Дөрвөн шүүгч тив, дэлхийн тэмцээнийг дэнслэх эрхтэй болжээ

Шатрын спортынхноос дөрвөн хү­ний олон улсын шүүг­чийн цол албан ёсоор ба­тал­гаажиж, тив, дэлхийн тэмцээнийг дэнслэх эрхтэй боллоо. Олон улсын шатрын холбооноос ол­го­дог хамгийн өндөр зэрэглэлийн шүүгчийн эрх гардсан тэднээс М.Гүнбаяр Монголын шатрын холбооны шүүгчдийн зөвлөлийн даргаар ажил­ладаг бол С.Ган-Эрдэнэ 21 насандаа дэлхийн шатрын спортын түүхэнд олон улсын хамгийн залуу шүүгчээр тодров. Тэгвэл Д.Энх­сайхан холбооныхоо тэмцээний зохион бай­гуулалт, шүүгч­дийн бүрэлдэхүүнийг чад­вар­жуулах дотоод үйл ажиллагаанд голлох үүрэг гүйцэтгэн, олон улсын зэрэглэлтэй чансаа олгох томоохон тэм­цээ­нийг улсдаа амжилттай зохион байгуулж, шүүн явуулдаг байна. Сонирхуулахад, үндэсний шигшээ баг, “Гэгээн арвай” клубийн тамирчин Б.Мөн­гөнзул их мастер цол хүртлээ. Тэрбээр уг цолыг хүртсэн манай улсын найм дахь эмэгтэй тог­логч болсон юм. Дэлхийн чансааны 52 дугаар байрт эрэм­бэлэгддэг түүний хувьд дээрх цолны болзлыг өнгөрсөн зургаадугаар 30-нд биелүүлсэн бөгөөд 2022 онд эмэгтэй их мастер цолд хүрсэн Т.Мөнх­зулаас хойш дөрвөн жилийн дараа амжилтын эзэн болж байна.