндөр албан тушаалтан, мэдээлэлд ойр хүмүүсийн хамаарал бүхий этгээд байгааг онцлоод “Боловсролын зээлийн сан зорилго, чиглэлийнхээ дагуу үйл ажиллагаа явуулж, өндөр потенциалтай, санхүүгийн туслалцаа зайлшгүй шаардлагатай залууст ийм хэмжээний дэмжлэг үзүүлсэн бол үнэлж баршгүй хөрөнгө оруулалт болох байлаа” гэсэн юм. Мөн тэрбээр дэлхийд чансаагаараа тэргүүнд эрэмбэлэгддэг Харвардын их сургуульд 2013 онд тэнцсэн үедээ тус сангийн шударга бус шалгаруулалтад бүдэрч байснаа чтодотгов.
2023-05-17
Баруун болон говийн бүсэд хэт халах, хуурайшилт ихсэх эрсдэлтэйг анхааруулав
Цаг уур, орчны шинжилгээний газраас 2023 оны зуны саруудын цаг агаарын урьдчилсан төлөвийг өчигдөр танилцууллаа. Өнгөрсөн дөрөвдүгээр сард олон жилийн дунджаас 2.5 градусаар хүйтэн байсан бол энэ сарын эхний хагасын байдлаар нутгийн баруун хагаст ахиу хур тунадас орж, сэрүүссэнийг дурдав. Харин зургаа, долоо, наймдугаар сарын агаарын температур ихэнх нутгаар олон жилийн дунджийн орчим, баруун болон говийн бүсийн зарим хэсэгт дунджаас дулаан байх төлөв гарчээ. Хур тунадасны хувьд мөн л баруун болон говийн аймгуудад олон жилийн дунджаас бага орох төлөвтэй буй гэнэ. Үүний улмаас тухайн бүс нутагт хэт халах, хуурайшилт, түймэр гарах нь нэмэгдэх, ган гачиг болох эрсдэлтэйг цаг уурч Б.Жаргалан анхаарууллаа.
2023-05-17
