10, 12 хүртэлх насныхны УАШТ үргэлжилж байна

Монголын хоккейн холбооноос зохион байгуулж буй 2025-2026 оны төлөвлөгөөт тэм­цээн болох 10, 12 хүртэлх насныхны Улсын аварга шалгаруулах тэмцээн Чин­гэлтэй дүүргийн Би­еийн тамир, спортын хо­рооны мөсөн талбайд эхэл­лээ. 10 хүртэлх нас­ныхнаас “Чингэлтэй баав­гай­нууд” ба­гийн­хан “Багануур”-ынхныг 8:4-өөр хожсон бол МСТ-ынхан “Дархан”-ы тог­логч­дыг 18:0-ээр ялж, хэсгийн хоёр дахь хож­лоо авав.

12 хүртэлх насныхнаас МСТ, “Мэргэн ака­деми” багийн тоглолт ширүүхэн өрнөв. МСТийн­хэн хүчтэй өрсөлдөгчөө 8:2-оор буулган авсан юм. Тэгвэл “Буурал хайрхны чо­но­нууд” ба­гийнхан Монгол, Оросын хамтарсан III сургуулийнхныг 6:3-аар илүүрхэж эхний хожлоо авч, гурван оноо­той боллоо. Тэдний тоглолттой давх­цаж, мас­терс ангиллынхны (+50 нас) цо­мын аварга шалгаруулах тэмцээн Дархан-Уул айм­гийн мөсөн талбайд өрнөв. Тус тэм­цээнд орон нутгийн зургаан багийн 80 гаруй тамир­чин өрсөлдсөнөөс Сэлэнгэ айм­гийн Ерөө сумын О.Хишиг­буян дасгал­жуу­лагчтай, Б.Ал­дар­мөнх ахлагч­тай “Бугант” багийнхан түрүүлж, ал­тан цомтой нутаг буцав. Тэ­дэн­тэй аваргын тө­лөө тог­ло­сон Орхон аймгийн М.Отгонбаяр дасгал­жуулагч­тай, Т.Пүрэвсүрэн ахлагчтай “Хан­гарьд”-ынхан мөнгө, Дар­ханУул айм­гийн Б.Мөнх­тогтох дасгал­жуу­лагчтай, Б.Анх­баяр ахлагчтай “Шарын гол”-ын тоглогчид хүрэл медаль хүртсэн. Тамирчдаас шилдэг хамгаа­лагчаар Г.Ганхүү (“Дар­хан эрчим”), шилдэг хаалгачаар Б.Насанхүү (“Бугант”), шил­дэг тэгш тог­логчоор Х.Ган­болд (“Хан­гарьд”), шилдэг довтлогчоор Д.Ду­гар­сүрэн (“Бу­гант” баг) шалгарав.