Гадаадын мэргэжлийн багт уралддаг Монголын тамирчид

Монголын дугуйн спортын үндэсний шигшээ багийнхан гадаадын мэргэжлийн багт нэгдэн олон улсын тэм­цээнд хуваарийн дагуу оролцож байна. Тэд­нээс гурван тамирчинд Тайландын “Roojay сycling” багийнхан санал тавьж, ал­бан ёсоор гэрээ байгуулсан. Манай улсын дугуйч­дын ур чадварыг үнэлсэн энэ шийдвэр нь тив, дэлхийн тэмцээнд өрсөлдөх боломж олгож буй юм. 2023 оноос хойш тус багт хүчин зүтгэсэн Б.Тэгшбаяр Щвейцарт 2016 онд зохион байгуулсан дугуйн тойрог замын (track) залуучуудын ДАШТ-д алтан медаль хүр­тэн аваргын цамц өмсөхийг хүсдэг байсан мөрөөдлөө Эгль хотод биелүүлсэн юм. Түүнч­лэн ханан тойргийн дугуйн насанд хүрэгчдийн Азийн аварга шал­гаруулах тэмцээнд 2019 онд дэд байрт шал­гарч, 2023 онд “Tour of Thailand” олон өдрийн уралдаанд нийлбэр дүнгээр аваргалж, “Tour of Bostonlig” уралдааны ганцаарчилсан гараатай 30 км-ийн зайд түрүүлсэн. Азийн нэр хүндтэй олон өдрийн уралдаануудад амжилттай оролцож, багийнхаа тэргүүлэх легионер тамирчдын нэг болов. Тэрбээр өмнө нь 2018 онд Тайванийн “RTS Racing”, 2019-2020 онд Украины “Ferei-CCN сycling”, 2021-2022 онд Монголын “Ferei Mongolia” багт уралд­сан билээ. БНСУ-д энэ сарын 18-19-нд болсон “Grand prix Jizzakh 2026” олон өдрийн урал­даанд ба­гийнхантайгаа хурд сорьсны да­раа өмнөд хөр­шийн Хөх нуу­рын бүсэд ирэх сард эхлэх “Tour of magnificent Qinghai”, наймдугаар сард Хятад, Төвөдийн өндөр уулын бүсэд бол­дог олон өдрийн уралдаанд орол­цох юм. Олон улсын дугуйн холбооноос энэ сард танил­цуулсан шинэчилсэн чансаагаар тэр­бээр дэлхийн мэргэжлийн дугуйчдаас 971 дү­гээр байрт бичигдсэн бол тивдээ 28, улсдаа хоёрт жагсаж байна. 

Тэгвэл М.Марал-Эрдэнэ “Roojay сycling” багт уралдахаар гэрээгээ сунгажээ. 2016 онд Азийн аваргаар тодорсон тэрбээр уулын болон засмал замын уралдаанд олон удаа амжилт гаргасан турш­лагатай. Түүний хувьд олон улсын тэмцээнд орол­цохдоо урал­дааныг удирдах, багийн ли­де­рүүдээ хамгаалах чухал үүрэг гүйцэтгэдэг. Өм­нө нь Малайзын алдартай “Terengganu cycling”, Японы “Levante Fuji Shizuoka” зэрэг багт легионероор уралдсан тэрбээр 63.33 оноо­той­гоор дэлхийн чансааны 1274, Ази ти­вийн засмал замын мэргэжлийн тамирчдаас 110, улсдаа VI байрт эрэмбэлэгдэж байна. 

