Ж.Анударь, Б.Ганхайч нар “Душанбе-2026” Их дуулга тэмцээнд түрүүллээ

Тажикистаны Душанбе хотод зохион байгуулсан жүдо бөхийн Их дуулга тэмцээнд Монголынүндэсний шигшээ багийнхан дас­гал­жуулагч Ч.Болдбаатар, М.Бундмаа на­рын удирдлагад оролцлоо. Эхний өдрийн барил­даанд эмэгтэйчүүдээс 48 кг-ын жинд Ж.Анударь алтан медалийн төлөө Нидерланд улсын тамирчин Амбер Герселжийг ялж аварга боллоо. 52 кг-д М.Нандин-Эрдэнэ Уз­бекистаны Мухай Ахматоваг үндсэн цагт хожиж хүрэл медаль хүртэв. Тэдний амжилтыг буухиалж 57 кг-д Т.Ариунзаяа алтан медалийн төлөө ОХУ-ын Ольга Му­хина­тай таарч,  мөнгөн медаль гардсан. Тэг­вэл хоёр дахь өдрийн барилдаанд 63 кг-д Мон­голоос хоёр тамирчин тэргүүн байрын төлөө шалгарсан юм. Гавьяат тамирчин Л.Энх­рийлэн, олон улсын хэмжээний мас­тер (ОУХМ) Б.Ганхайч нар эн тэнцүүхэн өр­сөлд­сөн ч энэ удаа Б.Ганхайч торгуулиар ялж, Душанбегийн дэвжээнд хоёр дахь удаа­гаа түрүүллээ. Манай улсын баг тус бүр хоёр алт, мөнгө, нэг хүрэл медаль хүртсэн амжилтаар одоогоор II байрт жагсаж байна. Сүүлийн өдрийн тэмцээнд эмэгтэйчүүдээс 78 кг-д О.Хүслэн, +78кг А.Адьяасүрэн, Д.Но­мин­зул, эрэгтэйчүүдээс -100 кг-д Б.Хүдэрчулуун, +100кг Ө.Пэрэнлэйжамц нар зодоглоно.