Э.Халиунболд шинэ тамирчдаас шилдэг 10-т бичигдлээ

Саудын Араб улсад үргэлжилж буй “Дакар ралли 2026” автомашин, мотоциклын уралдааны найм дахь өдрийн гараанаас гарсан тамирчид 483 км зам туулав. Элсэн манхан ихтэй, цаг агаарын таагүй нөхцөл та­мир­чин, техникийн аль алиных нь “шандас”-ыг сорь­сон. Шуургатай, үзэгдэх орчин хязгаарлагдмал байсан тул олон тамирчин замдаа төөрчээ. Монголоос оролцож буй “Тал нутгаас Дакарт” төслийн тамирчин Э.Халиунболд замынхаа зургийг сайтар уншсанаар таван цаг 16 минут 19 секундэд барианд орж, нийлбэр дүнгээр 26, “Ралли2” ангилалд 16-д жагслаа. Түүнтэй хамт уралдаж буй ОУХМ П.Мөрөн таван цаг 25 минут 37 секундэд туулснаар 30, ангилалдаа 20 дугаар байрт бичигдсэн. Ес дэх өдрийн гараанд тамирчид механикийн баг, арын албаны тусламжгүй, сүлжээгүй нөх­цөлд уралдахад 57 дугаартай Э.Халиунболд эхний 196 км замд топ 10 доторх цаг үзүүлэн нийт тамирч­даас 16, ангилалдаа VII, 79 дугаартай П.Мөрөн 33, ангилалдаа 22 дугаар байрт оров. Раллигийн II хагасын сүүлийн марафон дууссан ч 10 дахь өдрийн гараанд амаргүй зам туулжээ. Уралдсан замынх 34 хувь хатуу хөрс, 28 нь элсэрхэг, 34 нь манхан, дөрөв нь хад асгатай байв. “Дакар ралли”-гийн шинжээчид Э.Ха­лиунболдыг “Мотоциклын ангилалд улсынхаа түү­хэн дэх анхны амжилтыг гаргах бо­ломж­той харагдана. “BAS world KTM” багийн та­мир­чин тэрбээр 196 км-ийг ангилалдаа II(МайклДохер­тигоос таванминут 01 секундээр хоцорсон) ши­нэ тамирчдаас шилдэг 10-т би­чигдэж, Rally GP-гийн мэргэж­лийн тамирчидтай эн тэнцүүхэн өрсөлдөж байна. V тойргийн дараа 11-т бичигдсэн тэрбээр энэ урал­даанд өндөр амжилт үзүү­ лэх бүрэн боломжтой” хэмээн дүгнэн бичжээ.