Харин Х.Тэмүүлэн Монголын дугуйн спор­тын шинэ үеийн өсөх ирээдүйтэй тамирч­дын нэг. Олон улсын уралдааны залуучуудын ан­гилалд цахиур хагалж буй тул тэрбээр тус багт нутгийнхаа хоёр ахтай мөр зэрэгцэн хурд сорьж байна. Саудын Арабын Аль-Кассим хотод өнгөрсөн хоёрдугаар сард болсон засмал замын дугуйн Азийн АШТ-д 23 хүртэлх насныхны ганцаарчилсан гараатай уралдаанд мөнгөн медаль хүртсэн юм. Ангилалдаа шилдэг залуу дугуйчдын эг­нээнд багтсан тэрбээр тивдээ 22, олон улсын дугуйн холбооны цуврал уралдаанд оролцсон амжилтаараа улсдаа IV байрт бичигдэж буй. Тэдний харьяалагддаг Тайландын “Roojay сycling” багийнхан одоогоор тивийн багуудын чансааг 1218 оноотойгоор тэргүүлж байна. 

C.Жамбалжамц Испанийн мэргэжлийн ду­гуйн “Burgos Burpellet BH” багт уралдаж буй өндөр зэрэглэлтэймэр­гэж­лийн тамирчин юм. Олон улсын урал­дааны талбарт эх орны­хоо нэрийг гар­гаж буй тэрбээр өмнөд хөршид болсон “Хан­жоу-2022” Азийн наа­дамд оролцож, бөөн гараатай уралдаанд хүрэл медаль хүртсэнээр Монголын дугуйн спортынхны 33 жилийн хүлээлтийг эцэслэсэн. Түү­нээс гурванжилийндарааТайландад(2025 онд) зохион байгуулсан тивийн тэмцээний элит ангиллын бөөн гараатай уралдаанд хоёр дахь хүрэл ме­далиа гардсан юм. Улмаар Фран­цыг 2024 онд зорьж, Парисын олимпын наадамд засмал замын дугуйн төрөлд эрх авч хурд сорьсон манай улсын анхны тамирчин болсон билээ. 2018-2023 онд “RTS”(Тайвань), “Ferei” (Ук­раин) “Terengganu cycling” (Малайз) багт амжилттай уралдсан тэрбээр үндсэн ху­ваа­рийн дагуу Европын болон олон ул­сын өн­дөр зэрэглэлтэй уралдаанд оролцож байна.Ту­хайл­бал, Торгоны замын болон Азийн цув­ралууд, “Tour of Qinghai Lake” (Хөх нуурын олон өдрийн уралдаан) тэмцээнд урилгаар болон үндсэн бүрэлдэхүүнээрээ оролцохоор төлөв­лөжээ. Түүний хувьд Азийн орнуудын уралдааны замыг сайн мэддэг тул тэмцээний гол легионер болох магадлалтай. Үүнээс гадна Испанийн нэг өдрийн уралдаан болох “Clбsica de Ordizia” болон “Clasica Castilla y Leon” зэрэг засмал замын уралдаанд багаа төлөөлөн га­раанд гарах нь. Наймдугаар сард болох багийнхаа нэрэмжит хамгийн чухал тэмцээн “Vuelta a Burgos”-д хүч сорино. “Burgos Burpellet BH” багийнхан есдүгээр сард өрнөх дугуйн спортын гурван том уралдаанаас “Гранд Тур “La Vuelta”, “La Vuelta 2026”-д урилгаар оролцох аж. Элит дугуйчдаас тэрбээр дэлхийн чансааны 857, Азид 10, улсдаа тэргүүн байрт жагсаж буй. Мэр­гэж­лийн дугуйчнаар Европт уралдсан эхний жи­лүүдэд дэлхийн чансааны шилдэг 1000 до­тор, тэр дундаа тэргүүлэх 500 тамирчны босго руу ойртож бичигдэнэ гэдэг өндөр үзүүлэлт юм.

