Х.Маргад-Эрдэнэ мото ангилалд хоёр удаа түрүүлсэн байна

Монголын авто мастеруудын холбооноос жил бүр зохион байгуулдаг “Баха Монголиа-BAJA 250” нь зүгээр нэг эн­гийн бартаат замаар давхиад барианд ор­чихдог уралдаан биш юм. Энэ нь тамирчдаас авьяас, туршлага, техникийн ур чадвар, тэсвэр хатуужил шаарддаг холын зайн хурдны төрөлд багтдаг. Тиймдээ ч авто, мото спортынхны нэр хүндтэй, өрсөлдөгч ихтэй томоохон тэмцээний нэг. Төв аймгийн Эрдэнэ сумын “Элстэй” хэмээх хайрга, шавар, бартаа, эрсдэл ихтэй замд болдгоороо онцлогтой. Тэм­цээнийг зохион бай­гуулагчид тамирчдыг бэлдсэн замаараа цээ­жээр давхихаас сэр­гийлж өөрчлөх, эсрэг чиглэлд нь урал­дуулах, уралдааны маршрутад шинэ бартаа нэмэх зэргээр тактик шаард­сан өөрчлөлт тогт­мол хийдэг. 24 дэх удаагийн эл тэмцээнд олон тамир­чин хурд сорьсноос УАЗ ангилалд “Авар­гууд” клубийн тамирчин, спортын мастер, 68 ду­гаар­тай Ш.Гомбодорж анх удаа түрүүлэв. SSV төрөлд “Khuleg racing team”-ын Ч.Энхбат чиглүүлэгч М.Анх­­ бая­рын хамт хамгийн богино хугацаанд замаа туулж, аваргалсан бай­на. SSV/UTV ангилалд Ш.Гансүх тэр­гүү­­ лэн алтан медалийн эзэн болжээ. Мотоцик­лын ангилалд Гавьяат тамир­чин Э.Халиун­болдын охин Маргад-Эр­дэнэ зөв тактикаар уралдаж, хошой авар­га бол­сон юм. Тэрбээр удам дамж­сан тамир­чин. Аавынхаа хичээл­лэдэг мото спортыг өвлөж, амжилт гаргаж буй.