Ц.Раднаа ойрын зайн бүх төрөлд түрүүлжээ

Арабын Нэгдсэн Эмират Улсад болсон мас­те­руудынолонулсыннээлттэйтэмцээний хөн­гөн атлетикийн төр­лүү­дэд Монголын баг өр­сөлд­лөө. Эрэгтэй­чүү­дийн 85-аас дээш насных­ны ан­гилалд Гав­ьяат та­мир­чин Ц.Раднаа гүйл­тийн 200, 400, 800, 1000, 1500 метрт тус бүр тү­рүүлэв. Түүнчлэн гур­вын харайлтын зургаан тө­рөлд амжилттай орол­цож, тэргүүн байр эзэлснээр нийт найман алтан медалийн эзэн болжээ. Тэрбээр ахмад мас­теруудын хөнгөн ат­летикийн дэлхийн дээд амжилтыг эзэм­шигч бөгөөд нас ахисан ч спортод амжилтад гаргаж болдгийг бодитоор но­толсоор буй билээ. Тэр дун­даа гүйлтийн ойрын бо­лон дунд зайн тө­рөлд 90–94 насныхнаас дээд ам­жил­тыг ши­нэч­лэн тогтоосон юм. Түүний тууштай бэлтгэл, сахилга бат, эрүүл амьдралын хэв маяг нь ахмадын спортын идэв­хийг нэмэгдүүлэхэд үнэтэй хувь нэмэр оруулсан төдийгүй Монголын мастеруудын нэр хүндийг дэлхийд гаргаж байна. Олон улс, тив, дэлхийн тэм­цээнээс нийт 45 алт, хоёр мөн­гөн медаль хүртсэн аж. Одоогоор дэлхийн гурав, тивийн мастеруудын тэмцээнд 14 дээд ам­жилтыг эзэмшиж байгаа юм.