Казахстаны Астана хотод зохион байгуулсан Алтайн таеквондогийн холбооны нэрэмжит анхдугаар тэмцээн “Altaic taekwondo championships”-д Монголын баг оролцов. Тэднээс залуучуудын ангилалд эрэгтэйчүүдээс 51 кг-ын жинд “Алдар” спорт хорооны тамирчин Б.Төгсбилэг, эмэгтэйчүүдээс 49 кгд Б.Учрал нар шагналын салхи хагалж хүрэл медалийн эзэн боллоо. Тэдний дараа 44 кг-д Спортын төв сургуулийн сурагч Б.Номин, 55 кг-д “Олимп” клубийн тулаанч Б.Хүслэн нар мөн III байрт шалгарч, медалийн буухиаг үргэлжлүүлэв. Манайхан тус тэмцээний дараа энэ сарын 25-27-нд болох “Kazakhstan open” олон улсын тэмцээнд өрсөлдөх юм. Астана хотод болсон тэмцээнд ажилласан манай улсын шүүгчид алдаа гаргалгүй дэнслэн олон улсын шүүгчдээс өндөр үнэлгээ авч, ур чадвараа харуулав.
Өчигдрөөс илүү маргаашийг
бүтээхийн төлөө