Э.Болор-Эрдэнэ мөн дээрх тамирчдын адил дотоод, гадаадын тэмцээнд өндөр амжилт үзүүлж байгаа. БНХАУ-ын засмал замын дугуйн “Huansheng-Vonoa-Taishan sport team” мэр­гэжлийн багт легионероор 2025 онд гэ­рээ байгуулсан тэрбээр зун, намар болох олон улсын томоохон тэмцээнд оролцо­хоор бэлтгэлээ базааж байна. Дотооддоо дуат­лоны Азийн цомын аварга болж, виртуал дугуйн УАШТ-д хошой алтан медаль хүртсэн түүний хувьд өмнө нь 2016-2018 онд БНХАУ-ын “Ningxia Sports Lottery”, 2022-2024 онд Японы “Levante Fuji Shizuoka” багт легионероор уралдахдаа ур чадвараа ахиу­лан, туршлага хуримтлуулсан. Тэрбээр дэлхийн чансааны 1512, тивдээ 31, улсдаа VI байрт эрэмбэлэгддэг. Багийнхаа ги­шүү­дийн хамтаар өмнөд хөршид цувралаар зохион байгуулдаг өндөр зэрэглэлийн олон өд­рийн уралдаанд голлон хүч үзэхээс гадна Азийн дугуйн холбооны хөтөлбөрт багтсан зас­мал замын томоохон тэмцээнд ч уралдаж, оноо цуглуулах аж. Мөн дотооддоо жилийн бүр зун зохион байгуулдаг олон өдрийн уралдаанд аваргаа хамгаалахаар өрсөлдөх нь. Уулын дугуйн болон виртуал УАШТ-д оролцож, амжилтаа ахиулах нь лавтай. 

Э.Билгүүнжаргал, А.Даваажаргал, Б.Наранхүү нар өдгөө БНХАУ-ын мэргэжлийн “Shenzhen kung cycling” багийн легионер. Тэднээс Э.Бил­гүүн­жаргал өнгөрсөн жил уулын дугуйн насанд хүрэгчдийн УАШТ Төв аймгийн Хөшигийн хөндийд болоход эрэг­тэйчүүдийн элит ангилалд тэргүүлж, оны шилдэг дугуй­чин болсон. Манай улс “Па­рис-2024” олимпод эрх авахын тулд Дэлхийн дугуйн холбоонд бүрт­гэлтэй “Ferei Mongolia development” мэр­гэжлийн баг байгуулахад тэрбээр багтсанаар анхны тэмцээнээ “Tour of Thailand”-аар эх­лүүлж байв. Дараа нь “Tour of Sharjak”, “Grand Vilo Alanya” цувралд оролцож, Та­жи­кистаны Душанбе хотод 2022 онд болсон Азийн АШТ-д ОУХМ С.Жамбалжамц, Б.Ма­рал-Эр­дэнэ, Б.Тэгшбаяр нарын хамт 24 км-ийн багийн цуваа гараатай уралдаанд 17 ор­ны шигшээтэй өрсөлдөж, мөн­гөн медаль хүрт­сэн юм. Монголын дугуйчдын ца­хиур хагалсан эл түүхэн амжилт 1991 оны Азийн АШТээс хойш багийн төрөлд медаль хүрт­сэн анхны тохиолдол байлаа. Монголын олон өдрийн уралдаанд хамгийн бага цаг үзүүлсэн амжилтыг эзэмшдэг түүний хувьд багийн­хантайгаа Хя­та­д­ад болох засмал замын дугуйн лигийн цуврал “Bosten lake stage”, “Changbai mountain stage”-д өрсөл­дөнө. Түүнчлэн “Tour of Hainan”, “Tour of Qinghai lake”, “Tour of Taihu lake” зэрэг олон өд­рийн уралдаан, Гуанжоу, Чэндү хотод болох томоо­хон тэмцээнд оролцох юм. 

Э.Билгүүнжаргал “Shenzhen kung cycling” багийн та­мирчдаас авсан нийт онооны чан­саагаар жагсаалтын дөрөвт бичигд­дэг. Тив­дээ шилдэг 50, улсдаа ОУХМ С.Жам­балжамц, Б.Тэгш­баяр, М.Марал-Эрдэнэ нарын ард жагсдаг. Монголын дугуйн үндэсний шигшээ багийнхан Азид Казахстан улсын дараа жагсаж байна.