Лигийн тоглолтод “Дэрэн” клубийнхэн алтан цом өргөлөө

Хөл бөмбөгийн холбооны но­гоон талбайд 14, 16 хүртэлх насныхны ли­гийн аварга шалгаруулах тэмцээн өнгөр­сөн дөрөвдүгээр сарын 27-ноос аравдугаар сарын 12 хүртэл зургаан сар үргэлжилсний эцэст аваргуудаа тодрууллаа. Энэ улиралд 14 нас­ныхны ангилалд найм, 16 насныхад 10 буюу нийт 18 багийн 470 гаруй тоглогч оролц­соноос Вожислав Бралушич дасгал­жуу­лагч­тай, Б.Анх-Эрдэнэ ахлагчтай “Дэ­рэн” клубийнхэн тэр­гүү­лэв. Тус багийнхантай түрүү байрын төлөө өрсөлдсөн “Стренжир соккер” клуб (А.Амарболд дасгалжуулагчтай, Ч.Бодьмөр ахлагчтай)-ийнхэн дэд байрт шалгарч, “Хоромхон” (Н.Наранболд дасгалжуу­лагч­тай, Ж.Идэржавхлан ахлагчтай) ба­гийнхан хүрэл медаль хүртсэн юм. 16 хүртэлх насныхад мөн “Дэрэн”-гийн­хэн аваргын цом өргөж, “Эрчим” (Д.Бат­насан дасгалжуулагчтай, Ж.Сүбээдэй ахлагч­тай) клубийнхэн удаалан, Вестерн (С.Отгонцагаан дасгалжуулагчтай, Ц.Хаш-Эрдэнэ ахлагч­тай) багийнхан III байр эзэлжээ. Лигийн тэмцээний шилдэг тоглогчоор 14 хүртэлх насныхнаас Д.Анар (“Дэрэн”) тодорсон. Тэрбээр 13 тоглолтод хаалгаа хуурай манаж, гурван гоол алдсан аж. Шилдэг хамгаа­лагчаар Т.Мөнх-Итгэл (“Дэрэн”), шил­дэг хагас хамгаалагчаар Ч.Бодьмөр, шилдэг довтлогчоор Б.Болд-Эрдэнэ (“Стрен­жир сок­кер”) тодорчээ. 16 хүртэлх нас­ных­ны ангилалд шилдэг хаалгачаар М.Мөнх­хүс­лэн (“Дэрэн”) шалгарсан байна. Түүний хувьд есөн тоглолтод хаалгаа хуурай манаж, 11 гоол алдсан юм. Харин шилдэг хам­гаа­лагчаар Б.Гарьд (“Дэрэн”), шилдэг хагас хамгаа­лаг­чаар Ж.Сүбээдэй, шилдэг довт­лог­чоор Д.Энх-Амгалан “(Эрчим” клуб) шал­гар­чээ.